logo

сиёсат

АВВАЛИН ФОРУМИ ҶУМҲУРИЯВИИ ЗАНОН БАРГУЗОР ГАРДИД

Бори нахуст дар кишвар таҳти сарпарастии сафири Созмони байналмилалии «Занони сиёсатмадори роҳбар» – Роҳбари Дастгоҳи иҷроияи Президенти Ҷумҳурии Тоҷикистон  муҳтарам Раҳмон Озода  Эмомалӣ Форуми ҷумҳуриявии занон дар мавзӯи «Баланд бардоштани маърифати сиёсиву ҳуқуқии занону ҷавондухтарон– омили рушди суботи ҷомеа» баргузор гардид.

Дар ҳамоиш муовини Раиси Маҷлиси намояндагони Маҷлиси Олӣ Хайринисо Юсуфӣ, вазири меҳнат, муҳоҷират ва шуғли аҳолӣ Сумангул Тағойзода, раиси Кумитаи кор бо ҷавонон ва варзиш Аҳтам Абдуллозода, раиси Кумитаи кор бо занон  ва оила Идигул Қосимзода, раиси Кумитаи рушди сайёҳӣ Нуъмон Абдуғаффорзода, сардори раёсати илм ва маърифати Дастгоҳи иҷроияи Президенти Ҷумҳурии Тоҷикистон Лутфия Абдухолиқзода,  муовини раиси шаҳри Душанбе Мавсума Муинӣ, олимону муҳаққиқони ҷавон ва намояндагони вазорату идораҳо иштирок намуданд.
Зимни ифтитоҳи форум Аҳтам Абдуллозода  зикр намуд, ки имрӯз бонувони  тоҷик бо истифода аз шароити созгори фароҳамовардаи давлату Ҳукумат бо масъулияти зиёд арзишҳои оиладорӣ, инсонӣ ва миллиро дар ҷамъият тарғиб менамоянд. Дар асл ободиву суботи ҷомеа аз оилаи солим вобастагӣ дошта, ҷавҳари ободии ҳар хонадон аз сатҳи маънавиёту маърифати Зан - Модар сарчашма мегирад.
Сардори раёсати илм ва маърифати Дастгоҳи иҷроияи Президенти Ҷумҳурии Тоҷикистон Лутфия Абдухолиқзода иброз намуд, ки қабул гардидани даҳҳо санадҳои меъёрии ҳуқуқӣ аз он шаҳодат медиҳад, ки баланд бардоштани мақоми зан дар ҷомеа зери таваҷҷуҳи ҳамешагии Президенти мамлакат муҳтарам Эмомалӣ Раҳмон қарор дорад.
- Боиси ифтихор аст, ки имрӯз бонувони тоҷик дар арсаи байналмилалӣ низ мавқеи намоён касб менамоянд. Ин ҷо барои намуна метавон номи Озода Эмомалӣ Раҳмонро зикр намуд, ки чанде қабл ба ҳайси   сафири Созмони байналмилалии «Занони сиёсатмадори роҳбар» пазируфта шуданд.  Ин маснади воло на танҳо ба Озода Эмомалӣ Раҳмон, балки барои ҳар як бонуи ҷумҳурӣ мояи фахр аст,- илова намуд мавсуф.
Вазири меҳнат, муҳоҷират ва шуғли аҳолӣ Сумангул Тағойзода иброз дошт, ки Ҳукумати Ҷумҳурии Тоҷикистон вобаста ба таҳкими мақому манзалат ва таъмини риояи ҳуқуқи конститутсионии занон тамоми тадбирҳои заруриро меандешад ва онҳоро мутобиқи меъёрҳои ҷомеаи демократӣ, ҳуқуқбунёду дунявӣ амалӣ мегардонад. Бо мақсади баланд бардоштани мақоми зан дар ҷомеа, таъмини баробарҳуқуқии мардону занон, тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони лаёқатманд бо қарорҳои марбутаи Ҳукумати Ҷумҳурии Тоҷикистон як қатор санадҳои меъёрии ҳуқуқӣ, аз ҷумла Стратегияи миллии фаъолгардонии нақши занон дар Ҷумҳурии Тоҷикистон барои солҳои 2011-2020 қабул гардида, имрӯз батадриҷ  амалӣ мешаванд.
Ҳамзамон, дар форум аз ҷониби коршиносони соҳа ва олимону муҳаққиқон масъалаҳои фаъолияти бонувон дар сохторҳои давлатӣ, пешгирии шомилшавии занон  ба гурӯҳҳои террористиву экстремистӣ, нақши занон дар ривоҷу равнақи илм ва инноватсия, пешгирии хушунат ва зӯроварӣ дар оила, рушди фаъолияти соҳибкорӣ миёни занон, нақши онҳо дар рушди соҳаи сайёҳӣ ва амсоли инҳо мавриди баррасӣ қарор гирифт.

