logo

иқтисод

САНОАТИКУНОНӢ. БАРТАРИЯТ БА ИСТЕҲСОЛИ МАҲСУЛОТИ НИҲОӢ

Ба шарофати пойдории Истиқлолияти давлатӣ, сулҳу оромию ваҳдати миллӣ дар ҳама бахшҳои соҳаи саноат тадриҷан таҳаввулоти ҷиддӣ  ба амал омад.  Ҷиҳати амалисозии саноатикунонии босуръати кишвар, ки алҳол ҳадафи чоруми миллӣ эълон шудааст, чӣ тадбирҳои тоза андешида мешаванд?  Дар робита ба ин ва саволҳои дигар Содиқҷон Рустамӣ, муовини вазири саноат ва технологияҳои нави Ҷумҳурии Тоҷикистон, андешаҳояшро дар суҳбат бо хабарнигори “Ҷумҳурият” чунин баён намуд:
- Дар раванди ҳалли масъалаҳои иқтисодиву иҷтимоӣ, таъсиси ҷойҳои корӣ ва баланд бардоштани сатҳу сифати зиндагии мардум соҳаи саноат аҳамияти хосса дорад. Маҳз дар ҳамин замина ҷиҳати инкишофи устувори минбаъдаи кишвар дар шакли индустриалӣ ва инноватсионӣ, яъне саноатикунонии босуръат ҳадафи чоруми миллӣ эълон гардидааст.
Ҷиҳати таҳия намудани ҳуҷҷати дахлдори стратегӣ оид ба саноатикунонии босуръати кишвар гурӯҳҳои кории салоҳиятнок таъсис ёфта, дар асоси таҳлили ҳаматарафаи соҳаи саноат (аз ҷумла, стратегия, консепсия ва барномаҳо) лоиҳаи барномаи нав омода гардид, ки бо вазорату идораҳо мувофиқа ва барои баррасӣ ба Ҳукумати Ҷумҳурии Тоҷикистон пешниҳод шудааст. Дар он самаранокӣ, татбиқи босифати барномаю лоиҳаҳои сармоягузорӣ ва ба 22 дарсад расондани ҳиссаи саноат дар маҷмӯи маҳсулоти дохилии кишвар то соли 2030 аз ҷумлаи вазифаҳои асосӣ муайян гардидаанд.
Стратегияи миллии рушди ҷумҳурӣ тақозо менамояд, ки рушди саноати имрӯзаи Тоҷикистон ба хусусияти глобалии иқтисодиёти ҷаҳонӣ мувофиқ гардонда шавад.  Барои муваффақ шудан ба ин  ҳадаф ҳаллу фасли чанд масъала, аз ҷумла аз байн бурдани нақши корхонаҳо ҳамчун истеҳсолкунандаи ашёи хому нимтайёр, роҳандозии истеҳсоли маҳсулоти тайёри содиротию воридотивазкунанда, фаъолгардонии раванди навсозии техникӣ ва технологии истеҳсолот, вусъати корҳои таҳқиқотӣ, таъсиси корхонаҳои нав, истифодаи беҳтари  манбаъҳои ашёи хоми минералӣ дар заминаи иктишофи геологӣ ва зиёд намудани иқтидорҳои коркарди саноатии маҳсулоти кишоварзӣ, зарур аст.
Дар сохтори саноат ба гурӯҳи истеҳсолоти коркарди нахи пахта, пилла, пӯст, пашм, истеҳсоли пойафзол, коркарди маъдан, металлҳои ранга ва қиматбаҳо, сангҳои ороишӣ, тавлиди маҳсулоти тайёри алюминӣ, хӯрокворӣ, нуриҳои маъданӣ, воситаҳои кимиёии рӯзгор, маводи бастабандии замонавӣ, зарфу ғунҷоишҳо - дар маҷмӯъ, ба истеҳсоли маҳсулоти ниҳоӣ бартарият дода мешавад.
Ҷиҳати рушди саноат соли 2019 бо қарорҳои Ҳукумати кишвар се барномаи соҳавӣ, аз ҷумла «Барномаи рушди металлургияи ранга ва сиёҳ дар Ҷумҳурии Тоҷикистон барои давраи то соли 2025», «Барномаи рушди саноати сабук дар Ҷумҳурии Тоҷикистон барои солҳои 2018 - 2022» ва «Барномаи рушди саноати хӯроквории Ҷумҳурии Тоҷикистон барои солҳои 2020 - 2025» тасдиқ гардидааст. Дар назар аст, ки бо амалисозии барномаҳои мазкур зиёда аз 5000 ҷойи кории нав таъсис дода шавад.
Дар 7 моҳи соли равон ҳаҷми истеҳсоли маҳсулоти саноатӣ дар ҷумҳурӣ ба 14 миллиарду 59,4 миллион сомонӣ расид ва суръати афзоиш нисбат ба ҳамин давраи соли гузашта ба 13,1 дарсад зиёд шуд.
Рушди саноат дар ҳамаи минтақаҳои ҷумҳурӣ таъмин гардида, дар ВМКБ 5,8, вилоятҳои Суғд 10,6, Хатлон 8,2, шаҳри Душанбе 20,6 ва НТҶ 57,5 дарсадро ташкил дод.
Бо истифода аз технологияи муосир ҳаҷми истеҳсоли маҳсулоти воридотивазкунанда зиёд шуда, талаботи бозор бо маҳсулоти саноатии ватанӣ таъмин гардида истодааст.
Содироти маҳсулоти саноатӣ ба 4 миллиарду 830,4 миллион сомонӣ расонда шуд. 146 корхона ба фаъолият шурӯъ намуд ва дар онҳо 1862 нафар бо ҷойи кор таъмин гардид.
Корхонаҳои навбунёд, асосан, равғани рустанӣ, қанди сафед, ҳасиб, мебел, пахтаи тиббӣ, маҳсулоти трикотажӣ, қаннодӣ,  шустушӯӣ, филизӣ, собун, лӯлаҳои пластикӣ, дару тирезаҳои алюминӣ, доруворӣ, халтаҳои полипропеленӣ ва масолеҳи сохтмонӣ истеҳсол менамоянд.
Иҷрои супоришҳои Сарвари давлат ҷиҳати зиёд кардани ҳаҷми истеҳсоли молу маҳсулоти рақобатпазири ватанӣ ва тақвияти иқтидори содиротии кишвар мо - саноатчиёни мамлакатро водор месозад, ки аз тамоми шароиту имкониятҳо истифода бурда, саҳми  саноатро дар истеҳсоли маҷмӯи маҳсулоти дохилӣ зиёд намоем ва  Ҷашни 30 - солагии Истиқлолияти давлатии Ҷумҳурии Тоҷикистонро бо нишондиҳандаҳои баланди истеҳсолӣ истиқбол гирем.
Мунаввари САФАР, «Ҷумҳурият»


Баёни ақида (0)    Санаи нашр: 04.10.2019    №: 188    Мутолиа карданд: 1828

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро


Дар сомонаҳои дигари Тоҷикистон хонед