logo

иқтисод

МУРҒОБ -ДАРВОЗА БА КИШВАРҲОИ ОСИЁИ ҶАНУБУ ШАРҚӢ

Ноҳияи Мурғоб ба шарофати соҳибистиқлолии кишвар рушду нумӯи тоза ёфта, рӯз ба рӯз ободу шукуфон мегардад. Бунёди корхонаҳои саноатӣ, роҳҳо, иншооти дигари таъйиноти гуногун худ далели пешрафти ин минтақаи дурдасти кишваранд.

Сокинони ноҳия мегӯянд, ки солҳои пеш орзуи бунёди чунин роҳҳо ҳатто аз гӯшаи хаёл намегузашт. Вақте овоза шуд, ки дар ағбаи Қулма шоҳроҳ бунёд меёбад ва он Тоҷикистонро бо Чин мепайвандад, ҳамагон дар тааҷҷуб афтоданд. Аммо дар фурсати кӯтоҳ ин овоза ба ҳақиқат табдил ёфт. Қадами Ҷаноби Олӣ ба ин ҷо расиду барои сохтмони роҳ дастури қатъӣ доданд. Дере  нагузашта, аввалин мошинҳои пурбор ағбаи Қулмаро убур  карда, аз байни  даштҳои паҳновари Мурғоб мисли қатора равон  шуданд. Дар маркази  ноҳияву деҳот меҳмонхонаҳо, чойхонаву  ошхона ва дигар нуқтаҳои хизматрасонӣ  қад афрохтанд ва Мурғоб ба минтақаи транзитӣ табдил ёфт.

ДАР ЧОРСӮ
Бо сохтмони роҳи мошингарди Мурғоб – Қулма на танҳо ноҳия, балки Тоҷикистон аз бунбасти коммуникатсионӣ баромад. Фаъолияти ин масири байналмилалӣ ба куллан беҳ гаштани ҳаёти мардум мусоидат намуд. Ҳоло Мурғоб тавассути ду гузаргоҳи дорои аҳамияти байналмилалӣ Тоҷикистонро ба Ҷумҳурии Қирғизистон ва Ҷумҳурии Мардумии Чин мепайвандад. Қисматҳои асосии шоҳроҳи байналмилалии мошингард, ки ҷумҳуриамонро бо кишварҳои  бузург ва бандарҳои обӣ пайваст мекунад, аз  ҳудуди ноҳия мегузаранд. Инчунин, имкон ҳаст, ки дар  оянда Мурғоб ба воситаи Афғонистон ба Покистону Ҳиндустон пайвандад.
– Бо бунёд ёфтани ин шоҳроҳ иншооти инфрасохторӣ дар ноҳия рушд карда, марказҳои зиёди хизматрасонӣ мавриди истифода қарор гирифтанд ва шумораи зиёди сокинон бо ҷойи кор таъмин шуданд. Таваҷҷуҳи ҷаҳонгардон ба манзараҳои дилкаш ва ҳайвоноти  нодири Мурғоб меафзояд. То ин давраи соли ҷорӣ 4,5 ҳазор сайёҳ ноҳияро тамошо кард,- гуфт раиси ноҳия Мурзабой Чоошбаев.

НЕРУГОҲИ БАРҚИ ОФТОБӢ МЕСОЗАНД
Тирамоҳи  соли  гузашта  бо  иштироки  Ҷаноби  Олӣ мавриди баҳрабардорӣ қарор гирифтани НБО - и хурди «Тоҷикистон» бо иқтидори 1500 кВт рӯйдоди фаромӯшнашаванда дар ҳаёти  сокинони ноҳия ба шумор меравад. Сокинони  маркази ноҳия ва Ҷамоати деҳоти ба номи Г. Бердибаев бо неруи барқ таъмин гаштанд. Вале дар мавсими сармо бо сабаби норасоии об иқтидори истеҳсолии неругоҳ як андоза коҳиш меёбад, ки дастрасӣ ба неруи барқ маҳдуд мегардад. Аз ин рӯ, баҳри бартараф сохтани ин мушкил ширкати  “Помирэнерҷи” азм дорад, ки бо иқтидори 200  киловатт – соат неругоҳи барқи офтобӣ созад. Барои ин қитъаи замин ҷудо гардида, қарор аст то моҳи ноябр  ширкати  «Помирэнерҷи» дар ҳамкорӣ бо шарикони рушд таҷҳизоти заруриро дастрас ва насб намояд.

ЯКҶИЛВА – КАЛОНТАРИН КОРХОНАИ КОРКАРДИ НУҚРА
Соҳаи саноати ноҳия низ дар ҳоли пешрафт аст. Соли дуюм аст, ки дар маҳаллаи Якҷилва корхонаи коркарди нуқра фаъолият мекунад ва дар он қариб 200 нафар сокини маҳаллӣ  бо кор ва маоши хуб таъминанд. Ояндаи наздик ба ин маҳал хати барқ ҳам оварданианд. Мувофиқи ҳисобҳои пешакӣ, барои аз нуқтаи наздиктарин кашидани хати барқ 11 миллион сомонӣ сарф мешавад.
Ба гуфтаи Далер Ҷумъаев, директори ширкати “Помирэнерҷи”, захираи ками оби дарё ва рӯдхонаҳои ноҳия имкон намедиҳад, ки неругоҳи обии барқӣ бунёд созанд. Масрафи барқи офтобӣ ҳам кам нест. Аз ноҳияи Шуғнон овардани хати барқ ба мақсад мувофиқ аст. Бо иваз кардани хати барқи баландшиддат аз Неругоҳи барқии обии  “Помир - 1” то деҳаи Ҷелондеҳ ва насби истгоҳи нави барқии баландшиддат Мурғоб ҳам ба шабакаи ягонаи барқи вилоят пайваст мегардад.

МАРКАЗИ НОҲИЯ СИМОИ НАВ МЕГИРАД
Маркази ноҳия бо қомат афрохтани биноҳои нави мақомоти иҷроияи маҳаллии ҳокимияти давлатӣ, шуъбаҳои ҳифзи муҳити зист ва алоқа, маркази адлия, бонкҳо, бозор ва марказҳои тиҷоратию хизматрасонӣ симои нав касб кардааст. Дур нест он замон, ки ба маркази ноҳия мақоми шаҳрак дода шавад. Ин пешниҳод  дар маҷлиси вакилони халқи ВМКБ  якдилона дастгирӣ ёфт.
Раҳмони  ГУЛЗОР, “Ҷумҳурият”


Баёни ақида (0)    Санаи нашр: 12.09.2019    №: 174-175    Мутолиа карданд: 688
06.04.2020


ЧЕМПИОНАТИ ТОҶИКИСТОН – 2020. ДАСТАИ «ХАТЛОН» ОНРО БО ПИРӮЗӢ ОҒОЗ КАРД

ВМКБ. ЯК ҲАМОИШИ МУҲИМ

НУРОБОД. АЗ «ЧАКОМАИ ГЕСУ» ТО “ЗАН ВА ТОЗАГӢ”

03.04.2020


ВАРЗОБ. ТАВАҶҶУҲ БА ВАРЗИШ МЕАФЗОЯД

«ЮВЕНТУС» РОНАЛДУРО БА 70 МИЛЛИОН ЕВРО ФУРӮХТАНИСТ

ТЕЪДОДИ АШХОСИ АЗ КОРОНАВИРУС ШИФОЁФТА АЗ 200 ҲАЗОР НАФАР ГУЗАШТ

ТОҶИКИСТОН БА ИСТЕҲСОЛИ НИҚОБИ ТИББӢ ВА ЛИБОСИ МАХСУС ШУРӮЪ НАМУД

СУТ: «БЕШ АЗ 95 ДАРСАДИ ҚУРБОНИЁНИ COVID-19 ДАР АВРУПО АШХОСИ КАЛОНСОЛАНД»

ПУТИН ТО ОХИРИ АПРЕЛ ИСТИРОҲАТ ЭЪЛОН КАРД

ДАР ЭРОН БЕШ АЗ 15 ҲАЗОР МУБТАЛОИ КОРОНАВИРУС СИҲАТ ШУД

Ҷаҳон дар як сатр

02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД

ТОКИО. САНАИ БАРГУЗОРИИ БОЗИҲОИ ОЛИМПӢ МАЪЛУМ ШУД

ТАНТАНАҲОИ НАВРӮЗӢ ДАР ЛАХШ

ҲИФЗИ МУҲИТИ ЗИСТ. ИҶРОИ БАРНОМА МУҲОКИМА ГАРДИД

СУТ: 165 ҲАЗОР БЕМОРИ COVID-19 ШИФО ЁФТ

ЧИН БАРОИ ПЕШГИРӢ АЗ КОРОНАВИРУС БА ТОҶИКИСТОН АФЗОРИ ЗАРУРӢ ФИРИСТОД

ДАР УХАН БЕШ АЗ 60 БЕМОРХОНА БА НИЗОМИ МУҚАРРАРИИ ФАЪОЛИЯТ БАРГАШТ

ТАБИБОНИ ОЛМОНӢ 16 ҲАЗОР БЕМОРРО АЗ КОРОНАВИРУС НАҶОТ ДОДАНД

ПУТИН ВА ТРАМП НАРХИ КУНУНИИ НАФТРО БА МАНФИАТИ ДУ КИШВАР СОЗГОР НАМЕШУМОРАНД

ДАР ТУРКМАНИСТОН ИСТИФОДАИ КАЛИМАИ КОРОНАВИРУС МАНЪ ГАШТ

Ҷаҳон дар як сатр


Дар сомонаҳои дигари Тоҷикистон хонед