logo

иҷтимоиёт

ОЯНДАБИНӢ. КАМОЛОТИ МАЪНАВИИ ҶАВОНОН КАФОЛАТИ ФАРДОИ ДУРАХШОН

Амри собитшуда аст, ки рушди ҳар кишвар дар баробари дигар арзишҳо ба захираҳои инсонӣ, аз ҷумла ҷавонон, такя мекунад ва бо назардошти ҳамин омил дар кишвари мо ба сиёсати давлатии ҷавонон, ҳамчун бахши стратегӣ ва афзалиятноки сиёсати давлатӣ дар ҳамаи марҳалаҳои рушди ҷомеа таваҷҷуҳи махсус зоҳир мегардад.
Ҳоло дар мамлакат Қонуни Ҷумҳурии Тоҷикистон “Дар бораи сиёсати давлатии ҷавонон” амал намуда, дар зарфи бисту ҳашт соли соҳибистиқлолӣ аз ҷониби Ҳукумати мамлакат як қатор ҳуҷҷатҳои стратегӣ доир ба дастгирии ҷавонон ба тасвиб расиданд. Қабул гардидани чунин санадҳои муҳим тамоми имконотро ба вуҷуд овардаанд, то ҷавонон тавонанд қудрати зеҳниву ақлонии хешро неру бахшида, дар идоракунии ҷомеа фаъолона иштирок намоянд.
Тадбири хушоянди дигар, ки дар ҳаёти сиёсию ҷамъиятии ҷавонон нақши бориз гузошт, ин эълон гардидани соли 2017 - Соли ҷавонон буд, ки бозгӯи ҳамин сиёсати бунёдсоз аст. Бешубҳа, ин ташаббуси ояндабинонаи Президенти маҳбуби кишвар ба камолоти маънавии ҷавонон такони наву давомдор бахшида, ҳузури онҳоро дар умури давлатдорӣ, маъракаҳои муҳими давлативу ҷамъиятӣ, корҳои ободониву бунёдкорӣ тавсеа бахшида, эҳсоси худшиносиву худогоҳии миллиро дар ниҳодашон тақвият бахшид.
Ҳамаи ин ғамхориҳо дар навбати худ аз ҷавонон иҷрои рисолатҳои муҳимеро тақозо менамоянд, ки ҳифз ва азхудкунии фарҳанги моддиву маънавӣ, садоқат ба Ватан, баланд бардоштани сатҳи худшиносиву ҳувияти миллӣ, таҳкими арзишҳои Истиқлолияти давлатӣ ва ваҳдати миллӣ дар садри он қарор доранд.
Мутаассифона, дар ҷомеа ҷавононе низ ҳастанд, ки бар асари камзарфиятии худ ба доми гурӯҳҳои террористиву ифротгаро афтода, алайҳи манфиатҳои давлату миллати худ амал мекунанд. Дар пасманзари ҳаводиси ахири ҷаҳони муосир ба мушоҳида мерасад, ки зиндагии ҷавононе, ки гирифтори доми гурӯҳҳои ифротианд қурбони ҳадафу манфиатҳои шахсони муайян мегарданд. Зеро раванди ба гурӯҳҳои ифротгаро ҷалб  гардидани ҷавонон онҳоро ба иҷрои як қатор вазифаҳои дигар маҷбур мекунад. Пеш аз ҳама, наздикон, ҳамсолон ва афроди дигарро тавассути ҳар гуна таблиғоти таъсирнок бо истифода аз шабакаҳои иҷтимоӣ ба сафи ташкилотҳои худ даъват менамоянд, ки то кунун басо фоҷиаангез анҷом шудааст.
Омилҳои ворид гардидани ҷавонон ба сафи гурӯҳҳои террористӣ –  экстремистӣ  гуногун буда, ба андешаи бештари муҳаққиқон надоштани маърифати динӣ, камсаводӣ, фанатизми динӣ, аз хурдӣ тарбият наёфтани ҷавонон дар рӯҳияи ватандӯстӣ, ҳувияти миллӣ ва садоқат ба сарзамини хеш аз сабабҳои асосии гирифтор гардидани ҷавонон ба ин гуна гурӯҳҳо мебошанд. 
Аз ин рӯ, дар шароити муосири ҷаҳонишавӣ ва бавуҷудоии як қатор равандҳои пуртазоди ҷаҳони муосир ҳар нафари моро зарур аст, ки дар роҳи мубориза бар зидди амалҳои номатлуб аз ҳарвақта дида бештар стратегия ва санъатҳои судмандро амалӣ намоем. Дар ин раванд, қабл аз ҳама нақши ҷомеа ва ниҳодҳои он хеле бузург аст. Ниҳодҳои ҷомеа, аз ҷумла оила ва мактабро зарур аст, ки дар роҳи талқини арзишҳои волои миллӣ ба насли ҷавон, ба монанди рушди хиради инсонӣ, дарки моҳияти аслии дин, садоқат ба сарзамини модарӣ, таҳким ва ҳифзи Истиқлолияти давлатӣ, эҳтиром ба муқаддасоти миллӣ ва ҳифзи тамаддуни ғании ниёгон диққати ҷиддӣ диҳанд.
Гузашта аз ин, боварӣ ва эътимод ба ҷавонон, ки дар саргаҳи он Пешвои муаззами миллат қарор доранд ҳар як ҷавони баору номуси кишварро вазифадор месозад, ки бо шукргузорӣ аз имрӯзи дурахшон ва пур аз шукуфтанҳову растанҳо, ба қадри истиқлолият, ваҳдат ва сулҳу суботи комил бирасем, зиракии сиёсиро аз даст надода, парчамбардори ҳақиқии Ватани азиз ва  пайравони асили Пешвои миллат бошем.

