logo

иқтисод

ТОҶИКОБОД. НОҲИЯЕ ДАР МАСИРИ РУШД

Муҳимтарин рӯйдоде, ки нимсолаи аввали соли ҷорӣ дар ноҳияи Тоҷикобод ба вуқӯъ пайваст, сафари кории Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ноҳия буд. Ҷои ифтихори мардуми шарифи ноҳияи Тоҷикобод аст, ки боздиди навбатии Пешвои муаззами миллат  дар сатҳи баланд доир гардид.
- Сардори давлат муҳтарам Эмомалӣ Раҳмон дар мулоқоташон бо сокинон ва боздидашон аз иншооти навбунёд дар назди мардум вазифа гузоштанд, ки тибқи нақшаи чорабиниҳо мо бояд онҳоро амалӣ гардонем, - иброз дошт Ҳамидулло Маҳмадшозода, раиси ноҳияи Тоҷикобод.
- Имрӯз дар кулли соҳаҳои хоҷагии халқи ноҳия пешравиҳо дида мешаванд. Аз ҳисоботи оморӣ бармеояд, ки дар  нимсолаи аввали соли равон нақшаи пардохти андозҳои маҳаллӣ 106 фоиз иҷро гардида, ба ҷои 2 миллиону 837 ҳазору 812 сомонии пешбинишуда ба буҷети маҳаллӣ 2 миллиону 999 ҳазору 459 сомонӣ маблағи андоз ворид шуд. Нақшаи воридоти андозҳо дар якҷоягӣ бо андозҳои иҷтимоии ғайрибуҷетӣ низ 106 фоиз таъмин гашт.
Вале нақшаи 4 намуди андоз – аз арзиши иловашуда, воситаҳои нақлиёт, боҷи давлатӣ, дигар пардохтҳо ба буҷети маҳаллӣ иҷро нашуд. Ба ҳолати якуми январи соли 2019 қарзи бақияпулиҳо 1 миллиону 396 ҳазору 571 сомониро ташкил дода, дар шаш моҳи соли равон  20 ҳазору 235 сомонӣ қарз коҳиш ёфт.
Нақшаи қисми даромади буҷети маҳаллӣ 101,3 фоиз ва нақшаи қисми хароҷот 90 фоиз таъмин гардид. Масъулон сабабҳои асосии таъмин нагардидани қисми хароҷоти буҷети ноҳияро дар худдорӣ намудан аз маблағгузории хароҷоти дуюмдараҷа ва ҷой доштани воҳидҳои кории холӣ дар корхонаҳои буҷетӣ медонанд.
Дар ноҳияи Тоҷикобод мутобиқи Барномаи рушди иҷтимоию иқтисодии ноҳия барои солҳои 2018 - 2020 аз худ намудани 182 лоиҳа бо маблағи 117 миллион сомонӣ ба нақша гирифта шудааст, ки то имрӯз 22 лоиҳа бо маблағи 11 миллиону 220 ҳазор сомонӣ татбиқ ёфт.  Дар давоми  соли 2019 амалисозии 11 лоиҳа дар назар аст. Маблағи умумии дар доираи татбиқи лоиҳаҳои мазкур азхудмешуда  35 миллиону 833 ҳазор сомониро ташкил медиҳад. 
Дар нимсолаи аввали соли равон аз тарафи бонкҳо ва дигар ташкилотҳои қарзӣ ба маблағи 3 миллиону 387 ҳазору 135 сомонӣ қарзҳои хурд дода шудаанд, ки нисбат ба ҳамин давраи соли гузашта 1 миллиону 189 ҳазору 668 сомонӣ зиёд мебошад. Дар ҳамин иртибот шуъбаи агентии меҳнат ва шуғли аҳолӣ дар ноҳияи Тоҷикобод ба 91 нафар ба маблағи 154 ҳазору 700 сомонӣ қарзи фардии меҳнатӣ дода, ба 126 нафар ёрии пулӣ расондааст.
Далелу рақамҳои омор дар бахши кишоварзӣ хурсандибахшанд. Бо иқдоми мақомоти иҷроияи маҳаллии ҳокимияти давлатии ноҳия ҳанӯз аз давраи тирамоҳу зимистон ҷиҳати омода гардондани иншооти обрасон – каналҳо, корҳои зиёди таъмирӣ ва коршоям гардондани сарбандҳо  анҷом дода шуданд, ки ҳоло бо иқтидори пурра кор мекунанд ва тайи чанд даҳсола бори аввал аст, ки таъминоти оби полизӣ дар ноҳия беҳбудӣ ёфт.
