logo

ҳуқуқ

НОҲИЯИ ВОСЕЪ. ЗАМИНСОЗ БО ҶУРМИ ПОРАГИРӢ БА ДАСТ АФТОД

Мутобиқи талаботи моддаи 13 Конститутсияи Ҷумҳурии Тоҷикистон замин, сарватҳои зеризаминӣ, об, фазои ҳавоӣ, олами набототу ҳайвонот ва дигар боигарии табиӣ моликияти истисноии давлат мебошанд ва давлат истифодаи самараноки онҳоро ба манфиати халқ кафолат медиҳад.
Тибқи талаботи моддаи 56 Кодекси замини Ҷумҳурии Тоҷикистон вазифаҳои назорати давлатии риояи қонунгузории замин, истифодаи дуруст ва ҳифзи замин аз тарафи тамоми заминистифодабарандагон, мақомоти давлатӣ, шахсони воқеӣ ва ҳуқуқӣ, сарфи назар аз тобеият ва шакли моликияташон, шахсони мансабдор аз таъмини иҷрои қонунгузории замин, риояи талаботи (қоидаю меъёрҳои) махсус ва иҷрои чорабиниҳои оид ба истифодаю ҳифзи замин иборат мебошанд.
Мутаассифона, баъзе кормандон ва масъулони соҳаи заминсозӣ бо истифода аз мақоми хизматӣ ба фурӯши замин даст мезананд, ки ин хилофи қонун аст.
Масалан Кароматулло Қувватов, дар вазифаи муҳандис - заминсози Ҷамоати деҳоти Миралӣ Маҳмадалиеви ноҳияи Восеъ кор карда, ҷинояти қаллобӣ, яъне ба шаҳрванд ғайриқонунӣ додани қитъаи заминро бо истифода аз ваколати мансабӣ содир кардааст.
Ӯ 4 январи соли ҷорӣ бо роҳи фиреб ба боварии шаҳрванд Сайҷафар Саидов, ки ба замини наздиҳавлигӣ эҳтиёҷ дошт, даромада, аз харитаи заминистифодабарии хоҷагии деҳқонии Миралӣ Маҳмадалиев воқеъ дар деҳаи Селбури ҳамин ҷамоат, ки ба гурӯҳи заминҳои таъйиноти кишоварзӣ (чарогоҳ) мансуб аст, бурда ҳамчун замини маҳали аҳолинишин нишон дода, барои сохтани хонаи истиқоматӣ қитъаи заминро дар майдони 0,06 гектар ҷудо карда дода, аз С. Саидов маблағи 10 000 сомонӣ талаб кардааст. С. Саидов ба К. Қувватов бовар карда, 10 январи соли равон 4000 сомонӣ ва баъдан дар давоми моҳ дар се ҳолат маблағи 5500, ҷамъ 9500 сомонӣ додааст.
Тибқи талаботи моддаҳои 71 ва 711 Кодекси замини Ҷумҳурии Тоҷикистон қитъаҳои замини наздиҳавлигӣ ба шаҳрвандон аз ҷониби Ҳукумати Ҷумҳурии Тоҷикистон, раисони шаҳру ноҳияҳо ва вилоятҳо аз рӯи ваколаташон  ҷудо карда мешаванд. Шаҳрвандон барои гирифтани қитъаҳои замини наздиҳавлигӣ ба мақомоти иҷроияи маҳаллии ҳокимияти давлатӣ муроҷиат менамоянд ва додани қитъаҳои замини наздиҳавлигӣ ба шаҳрвандон аз ҷониби мақомоти иҷроияи маҳаллии ҳокимияти давлатӣ амалӣ карда мешавад. Кароматулло Қувватов хилофи ин талабот амал намуда, бо истифода аз ваколати мансабӣ ба С. Саидов барои дар қитъаи замини ғайриқонунӣ додааш сохтани хонаи истиқоматиро иҷозат додааст.
Нисбат ба Кароматулло Қувватов аз тарафи прокуратураи ноҳияи Восеъ бо моддаҳои 247 қисми 3 банди «а» ва 3381 қисми 2 банди «в» Кодекси ҷиноятии Ҷумҳурии Тоҷикистон парвандаи ҷиноятӣ оғоз ва барои баррасӣ ба суди ноҳия ирсол гардид.
Бо ҳукми суди ноҳияи Восеъ Кароматулло Қувватов гунаҳгор дониста шуда, ба ӯ ҷазо дар намуди ҷарима ба андозаи як ҳазору сад нишондиҳанда барои ҳисобҳо баробар ба 60 500 сомонӣ бо маҳрум кардан аз ҳуқуқи ишғоли мансаби муҳандис - заминсози ҷамоати деҳот ба муҳлати ду сол таъйин карда шуд.
Д. ХОЛИҚМУРОДЗОДА, раиси суди ноҳияи Восеъ,                             
Ш. НИЁЗӢ, муовини прокурори ноҳияи Восеъ


Баёни ақида (0)    Санаи нашр: 20.09.2019    №: 180    Мутолиа карданд: 272

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод


Дар сомонаҳои дигари Тоҷикистон хонед