logo

иҷтимоиёт

АЗ НЕКОН БОҒ МОНАД

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки тамоми ҳастии худро барои бунёди давлати тавоно, кишвари шукуфон ва ба воя расондани насли арзандаи номи тоҷику ориёӣ бахшидааст, дар асарҳои раҳнамунсоз ва дастуру ҳидоятҳои пурҳикмати хеш гаштаю баргашта таъкид мекунанд, ки танҳо аз роҳи илму дониш мо метавонем ба ҳадафҳои сарнавиштсози хеш бирасем.
Сарвари давлат имсол дар Рӯзи дониш  бори дигар ёдовар шуданд: “Наврасон ва ҷавонон, ки мо онҳоро наслҳои ояндасози кишвар медонем, вазифадоранд, ки ба омӯхтани илму дониш ва касбу ҳунарҳои замонавӣ ҷиддӣ машғул шаванд, ду - се забони хориҷиро мисли забони модарии худ донанд ва истифодаи технологияҳои электронии муосирро аз худ намоянд”.
Огаҳон медонанд, ки донишу фарҳанг ду боли як инсони комил мебошанд ва тавоносозии ин ду бол танҳо аз роҳи донишандӯзӣ ва аз худ кардани паҳлуҳои гуногуни фарҳанг ба даст меояд. Расондани ҷавонон ба ин ду водии умед чандин роҳҳо дорад ва яке аз онҳо тарбияи наврасону навҷавонон барои шинохти хештан, донистани кишвари хеш, омӯзиши ҳикматҳои аз гузаштагон ба мерос расида, арҷгузорӣ ба заҳматҳову офаридаҳои онҳо, арзишҳои меҳанпарастиро дар пояи болотарин гузоштан мебошад. Василаҳои ба камоли маънавӣ расондани ҷавонон гуногун аст ва Президенти Ҷумҳурии Тоҷикистон муҳтарам Эмомалӣ Раҳмон дар роҳи донишандӯзӣ ба китоб бартарӣ бахшида,  дастур додаанд, ки дар ҷойҳои зисти мардум фазои фарҳангӣ бунёд гардад. Ҳамин аст, ки дар шаҳру деҳоти кишвар бо як суръати баланд иншооти фарҳангиву маърифатӣ, маишиву истироҳатӣ, аз  ҷумла  боғҳову гулгаштҳо, бунёд гардида истодаанд. Бахусус, боғҳои навбунёд на танҳо ҷойгоҳи фароғату истироҳат, балки онҳо дорои мундариҷаҳои тарбиявӣ бошанд.
Ҳайати профессорону омӯзгорон ва донишҷӯёни фаъоли Донишгоҳи давлатии Кӯлоб ба номи Абуабдуллоҳи Рӯдакӣ ҳидоятҳои Сарвари давлатро дар мавриди бунёди боғҳои фарҳангӣ ва майдончаҳои варзишӣ, бо як самимияти том пазируфта, тасмим гирифтанд, ки дар муддати рухсатии меҳнатӣ яке аз гӯшаҳои шаҳри Кӯлобро ба боғи дилхоҳ табдил диҳанд. Маҳаллаи ба номи Шамсиддини Шоҳин, ки дуртар аз биноҳои донишгоҳи Кӯлоб қарор дорад ва дар миёни ду самти роҳи он дарахтони бетартиб шинонда шуда, гиёҳҳои худрӯй аз беобӣ ба зудӣ хушк мешуданд ва дар фасли тирамоҳу зимистон рафтуомади шаҳриён дилхоҳ набуд, бидуни хурдтарин муҳобот, ба арсаи заҳматҳои шабонарӯзӣ табдил ёфт. Омӯзгорону профессорон, кормандони бахши хоҷагӣ ва донишҷӯёни ташаббускор (волонтёрҳо), чӣ тавре ки мегӯянд, истироҳатро намедонистанд, бо нимишораи роҳбарият корҳои душворро бамаврид иҷро мекарданд. Албатта, дар бунёди боғ дар қатори муассисаҳои сохтмонӣ ва муҳандисони доно, пайкаратарошон ва дигар коршиносон, профессорону омӯзгорон ва кормандони бахшҳои ёрирасони донишгоҳ низ корҳои асосии бетонрезӣ, гулу гиёҳ, дарахту бутташинониро анҷом медоданд.
Натиҷаи ин ҳама талошҳои ташаббускорон ва дастгирии роҳбарон буд, ки дар як фурсати кӯтоҳ боғе ороста шуд, рашки боғу чаманҳои афсонавӣ. Афсонавӣ будани боғи оростаи донишгоҳро ин нукта низ тасдиқ мекунад, ки дарахтҳои сарву санавбар маъмулан пас аз парваришу пардози 10 - 12 - сола қад афрохта, зеби чаман мегарданд. Аммо сарву санавбарҳо ва дигар дарахтони ороишии баландболо ба ин ҷо аз боғистонҳои маркази кишвар ва қисме аз боғи ботаникии Кӯлоб бо решаву хокашон оварда шуданд. Чоҳи амиқи оби нӯшиданӣ, ки аз 130 метри зери замин кашида мешавад, на танҳо дарахтону майсазорону гулбунҳоро обёрӣ мекунад, балки аз ин сарчашмаи об, ҳамчунон, фаввораҳои рангин сар ба боло мекашанд. Пайкаратарошон дар канораҳои сарсабзи боғ пайкараҳои сангини оҳувони кӯҳсор, мурғони хушхироми товусу кабки дарӣ, қаҳрамонони афсонаҳои  мултипликатсиониро офарида, насб намудаанд. Пайкараи модари сари гаҳвора дар яке аз ҷойҳои чашмгири боғ гузошта шудааст, ки баёнгари меҳри бепоёни модарӣ мебошад. Дар байни боғ амфитеатри хурд, барои 45 курсии нишаст ва саҳнаи кушода сохта шудааст, ки дар он метавон маҳфилҳои суҳбатороӣ, таронаву шеърсароӣ ва дигар нишастҳои фарҳангӣ доир намуд. Поёнтар аз он қаҳвахонае ба унвони “Ҷавонӣ”, майдони мотодром, барои автомобилронии кӯдакон ва майдончаи варзиши футболи хурд, баскетболу волейбол ва дигар мусобиқаҳо ҷой доранд. Замини майдони варзиш бо матои махсуси маснуӣ (ковролин) пӯшонда шудааст. Чароғистони боғ шомгоҳон ситоразорро мемонад.
Гуфтан бамаврид аст, ки мо дар унвонгузории ин боғи зебо дар машварат бо донишмандон каме ба дудилагӣ роҳ дода будем. Пешниҳодҳо буданд, ки онро  бо ибораҳои шоиронаи “Кӯйи Мӯлиён”, ишора ба шеъри машҳури устод Рӯдакӣ бо матлаи  “Бӯйи ҷӯйи Мулиён ояд ҳаме....”, “Гулгашти Мусалло”, бо ишора ба ғазали Ҳофизи Шерозӣ “... канори оби Рукнободу гулгашти Мусаллоро” унвонгузорӣ шавад. Аммо нуктабинӣ ва арҷгузории Пешвои муаззами миллат муҳтарам Эмомалӣ Раҳмон ба саромадони адабиётамон буданд, ки бо тавсияашон ба боғ номи устод Саидалӣ Вализода дода шуд. Ва пешниҳоди он кас ниҳоят хирадмандона мебошад, зеро ин шоири тавоно дар паҳлуи устодон Садриддин Айнӣ ва Мирзо Турсунзода  истода, дар мавзӯи Тоҷикистони озод ва пешбинии ояндаи дурахшони миллати тоҷик, достонҳои омӯзанда офаридааст.
Дар даромадгоҳи боғ пайкараи сангини Китоби кушода гузошта шудааст, ки дар саҳифаи аввали он чунин суханони пурҳикмати Пешвои муаззами миллат муҳтарам Эмомалӣ Раҳмон ва байти Мавлоно Абдураҳмони Ҷомӣ сабт гардидаанд:
Китоб дар назди мардуми мо чунин қадру манзалате дорад, ки онро зери болини тифли навзод мегузоранд.
* * *
Аниси кунҷи танҳоӣ китоб аст,
Фурӯғи субҳи доноӣ китоб аст.        

Бо муҷассамаи китоб ва суханони Сарвари давлат оғоз ёфтани боғи ба номи Саидалӣ Вализода дархӯри ҳикматест, ишора ба Амри Президенти Ҷумҳурии Тоҷикистон муҳтарам Эмомалӣ Раҳмон зери унвони “Фурӯғи субҳи доноӣ..”.
Дар ҳақиқат, боғи тозабунёди ба номи Саидалӣ Вализода метавонад синфхонае ё аудиторияе бошад, ки бо сайругашт дар гулгаштҳои он, дар баробари ҳаловат бурдан аз фазои накҳатбор, кас метавонад дилро бештар ба табиат, ба зебоиҳои офаридаи ӯ бахшида, бо гулу гулбуттаҳо ва дарахтони тавсифнамудаи классиконамон ошноӣ пайдо кунад. Ҷавонону наврасон дарси одоби муошират, фарҳанги гуфтугӯ ва суҳбатороӣ, пок нигоҳ доштани роҳравҳову ҷойҳои нишаст, худдорӣ намудан аз поймол сохтани чаманзорҳо ва дигар паҳлуҳои ахлоқи ҳамидаро омӯзад. Аз ин ҳам бештар каси босипос дар ин гулгашти зебову ороста, неъмати бебаҳои Истиқлолияти давлатии Тоҷикистон ва заҳматҳои босуботи Пешвои муаззами миллатро эҳсос мекунад.
Раёсати  Донишгоҳи давлатии Кӯлоб ба номи Абуабдуллоҳи Рӯдакӣ ҳамчун бунёдгузор ва сарпарасти ин боғ аз ҳама имкониятҳо истифода бурда, ба он ноил хоҳад гашт, ки ин гӯшаи зебои шаҳр ба макони фарҳангпарварӣ табдил гардад.

Абдулло ҲАБИБУЛЛО,  ректори Донишгоҳи давлатии Кӯлоб ба номи Абуабдуллоҳи Рӯдакӣ,  узви вобастаи Академияи илмҳои Ҷумҳурии Тоҷикистон,
доктори илмҳои физика ва математика, профессор


Баёни ақида (0)    Санаи нашр: 27.09.2019    №: 184    Мутолиа карданд: 1378
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед