logo

иҷтимоиёт

МАЪЮБОН. ВАЗЪИ ТАВОНБАХШӢ РӮ БА БЕҲБУДӢ МЕОРАД

Хушбахтона, дар замони соҳибистиқлолии кишвар Ҳукумати ҷумҳурӣ ба ҳифзи солимӣ, тавонбахшӣ ва беҳдошти мардуми мамлакат ғамхории ҳамаҷониба зоҳир намуда, баҳри таҳкими инфрасохтори соҳаи тандурустии кишвар тадбирҳои муассир меандешад. Ҳамин аст, ки ҳоло муассисаҳои тандурустии кишвар бо тамоми шароити хизматрасонии тиббӣ дар пешгирӣ, табобат ва сиҳатии сокинон саҳм мегузоранд.

Аз ҷумла, Муассисаи давлатии «Пажӯҳишгоҳи экспертизаи тиббию иҷтимоӣ ва тавонбахшии маъюбон» низ аз ҳамин қабил буда, олимону коршиносони он ба омӯзиши бемориҳои ҷанбаи иҷтимоидошта, солимгардонии дардмандону маъюбон, пешгирӣ ва коҳиш додани сатҳи маъюбӣ машғуланд ва тавассути бахшҳои амбулаториву табобатӣ шахсони имконияташон маҳдудро ба хизматрасонии тиббию иҷтимоӣ ва тавонбахшӣ фаро мегиранд.
Дар сохтори пажӯҳишгоҳ шуъбаҳои амбулаторӣ ва клиникӣ фаъолият мекунанд, ки ба муроҷиаткунандагон, аз ҷумла маъюбони гурӯҳҳои II ва III, кӯдакони маъюб ва пиронсолон кумаки тиббӣ мерасонанд.  То имрӯз ба зиёда аз 2100 нафар анвои мухталифи хидмати амбулаториву  клиникӣ пешниҳод шудааст.
Дар қисми клиникии муассиса, инчунин, толори варзишӣ - табобатӣ, ҳуҷраҳои маҳс, гиёҳдармонӣ, ташхисгоҳи клиникӣ, даруннигорӣ ва фаросавтӣ, намудҳои гуногуни дастгоҳҳои тавонбахшии барқӣ мавриди истифода буда, беморон ва муроҷиаткунандагон аз хизмати онҳо ба таври ройгон бархӯрдоранд. Дар баробари бистаришавӣ, тибқи роҳхати муассисаҳои кумаки аввалияи тиббию санитарӣ (КАТС) ба пажӯҳишгоҳ барои ташкили ташхиси тиббию иҷтимоӣ ҳар сол теъдоди муайяни маъюбон меоянд. Муҳаққиқони пажӯҳишгоҳ дар мавзӯъҳои “Баҳодиҳии тиббию иҷтимоии самаранокии тавонбахшии маъюбон дар Ҷумҳурии Тоҷикистон барои солҳои 2015 – 2019” ва “Роҳҳои беҳтар гардондани системаи тавонбахшии тиббию иҷтимоии маъюбон дар Ҷумҳурии Тоҷикистон барои солҳои 2019 - 2023” пажӯҳиш бурда, дар асоси муайян намудани вазъи иқтидорҳои муассисаҳои системаи давлатии соҳаи тандурустӣ ва ҳифзи иҷтимоӣ дар минтақаҳои кишвар мониторинг ва баҳодиҳии таъсири фаъолияти муассисаҳои КАТС ва тамоюли беҳгардонии ҳолати солимии маъюбон, муайян сохтани сабабҳои маъюбият ва пешгирии маъюбшавӣ дар байни аҳолӣ, омӯзишҳои сотсиологӣ оид ва ҳолати иқтисодию иҷтимоии онҳо, дастрасии хизматрасониҳои тиббию иҷтимоӣ ба ин гурӯҳи осебпазир корҳои таҳқиқотӣ анҷом медиҳанд. Айни замон муҳаққиқони пажӯҳишгоҳ ба таҳлили тадқиқот оид ба баҳодиҳии иқтидори тавонбахшии муассисаҳои ВМКБ ва вилояти Суғд машғул мебошанд.
Ҳамзамон, бо назардошти сол ба сол зиёд шудани аҳолии ҷумҳурӣ, афзоиши дарозумрии шаҳрвандони кишвар ва баланд бардоштани сатҳу сифати хизматрасонии тиббию иҷтимоӣ ба пиронсолон, соли ҷорӣ бахши геронтология ва ҳифзи иҷтимоии пиронсолон таъсис дода шуд, ки кормандони он ба омӯзиши пиршавии аҳолӣ, хизматрасониҳои тиббию иҷтимоӣ ва ҳифзи иҷтимоии пиронсолон машғул мебошанд.  
Бовар дорем, ки фаъолияти муассиса минбаъд боз ҳам беҳтар шуда, дар беҳдошту тавонбахшии маъюбон ҳиссаи бештар мегузорад.
Муродалӣ РӮЗИЕВ,  директори Пажӯҳишгоҳи экспертизаи
тиббию иҷтимоӣ ва тавонбахшии маъюбон


Баёни ақида (0)    Санаи нашр: 10.10.2019    №: 191    Мутолиа карданд: 1952
28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ


Дар сомонаҳои дигари Тоҷикистон хонед