logo

фарҳанг

КИТОБХОНӢ. ТАШКИЛИ НАМОИШҲО МАЪРИФАТАФРӮЗ АСТ

Намоиши нуҳуми байналмилалии “Китоби Душанбе - 2019”, ки дар пойтахти кишварамон шаҳри Душанбе бо шукӯҳу шаҳомати хосса гузашт, яке аз чорабиниҳои бузурги фарҳангӣ ба ҳисоб меравад. Дар баробари тамоми ҷашнҳои сиёсиву миллӣ ва фарҳангии мамлакат Рӯзи китоб мавқеи хосса касб кардааст. Зеро дар рӯзгору фаъолияти миллатҳои тамаддунсозу фарҳангпарвар китоб дар радифи муқаддасоту неъматҳои миллӣ қарор мегирад. «Мояи ифтихор аст, ки дар арафаи Ҷашни Истиқлолияти давлатӣ Рӯзи китоб низ ба ҳамоиши сатҳи байналмилалӣ табдил ёфта, онро дар Китобхонаи бузургтарини Осиёи Миёна ҷашн мегирем», - таъкид намуд, Шамсиддин Орумбекзода, вазири фарҳанги Ҷумҳурии Тоҷикистон, дар ифтитоҳи ин чорабинии муҳим.
Мардуми тоҷик аз қадим китобдӯст буда, ба он арҷ мегузошт ва ин анъанаи неки ниёгон то ба ин рӯз побарҷо мондааст. Дар намоишгоҳ қариб 50 корхонаҳои табъу нашр ва ташкилоту муассисаҳои ватаниву хориҷӣ ширкат варзида, зиёда аз сӣ ҳазор китоби тозанашр ба маъраз гузошта шуданд.
Бояд зикр намуд, ки дар доираи Намоиши нуҳуми байналмилалии “Китоби Душанбе - 2019”  озмун иборат аз се номинатсия – «Ношири муваффақ», «Асари беҳтарин дар васфи Тоҷикистон», «Муаллифи сермаҳсули сол» доир гардид. Ғайр аз ин, дар доираи баргузории Намоишгоҳи «Китоби Душанбе» як зумра барномаҳо, аз ҷумла маҳфили шеъру суруд дар васфи китоб бо иштироки ҳунарпешагони театр, толибилмони муассисаҳои таҳсилоти умумӣ ва тарбиятгирандагони Филармонияи бачагонаи Тоҷикистон баргузор шуданд. Инчунин, дар  конфронси илмӣ дар мавзӯи «Рушди соҳаи табъу нашр дар даврони истиқлолият», озмуни «Қироати шеъру тарона дар васфи Ватану диёр» бо иштироки хонандагони муассисаҳои таҳсилотӣ, муаррифии китобҳои тозанашри муассисаҳои нашриявии ватанӣ ва хориҷӣ пурмазмун ва хеле шавқовар гузаштанд.
Намояндаи Сафорати Туркия дар Тоҷикистон Ҳушанги Аловиддин аз иштирок дар ин намоишгоҳ хушҳолӣ намуда, иброз дошт, ки дар намоишгоҳ асарҳои тозанашри нависандагону адибони  Туркия низ муаррифӣ гардид. «Баргузории чунин намоишгоҳ имконият медиҳад, ки мардумони гуногун бо ҳам робитаҳои дӯстӣ пайдо намуда, аз фарҳангу тамаддун ва осори гаронбаҳои олимону адибони якдигар баҳравар шаванд. Чунин намоишгоҳҳои китоб бояд ҳар чи зиёдтар ташкил шаванд, зеро онҳо ҳам аҳли адабу фарҳанг ва ҳам мардумони одиро бо ҳам дӯсту ҳамфикр мегардонанд», - мегӯяд Ҳушанги Аловиддин.
Мавриди зикр аст, ки бо мусоидат ва дастгириҳои Ҳукумати Ҷумҳурии Тоҷикистон аз соли 2010 ҳамасола баргузории намоишгоҳҳои байналмилалии китоб дар пойтахти мамлакат  бахшида ба Рӯзи китоб ба ҳукми анъана даромадааст. Ин иқдоми наку аз ҷониби мақомоти олии ҷумҳурӣ, кулли фарҳангиён ва аҳли ҷомеа хуш пазируфта мешавад ва дар таҳкиму густариши равобити фарҳангии Тоҷикистон бо мамолики бо мо дӯсту қарину бародар нақши созгор мебозанд.
Ба шарофати дастгириҳои пайвастаи Сарвари давлат Вазорати фарҳанги Ҷумҳурии Тоҷикистон низ тавонист, ки дар шароити нави таърихӣ ифтитоҳи даҳҳо қасрҳои бошукӯҳи фарҳанг, боғҳои фарҳангию фароғатӣ шаклҳои хизматрасониро дигар намуда, дар баланд бардоштани маърифатнокии мардуми Тоҷикистон саҳм гузорад. Мувофиқи иттилооти оморӣ дар бештар аз шаш моҳи соли 2019 дар шаҳру ноҳияҳои мамлакат дар доираи сиёсати пешгирифтаи давлат ва Ҳукумати Ҷумҳурии Тоҷикистон оид ба баланд бардоштани маърифатнокии мардум 7310 чорабинии гуногуни фарҳангӣ доир гардид. Ба шарофати истиқлолият имкони воқеӣ фароҳам омад, ки дар шаҳру ноҳияҳои гуногуни мамлакат чорабиниҳои   фарҳангӣ, аз ҷумла «Фурӯғи субҳи доноӣ китоб аст», «Китоб ганҷи бебаҳо», «Иқдоме, ки ояндаро месозад”, “Асари беҳтарин дар васфи Тоҷикистон”, “Китоб ганҷи бебаҳост” дар сатҳи баланд ва бо фарогири даҳҳо ҳазор нафар шаҳрвандон баргузор гарданд. Хусусан, оид бо иқдоми наҷибу таҳсинбарангези Пешвои миллат  муҳтарам Эмомалӣ Раҳмон барои дар сартосари кишвар баргузор кардани озмуни “Фурӯғи субҳи доноӣ...” боиси дастгирии ҳамаҷонибаи мардум гардид. Он чорабинии фарогири ҳамаи табақаҳои ҷамъият ба шумор меравад. Дар заминаи ҳамин озмун метавон таваҷҷуҳи мардумро ба китобхонию донишандӯзӣ афзун намуд.
Музаффар ДАВЛАТЗОДА, муовини вазири фарҳанги Ҷумҳурии Тоҷикистон


Баёни ақида (0)    Санаи нашр: 12.09.2019    №: 174-175    Мутолиа карданд: 563

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед