logo

иқтисод

АЗ ШАҲРДОРӢ ТО ШАҲРСОЗӢ. БАРДОШТ АЗ БОХТАРИ БОСТОНӢ

Дар доираи нақшаи чорабиниҳои мақомоти иҷроияи ҳокимияти давлатии шаҳри Бохтар оид ба истиқболи сазовори Ҷашни 30 - солагии Истиқлолияти давлатии Ҷумҳурии Тоҷикистон ва иҷрои Амри Президенти мамлакат дар ин бора то соли 2021 бунёду навсозии беш аз 300 иншооти иҷтимоию иқтисодӣ ва инфрасохторӣ дар назар аст. То имрӯз 68 иншоот мавриди баҳрабардорӣ қарор гирифт.

- Боиси хурсандист, ки соли ҷорӣ дар арафаи Ҷашни байналмилалии Наврӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои нави чорошёнаи факултети сиёсат ва идораи давлатӣ ва маҷмааи варзиши Донишгоҳи давлатии Бохтар ба номи Носири Хусравро мавриди истифодабарӣ қарор доданд. Бинои факултет дорои 24 синфхона, 16 кабинети маъмурӣ ва ёрирасон буда, барои ба таҳсил фаро гирифтани 700 донишҷӯ бо муосиртарин дастгоҳу таҷҳизоти таълимӣ муҷаҳҳаз гардонда шудааст. Барои сохтмони он беш аз 6 миллион сомонӣ харҷ гардид. Маҷмааи варзиш дорои 4000 ҷойи нишаст буда, дар он барои тамрину обутоб додани бадан тамоми шароити зарурӣ муҳайё мебошад,  - гуфт Абдуалим Исмоилзода, раиси шаҳри Бохтар.
Сарвари давлат дар шаҳр, ҳамчунин, ба бунёди терминали автомобилии мусофиркаш дар масоҳати 3 гектар санги асос гузоштанд ва бо лоиҳаи рушди нақлиёти ҷамъиятии вилояти Хатлон шинос гардиданд. Маблағи умумии лоиҳа беш аз 10 миллион доллари ИМА - ро дар бар мегирад ва он дар доираи ҳамкориҳои Ҳукумати Тоҷикистон бо Бонки аврупои таҷдид ва рушд татбиқ хоҳад гардид. Ҳадафи лоиҳа беҳтар намудани хизматрасонии нақлиёти ҷамъиятии дохилишаҳрӣ ва наздишаҳрӣ бо истифода аз автобусҳои наву замонавӣ барои аҳолӣ ва меҳмонони шаҳрҳои Бохтар, Левакант ва ноҳияҳои Кӯшониёну Вахш мебошад. Ба гуфтаи раиси шаҳр, терминал дар қисмати ҷанубу ғарбии шаҳр дар шоҳроҳи Бохтар - Кӯлоб сохта мешавад ва ба танзими ҳаракати воситаҳои нақлиёти ҷамъиятӣ ва осону сода гардидани рафтуомади сокинону меҳмонон ба шаҳру ноҳияҳои атроф мусоидат хоҳад кард.
Аз ҷониби соҳибкорони ватанӣ Аловуддин Боронов ва Ҳисомиддин Маҳмадалиев дар кӯчаи Юрий Логинов бо арзиши беш аз 1 миллиону 400 ҳазор сомонӣ марказҳои савдо ва хизматрасонӣ бо номҳои «Осиё» ва «Делфин» дарҳои худро барои сокинон боз намуданд ва дар онҳо наздики 50 кас бо ҷойи кори доимӣ таъмин гардид. Дар кӯчаи Борбад дуконҳои тиҷоратӣ, кошонаи ҳусн, майдони истироҳатию фароғатӣ, маркази ҳунарҳои мардумӣ бо гулгашт бунёд ёфтанд. Бо мақсади тарғиби тарзи ҳаёти солим ва ҷалби ҷавонон ба варзиш дар кӯчаи Дӯстии халқҳо майдони варзиш бо 2000 ҷойи нишаст ба истифода супурда шуд.
Ҳамчунин, боғи фарҳангӣ - фароғатии ба номи Раҳмон Мӯрчаев бо ҷалби соҳибкорони маҳаллӣ куллан навсозӣ гардид.
Дар маҳаллаҳои Кайҳоннавардон ва Хатлон майдонҳои хурд барои бозии кӯдакон, дар кӯчаи А. Қаҳҳоров ҳавзи шиноварӣ, дар минтақаи саноатии маҳаллаи Маданият корхонаи истеҳсоли масолеҳи сохтмону саноат ва корхонаҳои коркарди меваю сабзавот мавриди баҳрабардорӣ қарор гирифтанд. Соҳибкори маҳаллӣ Хуршед Ватанзода дар кӯчаи Борбад қаҳвахонаи «Ватан» - ро  ба истифода дод. Баъди навсозӣ ба маблағи 1,9 миллион сомонӣ кохи фарҳанги шаҳр ба фаъолият шурӯъ кард. Инчунин, маҷмааҳои «10 - солагии Ваҳдати миллӣ», «Ваҳдат», майдонҳои ба номи Абуабдуллоҳи Рӯдакӣ, Ҷалолиддини Балхӣ, Шаҳидон, гулгаштҳои кӯчаи Борбад ва боғчаи истироҳатии кӯдаконаи «Фирдавс» бо тарҳи зебову замонавӣ навсозӣ  гардиданд. 
Дар доираи ободонию бунёдкориҳо ба муносибати ин ҷашни муборак аз ҳисоби маблағҳои мақомоти иҷроияи ҳокимияти давлатии шаҳр қисмати берунии 27 бинои баландошёнаи истиқоматӣ рангубор шуд. Соҳибкорон низ аз ин кори хайр худро канор нагирифта, 10 биноро ба гунаи назаррабо ороиш доданд.
Дар арафаи Ҷашни 28 - солагии Истиқлолияти давлатӣ 18 иншооти муҳими иҷтимоӣ ва иқтисодию фарҳангӣ, аз ҷумла бинои иловагии чорошёнаи таълимии муассисаи ғайридавлатии коллеҷи тиббӣ - иҷтимоӣ, корхонаи фаръии «Хоҷагию коммуналӣ», корхонаҳои истеҳсоли шарбату дӯзандагӣ, кушторхонаи байтории чорвои калону хурд, коргоҳи истеҳсоли масолеҳи сохтмонии пластикӣ, чойхона, биноҳои истиқоматии баландошёна, ошхонаи «Шоми Бохтар», майдони бозии футболи хурд, майдончаи бозии кӯдакон, ба истифода дода мешаванд.
- Бо итминон гуфта метавонем, ки сокинони заҳматкашу бунёдкори шаҳр ин ҷашни барои тамоми мардуми кишвар муқаддасро бо дастовардҳои арзанда пешвоз мегиранд, - иброз дошт Абдуалим Исмоилзода.