Ба истиқболи Ҷашни миллӣ – 30 - солагии Истиқлолияти давлатии Ҷумҳурии Тоҷикистон, тибқи нақша дар ноҳияи Тоҷикобод сохтмони 74 иншооти таъйиноти гуногун дар назар аст. Аз замони тасдиқ гардидани нақшаи чорабиниҳо то имрӯз 8 иншоот мавриди баҳрабардорӣ қарор гирифт.
Мувофиқи нақшаи чорабиниҳо соли 2019 мебояд корҳои сохтмонӣ дар 27 иншоот анҷом ёбанд. Дар нимсолаи аввал ба маблағи 2 миллиону 246 ҳазор сомонӣ корҳои сохтмону васлгарӣ ба итмом расонда шудаанд, ки аз ин 1 миллиону 296 ҳазораш бо маблағгузории шарикони рущд амалӣ гардидааст. Аз ҷумла, барои таъмири бинои литсейи касбӣ- техникӣ 600 ҳазор сомонӣ, маркази дастгирии бонувон 400 ҳазор сомонӣ, бунгоҳи тиббии деҳаи Гулрез 24 ҳазор сомонӣ, бинои муассисаи кумаки аввалияи тиббию санитарӣ 85 ҳазор сомонӣ сарф гардид. Аз ҳисоби маблағҳои ҷумҳуриявӣ 950 ҳазор сомонӣ ба корҳои сохтмонӣ дар биноҳои қасри фарҳанг, идораи шабакаи барқ, муассисаи таҳсилоти миёнаи умумии  рақами 10 равона гардид.
Дар майдончаҳои варзиши деҳаҳои Фатҳобод ва Сабзазор корҳои сохтмонӣ анҷом ёфтанду дар 4 майдонча сохтмон бомаром идома дорад.
Дар соҳаи маориф низ сохтмони чанд иншооти ҷашнӣ дар нақша ҳаст. Дар назди муассисаи таълимии  рақами 2, деҳаи Фатҳобод, рақами 27, деҳаи Дараи Нӯшор,  рақами 42, деҳаи Кӯли Калон бо маблағгузории буҷети маҳаллӣ сохтмони биноҳои иловагӣ дар авҷ аст.
Аз  ҳисоби соҳибкорон ва аҳолӣ дар назди муассисаҳои таълимии рақами 7, деҳаи Зарнисор, рақами 18, деҳаи Мазори Боло, рақами 31, деҳаи Дараи Назарак, рақами 38, деҳаи Лангари Шоҳ, рақами 43, деҳаи Ғуломон сохтмони синфхонаҳои иловагӣ пешбинӣ шудааст.
Шуъбаи агентии меҳнат ва шуғли аҳолии ноҳияи Тоҷикобод дар ин давра 37 нафарро бо ҷойи кори доимӣ таъмин кард, ба 46 нафар бекор қарзҳои фардии меҳнатӣ ба маблағи 78 500 сомонӣ дода шуд, ки аз ин 16 нафарро занон ташкил медиҳанд. Ба 364 нафар мақоми бекорӣ дода шудааст. Ҷойҳои кории холӣ 73 ададро ташкил намуда, ба соҳаҳои маориф, тандурустӣ ва фарҳанг мансуб мебошад. Барои баланд бардоштани сатҳи касбияти калонсолону ҷавонон ба 120 нафар барои омӯхтани касбҳои дӯзандагӣ,  қуроқдӯзӣ, бофандагӣ, қолинбофӣ ва омӯзиши забонҳои хориҷӣ роҳхат дода шуд.
Риояи Қонуни Ҷумҳурии Тоҷикистон  «Дар бораи танзими анъана ва ҷашну маросим дар Ҷумҳурии Тоҷикистон» дар меҳвари таваҷҷуҳ қарор дорад. Як қонуншиканӣ дар деҳаи Файзбори деҳоти Нӯшор ба қайд гирифта шуду қонунвайронкунанда бо қарори суд ҷарима супурд.
Як маъракаи хатнасури хайриявӣ бо ҷалби 50 нафар кӯдак, тӯи  арӯсию домодии хайриявӣ бо ҷалби 10 ҷуфт навхонадор баргузор гардид.
Суръат бахшидани корҳои ободонию бунёдкорӣ ба истиқболи Ҷашни 30 - солагии Истиқлолияти давлатии Ҷумҳурии Тоҷикистон, расондани ҳосили фаровони зироату боғот ва ҷамъоварии беталафи онҳо, дигаргунии ҷиддӣ ворид намудан ба раванди таълиму тарбия, нигоҳдории тандурустӣ, фарҳанг, иҷтимоиёту маънавиёт вазифаи мушаххаси сокинони Тоҷикобод дар нимсолаи дуюм аст, ки барои иҷрояшон онҳо камари ҳиммат бастаанд.
Муҳаммадзоиршо ШАРИФЗОДА,
Дилшод АМИРОВ, «Ҷумҳурият»


