logo

фарҳанг

БОҒИ ДЕВАШТИЧ. ҲАДИСИ ШУКРОНА ДАР ЛАБИ МАРДУМ

Бо тақозои кор борҳо ба сайру саёҳати шаҳру навоҳии кишвари азизамон -  Тоҷикистон рафта, бо кӯлбори хотираҳо ва аксҳои зебо баргаштаем. Дар маркази аксари шаҳру ноҳияҳо ду - се гӯшаи зебову диданӣ ҳаст, ки аз диданаш ғунчаи дили кас мешукуфад ва ҳар боре ёд аз он сафарҳо кунем, дар мавриди он гӯшаҳои нозанин низ сухан хоҳем гуфт.
Аммо дар ноҳияи Деваштич ба ҷуз хиёбони хурди Сомониён, ки бо санавбарҳо, нимпайкараҳои қаҳрамонони меҳнату ҷанг ва муҷассамаи Аскари Ватан «оро» ёфтааст, гӯшае дигар набуд, ки меҳмонону дӯстони ташрифовардаро бо дили пур ба тамошои он барӣ.
Дар бештари мавридҳо меҳмонон, бавижа дӯстону ҳамкоронам, ки ба эҳтироми аҳли хонавода роҳҳои дарозро тай карда омадаанд, мепурсиданд, ки дар куҷо гӯшаҳои фароғатӣ ва диданӣ ҳаст, ки сайр намоем. Ман чи гуфтанамро надониста, саёҳати шаҳрҳои Истаравшан ва ё Хуҷанди бостониро пешниҳод мекардам.
Сабаби шодмониву сурур аст, ки чунин гӯша имсол дар арафаи Ҷашни 28 – солагии Истиқлолияти давлатӣ ва бо ташрифи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо тамоми зебоӣ ороставу пероста гардид. Дар боғ Парчами давлатӣ барафрохта шуда, муҷассамаи Қаҳрамони халқи тоҷик Деваштич ба ҳусни ноҳия ҳусни тоза зам кард ва дар баробари ин, барои гузарондани бештари чорабиниҳо ва ҷашнҳои миллӣ минбари хубе пайдо шуд.
Баландии муҷассама бо пояаш 12 метр буда, маҳсули дастони ҳайкалтарош Рустам Маҷидов мебошад. Пайкараи Деваштичи диловар бо санъати хуби меъморӣ сохта шуда, савори асп ва дар даст парчам низ дорад.
Баландии пояи парчам бошад, 50 метр буда, дарозӣ ва бари матоъ 7 бар 14 метрро ташкил медиҳад.
Дар рӯзи таърихии ба истифода додани он нависандагону шоирон Аҳмадҷон Раҳматзодаву Муҳиддин Хоҷазод, Фарзонаву Озарахш, Зулфия Атоиву Латофат Кенҷаева, Гулнозу Адиба ва дигар адибону олимон ширкат варзида, ба Пешвои миллат сипосгузории самимии халқро арза доштанд. Сарвари давлат хосатан таъкид намуданд, ки боғи мазкур минбари шеъру сухан ва тарғибу ташвиқи дастовардҳои замони истиқлол бояд бошад. Ҳар замон маҳфилу чорабиниҳои идона гузаронда шавад ва аз ин минбари баланд – аз зери Парчами давлатӣ суруди сулҳ танинандоз гардад.
Ростӣ, дар 28 соли соҳибистиқлолӣ ин аввалин ва муҳташамтарин майдон дар миқёси ноҳия аст, ки дар даромадгоҳи маркази он доман густурд. Меҳмонони дохиливу хориҷӣ, ки тавассути Истаравшан ба ноҳия ва аз ин ҷо ба минтақаҳои дигар сафар мекунанд, ҳатман аз ин гӯшаи обод, ки дар сари роҳ аст, дидан хоҳанд кард. Сабзаҳо, гулҳои гуногун, чароғҳои рӯшан, нишастгоҳҳо, пайраҳаҳои кошипӯшшуда ва фаввораҳои мавзунҳаракат дили ҳар бинандаро шефта мекунанд. Баъди ба истифода додани боғ мардум ба оғӯши он шитофтанд. Худ аз худ иду сурур оғоз ёфт, бавижа шодиву фараҳи тифлон поён надошту надорад.
Сокинон саодатманд аз онанд, ки дар Боғи Деваштич дар баробари истироҳату фароғат, ҳамзамон, рӯҳияи миллӣ ва худшиносии мардум боло мегирад. Зеро Парчами давлатӣ ва пайкараи Деваштич боиси ифтихор ва ёд карданҳо аз таъриху тамаддун аст.
Мо медонем, ки Деваштич - яке аз шоҳони охирини Суғд буд ва алорағми истилогарон ҷангидааст. Дар роҳи ҳифзи ҳамин марзу бум, бавижа дар ҳимояи Панҷакати куҳан кушта шуда буд, имрӯз ба масал умри дубора дид:
Дар арафаи Ҷашни Истиқлолияти давлатӣ ва ба шарафи 90 - солагии таъсисёбии ноҳия дар зери Парчами давлатӣ силсилаконсертҳо ва чорабиниҳои фарҳангӣ баргузор гаштанд ва ҳар шом шумораи бинандаву шунавандагон меафзуд. Масъулон ва санъаткорони шуъбаи фарҳанги ноҳия бо шавқу шӯри зиёд консерт мегузаронданд, аз дирӯзу имрӯз ва фардои мунаввари Ватан месуруданд.
Шоирону навқаламони ноҳия зери парчам шеър тараннум карда, мардум ҳадиси шукрона мехонданд. Дар чеҳраи пиру барно оромишу осоиш ва шодмонӣ дида мешуд.
Ба андешаи мо, оянда дар доираи имкониятҳо ва бо ёрдами соҳибкорони саховатпеша ободтар кардани боғи мазкур, васеъ намудану ба он афзудани майдончаи бозӣ ва атраксионҳо ба манфиати кор хоҳад буд.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 18.09.2019    №: 179    Мутолиа карданд: 449
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед