logo

иқтисод

ИДИ АНГУР. ИҚДОМИ МУҲИМЕ БАРОИ МУАРРИФИИ ДАСТОВАРДҲОИ ТОКПАРВАРОН

Бо заҳмату талошҳои пайгиронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тӯли солҳои соҳибистиқлолӣ дар шаҳру ноҳияҳои мамлакат ҷиҳати рушди соҳаҳои гуногуни хоҷагии халқ, аз ҷумла зиёд намудани майдони боғу токзор, афзун гардондани истеҳсоли меваҳои аз ҷиҳати экологӣ тоза ва ба стандартҳои ҷаҳонӣ мутобиқи содиротӣ, тадбирҳои зиёди муассир  роҳандозӣ гардидаанд. Ба тасвиб расидани Амри Президенти мамлакат аз 17 августи соли ҷорӣ дар бораи эълон намудани Иди ангур ва Иди себ боз як иқдоми ниҳоят муҳиму саривақтӣ мебошад, ки мо – ангурпарваронро хеле шоду рӯҳбаланд гардонд.  
Тоҷикистони биҳиштосои мо сол  ба сол ободу зебо мешавад. Корхонаҳои бузурги саноатӣ таъсис ёфта, боғҳои калони мевадиҳанда доман паҳн мекунанд. Хусусан водии Ҳисор, ба боғистон табдил ёфтааст. Соҳаи кишоварзӣ  рӯ ба афзоиш дошта, ҳаҷми истеҳсоли маҳсулоти кишоварзӣ пайваста меафзояд. Боғу токпарварӣ соҳаи афзалиятноки кишоварзӣ ба ҳисоб рафта, дар таъмини амнияти озуқаворӣ, зиёд намудани ҳаҷми содирот ва бо ҷойи кори доимӣ фаро гирифтани сокинони маҳаллӣ  нақши муҳим мебозад. Бо назардошти ин, имрӯз дар мамлакат ҷараёни бунёди боғу токзор идома дошта, меваҳои шаҳдбори Тоҷикистон дар хориҷи кишвар шуҳрати хосса пайдо кардаанд. Гуфтаниам, ки  ширинии ангури Тоҷикистон дар ҷаҳон камназир аст.
Кори пуршараф ва заҳматталаби  боғу токпарварӣ ба мо аз бобоҳоямон  мерос мондааст. Аҳли оилаи мо аз файзи боғпарварӣ рӯзгори худро пеш мебаранд. Мо ду хоҷагии деҳқонӣ дорем, ки бо номҳои «Ватан - 2008» ва «Ҳоҷӣ - Неъмат» фаъолият намуда истодаанд. Роҳбарии хоҷагии деҳқонии «Ватан - 2008» - ро ман ба уҳда дорам. Хоҷагӣ дар оғози кор 10 гектар масоҳат дошт ва  ҳоло масоҳаташ ба 25 гектар расидааст.
Хоҷагии деҳқонии «Ҳоҷӣ Неъмат» соли 2011 ташкил шуда, масоҳати замини он 105 гектарро ташкил медиҳад. Роҳбарии онро писарам Расулҷон Усмонов ба зимма дорад. Дар он 165 саҳмдор кор мекунад, ки ҳар кадоми онҳо низ аз 5 то 10 коргар доранд. Дар майдони 100 гектар ангури навъҳои «Ҳусайнӣ», «Ғалаба», «Шоҳона», «Пешпазак» ва «Кишмиши сиёҳу сафед» парвариш мешавад. Бо мақсади беталаф ҷамъоварӣ намудани ҳосил то охири моҳи октябр ангурро чида, як қисмашро барои зимистон дар сардхонаҳо нигоҳ медорем ва қисми дигарашро  ба фурӯш мебарорем. Ҷиҳати захира кардани ҳосили токзор  сардхонаи замонавӣ бунёд кардем. Сардхона дорои 12 нуқтаи нигоҳдории маҳсулот буда, иқтидори ғунҷоиши 500 тонна маҳсулотро дорад.
Меваи ангурбоғи хоҷагӣ харидори зиёд дорад. Маҳсулоти мо ғайр аз бозори кишвар, ҳамчунин, ба Қазоқистон, Қирғизистон, Россия, Афғонистон ва Покистон содирот мешавад.
Пеш аз ҳама, ин ҳама дастоварду пешравии корамонро аз  ғамхории доимӣ ва қадамҳои файзбори Сарвари давлат медонам. Пешвои миллат муҳтарам Эмомалӣ Раҳмон се маротиба ба хоҷагии деҳқонии мо ташриф оварданд. Дар ҳар сафар ба мо тавсияҳои судбахш доданд, ки ин боиси ифтихори деҳқонони хоҷагӣ гардид. Зимни як сафари худ Пешвои миллат муҳтарам Эмомалӣ Раҳмон дасти худро ба китфам монда, гуфтанд: «Ту одами бисёр некбахтӣ, биё нашъунамои ниҳолҳои худро дар шаҳри Душанбе, дар Қасри миллат тамошо кун». Ин суханон ба ман рӯҳу илҳоми даҳчанд бахшиданд, ки бо сухан наметавон онро иброз дошт.
Месазад, ки ҷавобан ба ғамхорию дастгирии доимӣ ба бовари Роҳбари давлат сазовор гашта, дучанд фаъолият намоем ва бо шукргузорӣ аз фазои обод ва сулҳу ваҳдат Тоҷикистони азизамонро ободтар  ва бо истифода аз Иди ангур меваҳои лазизи онро ба ҷаҳониён муаррифӣ кунем.
Ҳоҷинеъмат УСМОНОВ, раиси хоҷагии деҳқонии 
«Ватан» - и шаҳри Турсунзода