Баёни ақида (0)    Санаи нашр: 29.08.2019    №: 165    Мутолиа карданд: 754
19.03.2020


МАСТЧОҲ. НАМОИШИ ТЕХНИКАИ КИШОВАРЗӢ

18.03.2020


КОРШИНОСОН ГУРӮҲИ АЗ КОРОНАВИРУС ОСЕБПАЗИРИ ХУНРО МУАЙЯН НАМУДАНД

БА ӮЗБЕКИСТОН ТАБИБОНИ ЧИНӢ МЕОЯНД

МИШУСТИН ВАЗЪИЯТИ КОРОНАВИРУСРО БО ҲАМТОЁНАШ АЗ ИДМ БАРРАСӢ НАМУД

ЁРИИ БОР БА ТОҶИКИСТОН БАРОИ МУБОРИЗА БО COVID-19

Ҷаҳон дар як сатр

МАШЪАЛИ ОЛИМПӢ. 20 МАРТ БА ТОКИО МЕРАСАД

17.03.2020


ОЗМУНИ "НАРОДНАЯ ГАЗЕТА" ҶАМЪБАСТ ШУД

МАСТЧОҲ. ОМОДАГӢ БА НАВРӮЗ

ШИФО ЁФТАНИ БЕШ АЗ 85 ДАРСАДИ МУБТАЛОЁНИ КОРОНАВИРУС ДАР ЧИН

МИШУСТИН: «РОССИЯ БАРОИ СУБОТИ ИҚТИСОДӢ ЗАХИРАИ КОФӢ ДОРАД»

ДАР НУР - СУЛТОН ПАРАД БА ИФТИХОРИ 75 - СОЛАГИИ ҒАЛАБА МАНЪ ШУД

МАҚОМОТИ ВИЖАИ ҚАЗОҚИСТОН АМАЛИЁТИ ТЕРРОРИСТИРО ПЕШГИРӢ НАМУДАНД

ҶАҲОН ДАР ЯК САТР

13.03.2020


ВАРЗОБ. САФИ ЗАНОНИ КАСБОМӮЗ РӮ БА АФЗУДАН ДОРАД

АЗ БЕМОРХОНАИ МУВАҚҚАТИИ УХАН ОХИРИН БЕМОРРО ҶАВОБ ДОДАНД

ДАР ТОҶИКИСТОН ШАҲРВАНДОНИ ШАШ КИШВАРИ ҶАҲОН ДАР КАРАНТИН МЕБОШАНД

СУТ ПАНДЕМИЯИ КОРОНАВИРУСИ COVID-19-РО ЭЪЛОМ ДОШТ

СҲШ МАСОИЛИ ВОКУНИШИ ФАВРӢ БА ХУРӮҶИ БЕМОРИҲОРО БАРРАСӢ МЕКУНАД

ДАР МИНСК ҶОНИБҲОИ ДАРГИР БОРИ НАХУСТ ПРОТОКОЛИ ИНТИҲОИРО БА ТАСВИБ РАСОНДАНД

Ҷаҳон дар як сатр

ҶОМИ КФО – 2020. ПИРӮЗИИ «ИСТИҚЛОЛ» БАР «ХУҶАНД»

11.03.2020


 НАҚШАИ ВОКУНИШ БА ҲОЛАТИ ФАВҚУЛОДА ДАР РОБИТА БА COVID – 19 ТАҲИЯ МЕШАВАД

ДАР МАЙДОНИ «ДӮСТӢ» ТАБАҚИ СУМАНАК ҚОМАТ АФРОХТ

ОЗМОИШГОҲИ ДОНИШГОҲИ ДАВЛАТИИ ХОРУҒ СОҲИБИ ТАҶҲИЗОТИ НАВИ ТЕХНОЛОГӢ ГАРДИД

 ХАТЛОН. Тантанаи ҷашни миллӣ вусъат меёбад

 ХУҶАНД. Як навиди фарҳангӣ

 СИ ҶИНПИН БА ШАҲРИ УХАН ОМАД

ИНТИХОБОТИ ПРЕЗИДЕНТИ РОССИЯ ДАР СОЛИ 2024 ДАР РАҚОБАТ ХОҲАД ГУЗАШТ

 ТИҶОРАТИ ТУРИЗМИ ИТТИҲОДИ АВРУПО АЗ КОҲИШИ САЙЁҲОНИ ЧИНӢ €1 МИЛЛИАРД ЗАРАР ДИД

 СЕ БУҲРОНИ БОЗОРИ НАФТИ ҶАҲОНӢ ДАР 20 СОЛИ ОХИР

 РУСЛАН ТУЛЕНОВ БО «ХУНИ ПАНДА» БА ЁРИИ ЧИНИҲОИ МУБТАЛОИ КОРОНАВИРУС МЕОЯД

 ҶАҲОН ДАР ЯК САТР

 ВОЛЕЙБОЛ. "ҶОМИ ПОЙТАХТ" МИЁНИ БОНУВОН БА АНҶОМ РАСИД

 БОКС. МУҲАММАДХӮҶА ҲАНӮЗ ШИКАСТНОПАЗИР АСТ


Дар сомонаҳои дигари Тоҷикистон хонед