logo

иқтисод

"ТАВҲИДБОНК" - НАХУСТИН БОНКИ ИСЛОМӢ ДАР ТОҶИКИСТОН

«Тавҳидбонк» аввалин бонкест, ки 17 сентябри соли равон иҷозатномаи Бонки миллии Ҷумҳурии Тоҷикистонро барои пиёдагардонии модели бонкдории исломӣ соҳиб шуд. Ба фаъолият шурӯъ кардани аввалин бонки исломӣ дар Тоҷикистон барои низоми бонкии ҷумҳурӣ рӯйдоди муҳим арзёбӣ гардида, саҳифаи наверо дар рушди бонкдории мамлакат боз менамояд.

Шералӣ Зардов, иҷрокунандаи вазифаи раиси раёсати нахустин бонки исломӣ дар Тоҷикистон, зимни нишасти матбуотӣ ба намояндагони расонаҳои хабарӣ дар бораи фаъолият ва хизматрасониҳои «Тавҳидбонк» маълумот дода, иброз дошт, ки  он барои аҳолӣ, тоҷирон, соҳибкорон ва дигар субъектҳои иқтисодӣ маҳсулот ва хизматрасониҳои исломиро дар асоси принсип ва меъёрҳои шаръӣ пешниҳод намуда, муносибатҳоро бо шарикони худ (дар бонкдории исломӣ мафҳуми мизоҷ истифода намешавад) дар асоси адолати иҷтимоӣ, ҳамкорӣ ва шарикӣ дар суду зиён ба роҳ мемонад. Бонки  исломӣ қарзҳои фоизӣ намедиҳад.
Ба гуфтаи Шералӣ Зардов модели бонкдории исломӣ солҳои охир нисбат ба бонкҳои анъанавӣ буҳронпазир будани худро исбот сохт. Дар марҳилаи нави рушди низоми бонкии Тоҷикистон пешниҳоди маҳсулоти бонкдории исломӣ, ки таҷрибаи устувори пешгирии хавфҳои молиявиро дорад, метавонад маблағҳои озоди аҳолӣ ва сармоягузориҳои дарозмуддати мустақими хориҷиро ба иқтисодиёти ҷумҳурӣ ҷалб намояд ва барои рушди минбаъдаи иқтисодиёт ва низоми бонкии мамлакат замина фароҳам орад.
Иқдоми пиёдагардонии бонкдории исломӣ дар Тоҷикистон аз соли 2009 пеш гирифта шуд. Соли 2010 Бонки миллии Тоҷикистон узви вобастаи Шӯрои хизматрасониҳои молиявии исломӣ интихоб шуд. Соли 2014 Қонуни Ҷумҳурии Тоҷикистон «Дар бораи фаъолияти бонкии исломӣ» қабул гардид, ки он барои пешбурди фаъолияти бонкдории исломӣ дар мамлакат заминаҳои ҳуқуқӣ фароҳам овард.
- Дар таҷрибаи ҷаҳонӣ якчанд роҳҳои таъсис додани бонки исломӣ, аз ҷумла ташкили бонки исломӣ аз сифр, ташкили равзанаи бонки исломӣ дар сохтори бонки анъанавӣ, табдилдиҳии бонки анъанавӣ ба бонки исломӣ, истифода мешаванд. Саҳомони бонки мо роҳи табдилдиҳии бонки анъанавӣ ба бонки исломиро интихоб карданд, - гуфт Шералӣ Зардов.
Ҷалб  ва дарёфти маблағҳои дарозмуҳлати арзон аз бонкҳои исломӣ, воридшавӣ ба бозори сармояи мамолики араб, таъмини хизматрасониҳои алтернативӣ ба он қишри аҳолие, ки аз хизматрасонии бонкҳои анъанавӣ дур мондаанд, аз ҳадафҳои асосии бонки нахустини исломианд.
Имрӯз «Тавҳидбонк» дорои 5 филиал ва 56 маркази хизматрасонӣ дар манотиқи кишвар мебошад ва ба феҳристи даҳ бонки калонтарини ҷумҳурӣ дохил мешавад. Дар байни ҳабдаҳ бонки мамлакат аз рӯи сармоя мавқеи ҳаштум ва аз рӯи даромаднокӣ мавқеи ҳафтумро соҳиб ҳаст. Сармояи оинномавии бонк 65 миллион, танзимшаванда 87 миллион, дороиҳои умумӣ 123,4 миллион, сандуқи қарзӣ 15 миллион, сандуқи амонатӣ 15,4 миллион, амонатҳои муҳлатнок 1,3 миллион, ҳаҷми маблағҳои интиқоли пулӣ 1,1 миллиард сомониро ташкил медиҳад.
«Тавҳидбонк» фаъолияти худро дар доираи Конститутсияи Ҷумҳурии Тоҷикистон ва қонунгузории мамлакат ба роҳ монда, ба қонунҳои дини мубини ислом – шариат, Қуръони карим ва ҳадисҳои Паёмбари ислом Муҳаммад (с.) такя менамояд.
Дар самти роҳандозии модели бонкдории исломӣ таҷрибаи бонкҳои исломии кишварҳои Малайзия, Тунис, Марокаш, Лубнон, Кувайт, Амороти Муттаҳидаи Араб, Қазоқистон ва Қирғизистон истифода шудаанд.

Шаҳноз ҚУРБОН, «Ҷумҳурият»


Баёни ақида (0)    Санаи нашр: 03.10.2019    №: 187    Мутолиа карданд: 266

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед