logo

иқтисод

САНОАТИ САБУК. ФАРДО АЗ ИМРӮЗ БЕҲТАР ХОҲАД ШУД

Татбиқи Барномаи рушди саноати сабук дар Ҷумҳурии Тоҷикистон барои давраи то соли 2022, ки бо дастури Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон   муҳтарам Эмомалӣ Раҳмон таҳия гардида, бо қарори Ҳукумати кишвар 29 марти соли равон қабул шуд, ҷиҳати таъмини коркарди ашёи хом, аз ҷумла нахи пахта, пӯст, пашм ва истеҳсоли маҳсулоти воридотивазкунандаю ба содирот нигарондашуда, мусоидат намуд. 
Фаъолияти корхонаҳои соҳаи саноати сабуки мамлакат давоми ҳафт моҳи  аввали соли ҷорӣ нисбат ба ҳамин давраи соли гузашта беҳтар шуда, ҳиссаи соҳа якҷоя бо корхонаҳои пахтатозакунӣ дар маҷмӯи маҳсулоти саноатии кишвар 5,5 дарсадро ташкил дод. Дар ин давра ҳаҷми истеҳсоли маҳсулот дар корхонаҳои соҳа ба 685,4 миллион сомонӣ расид, ки дар қиёс ба ҳамин давраи соли гузашта, 134,4 миллион сомонӣ ё 24,4 дарсад зиёд аст.
Дар корхонаҳои соҳа 12370 тонна ришта ва 4800 метри мураббаъ матои пахтагин истеҳсол гардид. 318973 дона пӯсти чорво коркард шуда, суръати афзоиш 46,4 дарсадро ташкил дод. Ҳаҷми содироти маҳсулот ба беш аз 900 миллион сомонӣ расид.
Барои рушди истеҳсолот ба корхонаҳо ба маблағи 9,6 миллион сомонӣ дастгоҳу таҷҳизоти нав ворид шудааст.
Имтиёзҳои андозиву гумрукии солҳои охир фароҳамовардаи Ҳукумати Ҷумҳурии Тоҷикистон дар соҳаи коркарди нахи пахта ба беҳтар гардидани фазои сармоягузорӣ ва ҷалби сармояи хориҷӣ мусоидат кард. Ба фаъолият шурӯъ намудани маҷмааи ресандагии ҶСП «Ҷунтай Данғара Син Силу Текстил» ва оғози бунёди маҷмааи «Сино Тоҷикистон Кӯлоб Текстайл Индастри Парк» якҷо бо шарикони чинӣ гувоҳи ин аст.
Иқтидори солонаи ҶСП «Ҷунтай Данғара Син Силу Текстил» коркарди қариб 25 ҳазор тонна нахи пахтаро ташкил дода, дар он барои 530 коргар ҷойи кори доимӣ муҳайё гардидааст.
Давоми моҳҳои январ - июл дар кишвар 641354 адад либоси мактабӣ истеҳсол шудааст.
Аз ин бармеояд, ки имтиёзҳои барои корхонаҳои дӯзандагӣ ҷиҳати истеҳсоли либосҳои мактабӣ пешбинишуда натиҷа дода истодаанд. Шароитҳои фароҳамоварда ба арзоншавии нархи маҳсулот мусоидат менамоянд ва молҳои истеҳсоли ватанӣ метавонанд бо маҳсулоти воридотӣ вориди рақобат шаванд. Ҳоло харидорон дар бораи сифати либоси мактабии ватанӣ низ назари мусбӣ доранд.
15 марти соли равон бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон марҳилаи якуми корхонаи мебелсозии «Бисот» дар шаҳри Душанбе ба истифода дода шуд. Корхонаи мазкур ба истеҳсоли мизу курсӣ, мебел барои хона, муассисаҳои таълимӣ, корхонаю муассисаҳо ва дарҳои байниҳуҷравӣ машғул аст. Дастгоҳу таҷҳизоти истеҳсолӣ аз Олмон ва Италия ворид шуда, зиёда аз 80 нафар бо кори доимӣ таъмин мебошад. Ҳамин аст, ки дар самти мебелбарорӣ низ давоми ҳафт моҳи аввали сол назар ба ҳамин давраи соли гузашта 5,4 миллион сомонӣ зиёд маҳсулот истеҳсол шудааст.
Дар корхонаву коргоҳҳои ҷуроббарории кишвар 3,5 миллион ҷуфт ҷуроб истеҳсол гардид.
Ҳамзамон, моҳи майи соли равон Сарвари давлат дар доираи сафар дар ноҳияи Данғара ба фаъолияти корхонаи «Файзи Карим» ҳусни оғоз бахшиданд. Дар ошёнаи якуми он истеҳсоли ҷуроб бо таҷҳизоти муосир ба роҳ монда шуда, ошёнаи дуюми бино барои дӯхти сарулибоси гуногун пешбинӣ гардидааст. Дар корхона зиёда аз 50 нафар занону бонувон ба кори доимӣ ҷалб шудаанд.
Дар пайи татбиқи Барномаи рушди қолинбофӣ дар Ҷумҳурии Тоҷикистон барои солҳои 2014 - 2020 истеҳсоли қолин дар ин давра ба 2 миллиону 512,7 ҳазор метри мураббаъ расонда, панҷ корхонаи нав ба фаъолият шурӯъ намуд ва беш аз 200 ҷойи кории нав таъсис дода шуд.
Бо вуҷуди амал намудани Барномаи рушди соҳаи кирмакпарварӣ ва коркарди пилла дар Ҷумҳурии Тоҷикистон барои солҳои 2012 - 2020 истеҳсоли пилла дар панҷ соли охир тамоюли пастравиро касб намудааст. Агар соли 2014 дар ҷумҳурӣ 1096 тонна пилла истеҳсол шуда бошад, пас ин нишондиҳанда соли сипаришуда ба 737,7 тонна ва дар ҳафт моҳи соли ҷорӣ ба 802 тонна расидааст.
Тайи ин муддат дар ҷумҳурӣ 10,4 ҳазор метри мураббаъ атлас ва 79,7 ҳазор метри мураббаъ адрас истеҳсол шудааст, ки ин нишондиҳандаҳо аз натиҷаи ҷалби занону духтарон ба ҳунарҳои мардумӣ гувоҳӣ дода, баёнгари тақвияти рушди соҳаанд.
Шаҳбоз АБРОР,  «Ҷумҳурият»


Баёни ақида (0)    Санаи нашр: 05.09.2019    №: 170    Мутолиа карданд: 824

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед