logo

иҷтимоиёт

ИФТИХОРИ МАНУ МО. МУЗАФФАРИЯТИ ҒУНЧАҲОИ УМЕДИ ФУТБОЛИ ТОҶИК МУБОРАК БОД!

Соат тақрибан дуи шаби 25 сентябр. Сарфи назар аз ин, ба Фурудгоҳи байналмилалии шаҳри Душанбе ҳазорҳо мухлисону ҳаводорони футбол, инчунин, пайвандони футболбозони тими наврасони Тоҷикистон омада буданд. Онҳо дар даст гул, Парчами давлатӣ ва шиорҳои «Тоҷикистон ба пеш», «Мо пайрави Пешвои миллатем» доштанд ва бесаброна ҳавопайморо аз пойтахти Урдун интизор буданд.
Дар ин кишвар футболбозони навраси то 16 - солаи тоҷик дар марҳилаи интихобии Чемпионати Осиё – 2020 ҳамаи ҳарифонашонро шикаст дода, ба марҳилаи финалӣ баромаданд. Тавре, қаблан, «Ҷумҳурият» иттилоъ дода буд, парчамбардорони майдони сабзи тоҷик дар марҳилаи гурӯҳӣ (гурӯҳи «А») чор бозӣ анҷом дода, ҳамаи ҳарифонашонро бо ҳисоби калон шикаст доданд. Онҳо то дидори ҳалкунанда бо маҳорати воло бар мунтахабҳои Шри-Ланка (8:0), Кувайт (9:0) ва Непал (7:0) пирӯз гаштанд. Дар бозии ниҳоӣ наврасони мо бо мизбони мусобиқа – дастаи Урдун вохӯрданд. Дар ин қувваозмоии тақдирсоз ба наврасони Урдун танҳо ғалаба лозим буд, ки то ба даври финалии чемпионати қора роҳхат гиранд. Онҳо дар 20 дақиқаи аввали бозӣ ба дарвозаи мо,  аллакай, ду тӯб ворид карда, бешубҳа ба мақсади ниҳоии худ наздик мешуданд. Аммо голи ҷавобии Раҳматшоҳ Раҳматзода дар дақиқаи 24 – ум якбора рафти бозиро тағйир дод. Хусусан, дар нимаи дуюми бозӣ, баъди тавсияҳои мураббии тими мунтахаб Аҳлиддин Турдиев, футболбозони тоҷик ташаббусро пурра ба даст гирифта, чор тӯб вориди дарвозаи тими Урдун намуданд. Ҳақиқати маъмули футбол «дар футбол бояд 90 дақиқа бозӣ кард»-ро футболбозони тоҷик бори дигар собит сохтанд.
Боиси тазаккур аст, ки мунтахаби Тоҷикистон дар марҳилаи интихобӣ аз миёни 47 тими кишварҳои Осиё ягона дастае буд, ки тавонист ба дарвозаи ҳарифон 29 гол ворид намояд. Бо 28 гол наврасони чинӣ зинаи дуюмро ишғол намуданд. Инчунин, ин маротибаи чорум (солҳои 2006, 2010 ва 2018) аст, ки наврасони мо дар таърихи футболи Тоҷикистони соҳибистиқлол ба марҳилаи финалии чемпионати Осиё роҳхат гирифтанд, вале бо чунин натиҷаи ҳайратовар бори аввал.
Ҳамин тариқ, дар марҳилаи финалии чемпионати Осиё байни наврасон, ки аз 16 сентябр то 3 октябри соли 2020 дар Баҳрайн баргузор мешавад, тимҳои миллии Тоҷикистон, Ҳиндустон, Эрон, Арабистони Саудӣ, Қатар, Аморати Муттаҳидаи Араб, Чин, Австралия, Ҷумҳурии Халқии Демократии Корея, Ҷопон, Ҷумҳурии Корея, Яман, Индонезия, Ӯзбекистон ва Уммон ширкат хоҳанд кард.
Инак, ҳавопаймо фуруд омад. Ғунчаҳои умеди футболи тоҷик ва ҳайати мураббиёну маъмуронро Аҳтам Абдуллозода, раиси Кумитаи кор бо ҷавонон ва варзиш, Алишер Ӯрунов, муовини президенти Федератсияи футболи Тоҷикистон ва Давлатманд Исломов, котиби генералии ФФТ пешвоз гирифтанд. Гулдухтарони тоҷик бо лабони пуртабассум, дар тан куртаи миллии атлас, ба парчамбардорони навраси футболи ватанӣ гулдастаҳо тақдим карданд.
Иштирокдорон аъзои тими мунтахабро барои ҳунарнамоии воло дар марҳилаи интихобии Чемпионати Осиё – 2020 ва дарёфти роҳхат ба марҳилаи финалӣ табрик намуданд. Аз ҷумла, Аҳтам Абдуллозода иброз дошт, ки ба шарофати сиёсати варзишпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ташаббусу дастгириҳои пайвастаи президенти Федератсияи футболи Тоҷикистон Рустами Эмомалӣ футболи тоҷик дар авҷи рушд қарор дошта, дастовардҳои футболбозон беш аз пеш меафзояд.
Пас аз акси хотиравӣ ва аз ҷониби издиҳом аҳлона садо додани «Тоҷикистон ба пеш!», футболбозони наврас бо ифтихору сарфарозӣ дар даст шиори «Мо пайрави Пешвои миллатем» назди истиқболгирон баромаданд. Дар саҳни фурудгоҳ садои карнаю табл ба само печида буд. Мухлисон Парчами давлатиро парафшон мекарданду хитобаҳои «Тоҷикистон ба пеш!», «Офарин», «Зафармандон», «Мо бо шумо ифтихор мекунем!» марғӯладору гӯшнавоз буданд.
Зафармандони футболи тоҷик ба автобуси дуошёна, ки дар намои пеши он навиштаҷоти «Тоҷикистон ба пеш, ба пеш, ба пеш!!!» ҳаккокӣ шуда буд, нишаста, ҷониби маркази пойтахт роҳ гирифтанд. Тибқи барномаи тантанавӣ, онҳоро назди гулбоғи Куруши Кабир мухлисони сершумор интизор буданд. Дар гулбоғ, дар фазои шодию нишоти беандоза ва рақсу суруд, маросими басо самимию хотирмони дидори футболбозон бо мухлисон сурат гирифт.
Бешак, истиқболи пуршукӯҳи  имшаба ба ҳамешагӣ дар хотири ҳар футболбози наврас, мураббиёну маъмурон ва мухлисон нақш хоҳад баст. Ҳамчунин, дилпур месозад, ки футболбозони тоҷик дар марҳилаи ниҳоии чемпионати қора низ хуб ҳунарнамоӣ карда, ба комёбиҳои нав ноил мегарданд. Зеро онҳо моро, аллакай, ба музаффарии худ одат кунонданд. Онҳо ҳамон шербачаҳоеанд, ки чанде қабл дар Чемпионати CAFA – 2019 ғолиб омада, дар мусобиқаи Ҷоми Президенти Қазоқистон мақоми дуюмро гирифта буданд.
Ба пеш, футболбозони навраси тоҷик!                                                              
Маҳмуд БАҲРОМ,  «Ҷумҳурият»


Баёни ақида (0)    Санаи нашр: 27.09.2019    №: 184    Мутолиа карданд: 1316
01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД


Дар сомонаҳои дигари Тоҷикистон хонед