Кароматулло АТО,
  «Ҷумҳурият»


Баёни ақида (0)    Санаи нашр: 05.09.2019    №: 170    Мутолиа карданд: 1643
06.04.2020


ЧЕМПИОНАТИ ТОҶИКИСТОН – 2020. ДАСТАИ «ХАТЛОН» ОНРО БО ПИРӮЗӢ ОҒОЗ КАРД

ВМКБ. ЯК ҲАМОИШИ МУҲИМ

НУРОБОД. АЗ «ЧАКОМАИ ГЕСУ» ТО “ЗАН ВА ТОЗАГӢ”

03.04.2020


ВАРЗОБ. ТАВАҶҶУҲ БА ВАРЗИШ МЕАФЗОЯД

«ЮВЕНТУС» РОНАЛДУРО БА 70 МИЛЛИОН ЕВРО ФУРӮХТАНИСТ

ТЕЪДОДИ АШХОСИ АЗ КОРОНАВИРУС ШИФОЁФТА АЗ 200 ҲАЗОР НАФАР ГУЗАШТ

ТОҶИКИСТОН БА ИСТЕҲСОЛИ НИҚОБИ ТИББӢ ВА ЛИБОСИ МАХСУС ШУРӮЪ НАМУД

СУТ: «БЕШ АЗ 95 ДАРСАДИ ҚУРБОНИЁНИ COVID-19 ДАР АВРУПО АШХОСИ КАЛОНСОЛАНД»

ПУТИН ТО ОХИРИ АПРЕЛ ИСТИРОҲАТ ЭЪЛОН КАРД

ДАР ЭРОН БЕШ АЗ 15 ҲАЗОР МУБТАЛОИ КОРОНАВИРУС СИҲАТ ШУД

Ҷаҳон дар як сатр

02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД

ТОКИО. САНАИ БАРГУЗОРИИ БОЗИҲОИ ОЛИМПӢ МАЪЛУМ ШУД

ТАНТАНАҲОИ НАВРӮЗӢ ДАР ЛАХШ

ҲИФЗИ МУҲИТИ ЗИСТ. ИҶРОИ БАРНОМА МУҲОКИМА ГАРДИД

СУТ: 165 ҲАЗОР БЕМОРИ COVID-19 ШИФО ЁФТ

ЧИН БАРОИ ПЕШГИРӢ АЗ КОРОНАВИРУС БА ТОҶИКИСТОН АФЗОРИ ЗАРУРӢ ФИРИСТОД

ДАР УХАН БЕШ АЗ 60 БЕМОРХОНА БА НИЗОМИ МУҚАРРАРИИ ФАЪОЛИЯТ БАРГАШТ

ТАБИБОНИ ОЛМОНӢ 16 ҲАЗОР БЕМОРРО АЗ КОРОНАВИРУС НАҶОТ ДОДАНД

ПУТИН ВА ТРАМП НАРХИ КУНУНИИ НАФТРО БА МАНФИАТИ ДУ КИШВАР СОЗГОР НАМЕШУМОРАНД

ДАР ТУРКМАНИСТОН ИСТИФОДАИ КАЛИМАИ КОРОНАВИРУС МАНЪ ГАШТ

Ҷаҳон дар як сатр


Дар сомонаҳои дигари Тоҷикистон хонед