logo

сиёсат

ИФТИТОҲИ ЛИТСЕЙ БАРОИ ХОНАНДАГОНИ БОЛАЁҚАТ

30  август Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо раиси шаҳри Душанбе Рустами Эмомалӣ бинои наву замонавии Муассисаи давлатии таълимии «Литсейи № 3 барои хонандагони болаёқати шаҳри Душанбе» - ро дар кӯчаи Маҳмадулло Холови ноҳияи Исмоили Сомонии пойтахт мавриди истифода қарор доданд.
Пешвои миллат муҳтарам Эмомалӣ Раҳмон бо шароити нави таҳсил дар ин даргоҳи илму маърифат шинос шуда, бо муҳассилину омӯзгорон суҳбати самимӣ анҷом доданд.
Муассисаи давлатии таълимии «Литсейи № 3 барои хонандагони болаёқати шаҳри Душанбе» дар асоси дастуру ҳидоятҳои Пешвои муаззами миллат муҳтарам Эмомалӣ Раҳмон ва иқдомҳои созандаи роҳбарияти шаҳри Душанбе дар доираи омодагиҳо ба 30 - солагии Истиқлолияти давлатии Ҷумҳурии Тоҷикистон аз ҳисоби буҷети шаҳри Душанбе маблағгузорӣ ва бунёд гардида, барои 1200 нафар хонанда дар як баст пешбинӣ гардидааст.
Иншооти нав дар заминаи гимназияи № 53 ба номи Муҳаббат Маҳмудова бунёд шуда, дорои 65 синфхона ва ҳуҷраҳои дигари ёрирасон мебошад.
Бинои муассисаи нави таълимӣ аз 6 бинои 4 - ошёна иборат буда, дар он муосиртарин шароити донишомӯзӣ барои насли наврасу ояндасози миллат фароҳам шудааст.
Ёдовар мешавем, ки корҳои сохтмонии ин муассисаи таълимӣ 30 - юми майи соли 2018 бо иштироки Сарвари давлат муҳтарам Эмомалӣ Раҳмон ва раиси шаҳри Душанбе Рустами Эмомалӣ оғоз гардида буд. Инак, иншоот дар рӯзҳои таҷлил аз 28 - солагии Истиқлолияти давлатии Ҷумҳурии Тоҷикистон ва оғози Соли нави хониши 2019 - 2020 бо сатҳу сифати баланд мавриди баҳрабардорӣ қарор гирифт.
Муассисаи нави таълимӣ дорои 4 синфхонаи лингофонӣ, 2 синфи компютерӣ, синфхонаҳои озмоишгоҳи физика, кимиё, ҷуғрофия, биология, суруд ва мусиқӣ, синфхонаи омодагии дифои ҳарбӣ бо долони тайёрии машқҳои ҳарбӣ, нақшакашии техникӣ, таълими меҳнат, устохонаи коркарди матоъҳо ва технологӣ, устохонаи умумии коркарди филизу чӯб мебошад.
Дар муассиса ҳуҷраҳои духтури дандон ва равоншинос низ мавҷуданд.
Дар литсей бо мақсади ташаккули нутқи хонандагон ва инкишофи зеҳнию мантиқии онҳо ҳуҷраҳои логопедӣ ва арифметикаи зеҳнӣ таъсис дода шудаанд, ки ба таъкиди масъулон ин таҷрибаи нахустин дар муассисаҳои таълимии мамлакат мебошад.
Китобхонаи электронии муассиса бо 25 адад компютер ва хати баландсуръати интернет таъмин гардидааст. Синфхонаи технологияи иттилоотии муассисаи замонавии таълимӣ бо муосиртарин дастгоҳҳои корӣ таъмин буда, дар он барои хонандагон тамоми шароити омӯзишӣ фароҳам карда шудааст. Ҳамзамон, иншооти нав дорои ошхона бо 600 ҷойи нишаст, толори варзиш дар масоҳати 542,8 метри мураббаъ бо 200 ҷойи нишаст ва маҷлисгоҳ бо 450 ҷойи нишаст мебошад.
Зимни шиносоӣ ба Пешвои миллат иттилоъ доданд, ки дар муассисаи мазкур ба касбу ҳунаромӯзии муҳассилон таваҷҷуҳи хосса дода шуда, дар таҳхонаи бино синфхонаҳои технологияи меҳнат барои духтарону писарон, омодагии дифои ҳарбӣ ва студияи хореографӣ бо тамоми дастгоҳу таҷҳизоти зарурӣ кушода шудаанд.
Бо мақсади оммавигардонии варзиш ва тарғиби тарзи ҳаёти солим дар ҳавлии муассисаи таълимӣ майдончаи варзишии муосир бо паҳноии 20 ва дарозии 40 метр сохта шуда, дар маҷмӯъ, масоҳати он 800 метри мураббаъро дар бар мегирад. Майдонча барои бозиҳои футбол, волейбол ва дигар намудҳои варзиш пешбинӣ гардида, ҷавобгӯ ба меъёрҳои муосир сохта шудааст. Дар шафати майдончаи варзишӣ, майдони тайёрии ҳарбӣ низ бунёд гардидааст. Дар ҳудуди таълимгоҳ 1 адад трансформатори баландшиддати барқӣ насб гардида, ҳамчунин, иншоот бо системаи гармидиҳии мутамарказонидашуда пайваст мебошад.
Пешвои миллат муҳтарам Эмомалӣ Раҳмон ба сатҳу сифати корҳои сохтмонӣ ва тарҳи бинои литсей баҳои баланд доданд.
Пас аз ифтитоҳи муассиса Президенти мамлакат муҳтарам Эмомалӣ Раҳмон дар толори барҳавои он бо хонандагону омӯзгорон ва аҳли маорифи пойтахт мулоқот намуда, онҳоро ба 28 - солагии Истиқлолияти давлатии Ҷумҳурии Тоҷикистон ва Соли нави хониши 2019 - 2020 табрику таҳният гуфтанд.
Сарвари давлат зимни суханронӣ хонандагону омӯзгоронро ба истифодаи пурсамари шароити муосири донишомӯзӣ ҳидоят карда, аз тадбирҳои муассири давлату Ҳукумати Ҷумҳурии Тоҷикистон дар самти бунёду навсозии муассисаҳои типи нав дар даврони соҳибистиқлолии кишвар бо мақсади боло бардоштани сатҳу сифати илмомӯзии насли наврасу ояндасози миллат ёдовар шуданд.
Таъкид гардид, ки барои боз ҳам беҳтар намудани шароити таълим ва муҳайё намудани имконоти муосири донишомӯзии насли навраси кишвар имрӯзҳо дар тамоми шаҳру ноҳияҳои мамлакат бунёди садҳо муассисаҳои таълимӣ бо назардошти талаботи замон идома дорад ва то Ҷашни 30 - солагии Истиқлолияти давлатии Ҷумҳурии Тоҷикистон бештари онҳо мавриди баҳрабардорӣ қарор хоҳанд гирифт.
Атрофи литсей дар доираи тадбирҳои ободонӣ дар масоҳати 7 ҳазору 552,9 метри мураббаъ сабзазор ва чароғон карда шуда, намои иншооти таълимӣ шабонгоҳ хеле зебою назаррабо ба назар мерасад.


Баёни ақида (0)    Санаи нашр: 30.08.2019    №: 166    Мутолиа карданд: 246

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ


Дар сомонаҳои дигари Тоҷикистон хонед