Комрон САФАР,
«Ҷумҳурият»


Баёни ақида (0)    Санаи нашр: 11.10.2019    №: 192    Мутолиа карданд: 1338
15.07.2020


ДАР ТОҶИКИСТОН АЗ КОРОНАВИРУС 5332 БЕМОР ШИФО ЁФТ

ХОРУҒ. ВУСЪАТИ БУНЁДКОРИҲО ДАР ПЕШОРӮИ ТАШРИФИ ПЕШВОИ МИЛЛАТ

ХАДАМОТ. ШАХСОНИ МАСЪУЛ БЕШ АЗ 300 ҲАЗОР СОМОНӢ ҶАРИМА ШУДАНД

КУМИТАИ РУШДИ МАҲАЛ. 11 112 ИНШООТ БА ИСТИФОДА ДОДА ШУД

МУҲИТИ ЗИСТ. 607 ҲОЛАТИ ВАЙРОН КАРДАНИ ТАЛАБОТИ ҚОНУНГУЗОРӢ

ПРОКУРАТУРАИ ГЕНЕРАЛӢ. ТЕЪДОДИ ҶИНОЯТҲОИ ВАЗНИН ВА МАХСУСАН ВАЗНИН КОҲИШ ЁФТ

НОҲИЯИ ДЕВАШТИЧ. ҶАМЪБАСТИ НАТИҶАҲОИ НИМСОЛА

ЛИГАИ БОНУВОН. «ЗЕБО» ВА «ХАТЛОН» ДАР САДРИ ҶАДВАЛ

14.07.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 80 ДАРСАД РАСИД

ХУҶАНД. КОРХОНАИ «СОМОН ГУРӮҲ» БА ФАЪОЛИЯТ МЕПАРДОЗАД

200 000 СОМОНӢ КУМАКИ БОБОИ МУҲИБ БА ТАБИБОНИ РАШТ

ЭНЕРГЕТИКА. НИЗОМИ МУОСИРИ НАЗОРАТ ВА ҲИСОБИ НЕРУИ БАРҚ

НИГАРОНӢ! 25 ҲОЛАТИ МАЙДААВБОШӢ ДАР ЯК РӮЗ

ВАЗОРАТИ АДЛИЯ БА 3916 ШАҲРВАНД ЁРИИ ҲУҚУҚИИ РОЙГОН РАСОНД

ЗАМИНА БА ТУХМИПАРВАРИИ ИБТИДОӢ

ТАДБИРҲОИ ЗАРУРӢ БАРОИ РАФЪ СОХТАНИ МУШКИЛИҲО

“ДАСТ БА ДАСТ”. ФАРДО АЗ ИМРӮЗ БЕҲТАР ХОҲАД БУД

ЛИГАИ ЧЕМПИОНҲО «МАНЧЕСТЕР СИТИ» ДАР ОН МЕМОНАД

РОССИЯ КАРАНТИНИ ҲАТМӢ БАРОИ ВОРИДШУДАҲОРО БЕКОР КАРД

ҶАҲОН ДАР ЯК САТР

ТОҶИКИСТОН. 5228 ГИРИФТОРИ БЕМОРИИ COVID – 19 ШИФО ЁФТ

ҚОҲИР РАСУЛЗОДА ДАР НОҲИЯИ ШАМСИДДИН ШОҲИН ВА ШАҲРИ КӮЛОБ

ЁРӢ БА МУАССИСАҲОИ ТАНДУРУСТИИ ВМКБ

ТОҶИКОБОД. ҶАМЪОВАРИИ КАРТОШКАИ БАРВАҚТӢ

ВМКБ. ВУСЪАТИ КОРҲОИ СОХТМОНӢ

ЧЕМПИОНАТИ ТОҶИКИСТОН – 2020. "ИСТИҚЛОЛ" МАРҲИЛАИ АВВАЛРО ДАР САДРИ ҶАДВАЛ ХАТМ КАРД

РОССИЯ ДАР ҶАҲОН НАХУСТИН ШУДА ОЗМОИШИ ВАКСИНАИ COVID - 19-РО АНҶОМ ДОД

ҶАҲОН ДАР ЯК САТР

10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД


Дар сомонаҳои дигари Тоҷикистон хонед