logo

Хабарҳо

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

Дар  Ӯзбекистон бо дастгирии ЮНЕСКО нахустин маротиба дар Осиёи Марказӣ ҳафтаи мероси фарҳангӣ оғоз гардид. Дар доираи ин чорабинӣ, дар қасри анҷуманҳои шаҳри Самарқанд дар мавзӯи “Ҳифзи мероси моддӣ ва ғайримоддӣ: мушкилот ва роҳҳои ҳалли онҳо”, конфронси байналмилалӣ баргузор шуд.
 Бино ба иттилои Вазорати фарҳанг дар конфронс наздики 300 коршиносу олим аз 60 мамлакати дунё ва намояндагони ташкилотҳои бонуфузи байналмилалӣ иштирок доштанд.
Дар оғози ҳамоиш зикр шуд, ки конфронс бо мақсади амалӣ намудани принсипҳои ЮНЕСКО дар ҳифзи мероси фарҳанги моддӣ ва нигоҳдошти мероси фарҳанги ғайримоддӣ, баррасии мушкилоти соҳа, омӯзиш ва татбиқи таҷрибаи байналмилалӣ дар ин самт баргузор мегардад.
- Ҳифзи осори фарҳангӣ яке аз масъалаҳое мебошад, ки аҳли башарро ба ташвиш овардааст. Ҳар як кишвар дар ин масъала таҷрибаи худро дорад. Аҳамияти конфронси мазкур ҳамин аст, ки дар он намояндагони кишварҳо табодули таҷриба намуда, ба ин васила метавонанд системаи нави ҳифзи осори таърихиву фарҳангиро  дар замони муосир кор карда бароянд, - иброз  дошт Наргис Хоҷаева, доктори илмҳои таърих, корманди Институти таърих, бостоншиносӣ ва мардумшиносии ба номи  Аҳмади Дониши Академияи илмҳои Ҷумҳурии Тоҷикистон.
Ҳамчунин, дар доираи Ҳафтаи мероси фарҳангӣ дар шаҳрҳои Тошканд, Тирмиз ва Самарқанд гузарондани чорабиниҳои хотирмон ба нақша гирифта шудааст. Дар шаҳри Тошканд Конгресси 3 - юми байналмилалии Ҷамъияти ҷаҳонии ҳифз, омӯзиш ва тарғиби мероси фарҳангӣ баргузор мегардад. Галереяи санъати тасвирии Ӯзбекистон намоиши нодири «Ганҷи Кӯшон:  Тиллои Дилварзин» - ро ташкил менамояд. 
Сокинони шаҳри Самарқанд бо барномаи фарҳангии «Бозори Шарқ» ва озмуни либоси миллӣ хотири меҳмононро шод хоҳанд намуд. Ҳоло дар майдони Регистони шаҳр Фестивали байналмилалии мусиқии «Таронаҳои Шарқ» баргузор гардида истодааст.
М. ТАБАРӢ, «Ҷумҳурият»


Баёни ақида (0)    Санаи нашр:    №:    Мутолиа карданд: 1643

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед