logo

иҷтимоиёт

СИЁҲДОНАИ ТОҶИК. РАВҒАНИ ТАБИИИ ШИФОБАХШ

Асосгузори сулҳу ваҳдати миллӣ -  Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 22 августи соли ҷорӣ дар доираи сафари корӣ ба ноҳияи Зафаробод аз намоишгоҳи маҳсулоти кишоварзии ноҳия, аз ҷумла маҳсулоти истеҳсоли кооперативи «Деҳқон», ки зиёда аз 30 намуди рангҳои табиии шифобахшро ба намоиш гузошта буд, дидан карданд.

Дар меҳвари таваҷҷуҳи Пешвои миллат қарор гирифтани маҳсулоти мо аз он сабаб буд, ки ҳамаи намудҳои равғанҳои табиии шифобахш бо усули фишори сард ва технологияи пешрафта истеҳсол мешаванд ва ин технология дар Тоҷикистон алҳол ягона аст.
Мо танҳо аз маҳсулоти табиии Тоҷикистон бо тарзи фишори сард равғани табиӣ истеҳсол менамоем. Ин барои пешгирӣ ва табобати бисёр бемориҳо роҳи беҳтарин аст. Таҷриба ва таҳлили чуқури илмию таҳқиқотӣ моро ба чунин хулоса овард, ки бояд тавлиди равғанҳои табиии шифобахши табобатиро танҳо бо усули фишори сард ба роҳ монем, зеро равғанҳои бо ин усул истеҳсолшуда дар худ ҳамаи хосиятҳои шифобахшию табобатиро нигоҳ медоранд. Беҳуда нест, ки солҳои охир мардуми бисёр давлатҳои дунё аз истеъмоли доруҳои бо роҳи сунъӣ истеҳсолшуда даст кашида, ба маҳсулоти табиӣ ва дорувориҳо аз маҳсулоти табиӣ рӯй оварда истодаанд.
Кооператив тӯли 5 соли охир марҳила ба марҳила истеҳсоли зиёда аз 30 намуди равғани табиии шифобахшу табобатиро бо тарзи фишори сард ба роҳ мондааст.
То имрӯз оид ба маҳсулоти корхона ва тарзи истифодаи онҳо зиёда аз 20 китобу китобчаҳо барои чоп омода шудааст. Инчунин, мо ният дорем, ки ҳамаи маводи нашршударо ба 5 забон – тоҷикӣ, русӣ, англисӣ, арабӣ ва чинӣ омода созем.
Мо бо мутахассисони варзидаи корхонаҳои истеҳсоли хатҳои технологӣ оид ба истеҳсоли равғанҳои табиӣ аз Олмону Туркия ҳамкории судманд дорем. Самари ин ҳамкорӣ буд, ки бо тарзи фишори сард дар натиҷаи  дигаргун сохтани хатҳои технологӣ тавонистем чанд намуди равғанҳои нодири табииро бори аввал дар дунё тавлид намоем, аз ҷумла равғани зираи Даштиҷумро.
Равғани бо фишори сард истеҳсолшудаи зира то имрӯз дар бозори ҷаҳонӣ набуд. Таркиби зираи Даштиҷум нисбат ба дигар зираҳои дунё хеле бой буда, равғани бо тарзи фишори сард истеҳсолшудаи он дар ҷаҳон нодиртарин ва арзишмандтарин равғани табиӣ ба ҳисоб меравад.
Истифодаи равғани сиёҳдона дар тиб таърихи беш аз 3000 – сола дорад. Падари илми тиб Буқрот  ва устоди табибони ҷаҳон Абуалӣ ибни Сино дар бораи хосиятҳои давоии сияҳдона маълумоти зиёд додаанд.
Ният дорем, ки дар ояндаи наздик дар асоси равғанҳои табиии шифобахши Тоҷикистон истеҳсоли  собун, малҳам, шампун, хамираи дандоншӯӣ, чой, орд, балзам ва маҳсулоти дигарро ба роҳ монем, инчунин, равғанҳои табиии шифобахшро дар капсулаҳо ва ампулаҳо бандубаст намоем. Бо ин роҳ тарзи истеъмол ва истифодаи равғанҳо аз рӯи меъёр осон ва муҳлати нигоҳдории сифати онҳо дароз мегардад.
Кооператив барои бунёди боз як корхонаи хурди истеҳсоли равғанҳои табиӣ аз рустаниҳои шифобахши Тоҷикистон лоиҳаи сармоявии худро омода сохтааст. Бунёди ин корхонаи хурд дар оянда боиси пешрафти саноати дорусозӣ ва асоси пайдо шудани якчанд корхонаҳои нави парфюмерии мамлакат хоҳад гашт.
Ҳар як фарди Тоҷикистон вазифадор аст, ки дар доираи имконият барои Ватану миллати худ, ободонӣ, имрӯзу ояндаи Тоҷикистон ҳиссагузор бошад. Ин амал барои ҳар яки мо ва ҳам қарзу ҳам фарз мебошад.
Бо чунин Пешвои хирадманд, бо чунин осудагию оромӣ ва сулҳу ваҳдат, ки дар мамлакат муяссар аст, барои пешрафту ободии кишвари азизи худ бо дасту дили пок беғараз меҳнат накардан гуноҳи азим мебошад.
Ҳар як кори нав, хусусан истеҳсоли маҳсулоти нав, бе мушкилӣ, яъне ба осонӣ, муяссар намешавад. Танҳо сабру тоқат, меҳнати ҳалол, садоқат ба Ватан зарур асту халос.
Ба Пешвои муаззами миллат муҳтарам Эмомалӣ Раҳмон барои дастгирии ҳаматарафаашон саломатӣ, умри дароз ва шукуфоии ҳамешагии Тоҷикистонро орзумандам.
Мо, тамоми кормандони кооперативи «Деҳқон», дар навбати худ ҷавобан ба ғамхорию дастгириҳои ҳамешагии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои дар бозори ҷаҳонӣ роҳ ёфтан ва мавқеъ пайдо кардани равғанҳои табиии шифобахши Тоҷикистон талош мекунем, ки равғани сиёҳдонаи тоҷикро ба яке аз брендҳои беҳтарини Тоҷикистон табдил дода, барои номи Тоҷикистонро дар ҷаҳон боз ҳам баландтар бардоштан тамоми дониш, таҷриба ва маҳорати касбии худро равона месозем.

Ҳайдар ДОДОҶОНОВ, раиси кооперативи  «Деҳқон», узви Иттифоқи менеҷерони Ҷумҳурии Латвия, узви Конфедератсияи байналмилалии журналистӣ, узви Палатаи савдо ва саноати Ҷумҳурии Тоҷикистон


Баёни ақида (0)    Санаи нашр: 30.09.2019    №: 185    Мутолиа карданд: 329

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт


Дар сомонаҳои дигари Тоҷикистон хонед