logo

иҷтимоиёт

ХИЗМАТИ ҲАРБӢ. ГУСЕЛИ НАВАСКАРОН БА АРТИШИ МИЛЛӢ ОҒОЗ ШУД

Расми гусели наваскарон ба сафи Қувваҳои Мусаллаҳи Ҷумҳурии Тоҷикистон дар мавсими даъвати тирамоҳӣ бо шукӯҳ ва тантанаҳои хоси ватандӯстӣ оғоз шуд. Аз ҷумла, дар пойтахти мамлакат – шаҳри Душанбе маъракаи гусели наваскарон ба Артиши миллӣ дар рӯҳияи эҳтиром ба арзишҳои ватандорӣ, пос доштани марзу буми кишвар сурат гирифт. Рӯзи аввали даъват ба ин муносибат дар Филармонияи давлатии Тоҷикистон  ба номи Акашариф Ҷӯраев чорабинии тантанавӣ доир гардид.

Чорабинии мазкур бо иқдоми мақомоти иҷроияи ҳокимияти давлатии шаҳри Душанбе доир гардида, дар он Умед Гуреззода, муовини раиси шаҳр, Асрор Латифзода, муовини вазири мудофиа, Ризо Назарзода, муовини раиси Кумитаи ҷавонон ва варзиш, раисони ноҳияҳои шаҳри Душанбе, роҳбарони комиссариатҳо, қисмҳои ҳарбӣ ва падару модарони даъватшудагон иштирок доштанд.
Умед Гуреззода, муовини раиси шаҳри Душанбе, дар оғози ҳамоиш иброз дошт: «Бо саъю талошҳои пайвастаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои фаъолияти рӯзмарраи хизматчиён дар қисмҳои ҳарбӣ шароити зарурии маишиву моддӣ муҳайё шуда, дар ҳамаи воҳидҳои низомӣ имрӯз афсарони касбии ботаҷриба ҷиҳати баланд бардоштани малакаи ҳарбиву ҷисмонии ҷавонон, тарбияи онҳо дар рӯҳияи ватандӯстӣ, садоқат ба марзу бум фаъолияти босамар менамоянд. Тӯли 28 соли соҳибистиқлолӣ Артиши миллии мо роҳеро тай намудааст, ки он қимати чандин даҳсоларо дорад».
Асрор Латифзода, муовини вазири мудофиаи Ҷумҳурии Тоҷикистон, изҳор дошт, ки хизмати Ватан - Модар қарзи фарзандии ҳар як ҷавонмард ба ҳисоб меравад. Сол ба сол сафи ҷавононе, ки ихтиёран ба сафи Қувваҳои Мусаллаҳ мепайванданд, зиёд гардида истодааст. Ҳукумати мамлакат ҷиҳати боз ҳам рушд додан ва фароҳам сохтани шароити созгор барои сарбозону афсарони шуҷои Ватан пайваста тадбирҳои мақсаднок меандешад.
Сипас, аз ҷониби муовини раиси шаҳри Душанбе, муовини вазири мудофиа ва муовини раиси Кумитаи ҷавонон ва варзиш ба даъватшудагоне, ки курси кӯтоҳмуддати ронандагиро хатм кардаанд, ҳуҷҷати ронандагӣ тақдим гардид.
Қобили зикр аст, ки чунин маъракаи муҳим дар ҳамаи вилоят, шаҳру ноҳияҳои ҷумҳурӣ ба ҳамин тартиб оғоз гардида, муташаккилона идома дорад. Дар ҳамин ҳол, тибқи гузоришҳои расида, бархе шаҳру ноҳияҳои мамлакат, аз ҷумла ноҳияҳои Шуғнон, Дарвоз, Ишкошим, Мурғоби ВМКБ ва шаҳри Исфараи вилояти Суғд дар рӯзи аввали даъват аз иҷрои нақша хабар доданд.

Лашкар ШАРИФЗОДА,
 «Ҷумҳурият»


Баёни ақида (0)    Санаи нашр: 04.10.2019    №: 188    Мутолиа карданд: 1757

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт


Дар сомонаҳои дигари Тоҷикистон хонед