Алиназар АШУРОВ,
корманди Маркази тадқиқоти стратегии назди
Президенти Ҷумҳурии Тоҷикистон


Баёни ақида (0)    Санаи нашр: 17.09.2019    №: 178    Мутолиа карданд: 292
02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД

ТОКИО. САНАИ БАРГУЗОРИИ БОЗИҲОИ ОЛИМПӢ МАЪЛУМ ШУД

ТАНТАНАҲОИ НАВРӮЗӢ ДАР ЛАХШ

ҲИФЗИ МУҲИТИ ЗИСТ. ИҶРОИ БАРНОМА МУҲОКИМА ГАРДИД

СУТ: 165 ҲАЗОР БЕМОРИ COVID-19 ШИФО ЁФТ

ЧИН БАРОИ ПЕШГИРӢ АЗ КОРОНАВИРУС БА ТОҶИКИСТОН АФЗОРИ ЗАРУРӢ ФИРИСТОД

ДАР УХАН БЕШ АЗ 60 БЕМОРХОНА БА НИЗОМИ МУҚАРРАРИИ ФАЪОЛИЯТ БАРГАШТ

ТАБИБОНИ ОЛМОНӢ 16 ҲАЗОР БЕМОРРО АЗ КОРОНАВИРУС НАҶОТ ДОДАНД

ПУТИН ВА ТРАМП НАРХИ КУНУНИИ НАФТРО БА МАНФИАТИ ДУ КИШВАР СОЗГОР НАМЕШУМОРАНД

ДАР ТУРКМАНИСТОН ИСТИФОДАИ КАЛИМАИ КОРОНАВИРУС МАНЪ ГАШТ

Ҷаҳон дар як сатр

31.03.2020


РОҒУН. ВАРЗИШ РӮ БА РУШД ДОРАД

КОРРУПСИЯ РОҲБАРИ АССОТСИАТСИЯРО БА КУРСИИ АЙБДОРӢ НИШОНД

ОДАМКУШӢ. ХУШУНАТИ ОИЛАВИЕ, КИ БО МАРГ АНҶОМ ШУД

ДУЗДӢ. ГУМОНБАР БОЗДОШТ ГАРДИД

Ҷаҳон дар як сатр

РОССИЯ РОҲИ ТАБОБАТИ КОРОНАВИРУСРО ПАЙДО КАРД

ДАР ҚИРҒИЗИСТОН НАХУСТИН БЕМОРОНИ ВИРУСИ НАВ ШИФО ЁФТАНД

ПУТИН ВА ТРАМП МАСОИЛИ COVID-19 ВА НАРХИ НАФТРО БАРРАСӢ НАМУДАНД

ИНДУСТРИЯИ МӮДИ ИТАЛИЯ РӮЗЕ 1,5 МИЛЛИОН НИҚОБИ ТИББӢ ХОҲАД БАРОВАРД

30.03.2020


"АЗ НАВРӮЗ ТО НАВРӮЗ"

БӮСТОН. АВЛАВИЯТ БА РУШДИ САНОАТ


Дар сомонаҳои дигари Тоҷикистон хонед