Баёни ақида (0)    Санаи нашр: 27.08.2019    №: 164    Мутолиа карданд: 283
03.04.2020


ВАРЗОБ. ТАВАҶҶУҲ БА ВАРЗИШ МЕАФЗОЯД

«ЮВЕНТУС» РОНАЛДУРО БА 70 МИЛЛИОН ЕВРО ФУРӮХТАНИСТ

ТЕЪДОДИ АШХОСИ АЗ КОРОНАВИРУС ШИФОЁФТА АЗ 200 ҲАЗОР НАФАР ГУЗАШТ

ТОҶИКИСТОН БА ИСТЕҲСОЛИ НИҚОБИ ТИББӢ ВА ЛИБОСИ МАХСУС ШУРӮЪ НАМУД

СУТ: «БЕШ АЗ 95 ДАРСАДИ ҚУРБОНИЁНИ COVID-19 ДАР АВРУПО АШХОСИ КАЛОНСОЛАНД»

ПУТИН ТО ОХИРИ АПРЕЛ ИСТИРОҲАТ ЭЪЛОН КАРД

ДАР ЭРОН БЕШ АЗ 15 ҲАЗОР МУБТАЛОИ КОРОНАВИРУС СИҲАТ ШУД

Ҷаҳон дар як сатр

02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД

ТОКИО. САНАИ БАРГУЗОРИИ БОЗИҲОИ ОЛИМПӢ МАЪЛУМ ШУД

ТАНТАНАҲОИ НАВРӮЗӢ ДАР ЛАХШ

ҲИФЗИ МУҲИТИ ЗИСТ. ИҶРОИ БАРНОМА МУҲОКИМА ГАРДИД

СУТ: 165 ҲАЗОР БЕМОРИ COVID-19 ШИФО ЁФТ

ЧИН БАРОИ ПЕШГИРӢ АЗ КОРОНАВИРУС БА ТОҶИКИСТОН АФЗОРИ ЗАРУРӢ ФИРИСТОД

ДАР УХАН БЕШ АЗ 60 БЕМОРХОНА БА НИЗОМИ МУҚАРРАРИИ ФАЪОЛИЯТ БАРГАШТ

ТАБИБОНИ ОЛМОНӢ 16 ҲАЗОР БЕМОРРО АЗ КОРОНАВИРУС НАҶОТ ДОДАНД

ПУТИН ВА ТРАМП НАРХИ КУНУНИИ НАФТРО БА МАНФИАТИ ДУ КИШВАР СОЗГОР НАМЕШУМОРАНД

ДАР ТУРКМАНИСТОН ИСТИФОДАИ КАЛИМАИ КОРОНАВИРУС МАНЪ ГАШТ

Ҷаҳон дар як сатр

31.03.2020


РОҒУН. ВАРЗИШ РӮ БА РУШД ДОРАД

КОРРУПСИЯ РОҲБАРИ АССОТСИАТСИЯРО БА КУРСИИ АЙБДОРӢ НИШОНД

ОДАМКУШӢ. ХУШУНАТИ ОИЛАВИЕ, КИ БО МАРГ АНҶОМ ШУД


Дар сомонаҳои дигари Тоҷикистон хонед