logo

иҷтимоиёт

НИЗОМИ БОНКӢ ДАР НУҲ МОҲИ СОЛИ 2019 ВА ВАЗИФАҲОИ НАВБАТӢ

Чанде пеш дар Бонки миллии Тоҷикистон ҷаласаи ҷамъбастӣ оид ба вазъи низоми бонкӣ дар нуҳ моҳи соли равон баргузор гардид.
Раиси Бонки миллии Тоҷикистон Ҷамшед Нурмаҳмадзода зикр кард, ки моҳҳои январ - сентябри соли ҷорӣ Бонки миллии Тоҷикистон фаъолияти худро ҷиҳати суботи молиявӣ, татбиқи ислоҳот дар самти сиёсати пулию қарзӣ, ҷоннок намудани фишангҳои монетарӣ ва дар ин робита нигоҳ доштани сатҳи таваррум дар доираи нишондиҳандаҳои мақсаднок равона намуд. Дар натиҷаи истифодаи самараноки фишангҳои монетарӣ ва фискалӣ нишондиҳандаҳои макроиқтисодӣ, алалхусус таваррум дар сатҳи нисбатан муътадил нигоҳ дошта шуда, дар нуҳ моҳи соли ҷорӣ ба 6,5 дарсад баробар шуд.
Ҷамшед Нурмаҳмадзода таваҷҷуҳи ҳозиронро ба дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз мулоқот бо кормандони мақомоти молия, андоз, гумрук, сармоягузорӣ ва бонкҳо ҷалб намуда, аз тадбирҳои андешидашуда дар ин самт натиҷагирӣ кард. Зикр шуд, ки бо мақсади татбиқи иқдоми Пешвои миллат оид ба таъмини рушди соҳибкорӣ бо роҳи паст кардани меъёри фоизи қарз, Бонки миллии Тоҷикистон дар ҳамкорӣ бо ташкилотҳои қарзӣ чораҳои зарурӣ андешид. Дар натиҷа, меъёри миёнавазни фоизи қарзҳо бо пули миллӣ дар моҳҳои январ - сентябри соли равон нисбат ба нуҳ моҳи соли гузашта ба андозаи 6,4 банди фоизӣ паст гардида, 22,1 дарсадро ташкил намуд. Меъёри миёнавазни фоизи қарзҳо дар ин давра бо асъори хориҷӣ 15,5 дарсадро ташкил намуд, ки дар муқоиса ба ҳамин давраи соли гузашта ба 1,3 банди фоизӣ паст шуд.
Дар мавриди пешниҳоди маблағгузориҳои қарзӣ барои рушди соҳибкорӣ, ҳамчун самти афзалиятнок дар кишвар зикр гардид. Дар робита ба ин, раиси Бонки миллии Тоҷикистон аз ин самт натиҷагирӣ карда, тазаккур дод, ки аз ҳаҷми умумии қарзҳои аз ҷониби ташкилотҳои қарзӣ дар давраи ҳисоботӣ додашуда 39,9 фоизи он ба соҳибкории истеҳсолӣ рост омада, маблағи 2 671,5 миллион сомониро ташкил дод, ки нисбат ба ҳамин давраи соли гузашта 980,9 миллион сомонӣ ё 58,0 дарсад зиёд мебошад. Ҳамзамон, моҳҳои январ - сентябри соли 2019 аз ҷониби ташкилотҳои қарзии ҷумҳурӣ ба соҳаи сайёҳӣ 8,1 миллион сомонӣ ва рушди ҳунарҳои мардумӣ 27,2 миллион сомонӣ қарз дода шудааст, ки нисбат ба ҳамин давраи соли гузашта 26,5 фоиз афзоиш ёфтааст.
Дар идомаи ҷаласа, оид ба вазъи низоми бонкӣ, таъсиси як қатор ташкилотҳои нави қарзӣ дар низом, аз ҷумла бонки исломии ҶСК “Тавҳидбонк” бо роҳи табдилдиҳӣ, ҶСП Бонки “Арванд”, ҶДММ ТАҚХ “Васл”, инчунин таъсиси як қатор марказҳои хизматрасонии бонкӣ баҳри беҳтару хубтар намудани сифати хизматрасонӣ ба аҳолӣ ва фароҳам омадани шароити мусоид барои дастрасии молиявӣ ҷиҳати баланд бардоштани эътимоди аҳолӣ ба низоми бонкӣ шарҳи мухтасар дода шуд.
Дар ҷамъбасти ҷаласа, аз рафти иҷрои Нақшаи чорабиниҳои Бонки миллии Тоҷикистон оид ба иҷрои дастуру супоришҳои Пешвои миллат, Президенти Ҷумҳурии Тоҷикистон зимни вохӯрӣ бо кормандони соҳаҳои молия, андоз, гумрук ва бонкҳо натиҷагирӣ шуда, барои идома додани кор баҳри татбиқи сиёсати пулию қарзӣ, пурзӯр намудани низоми назорати дохилӣ ҷиҳати пешгирии талафоти имконпазир ва коҳиш додани сатҳи хавфҳои эҳтимолӣ ба низоми бонкӣ, тақвият додани ҳамкориҳо дар самти ҷалби бештари сармояи арзон ва дарозмуҳлат, паст кардани фоизи қарзҳо ва пешниҳоди имтиёзҳои қарзӣ, ҷалби пасандозҳо, такмили идоракунии корпоративӣ, баланд бардоштани сатҳу сифати хизматрасониҳо ва тавсеа додани  хизматрасониҳои муосири бонкӣ, вусъат бахшидани доираи ҳисоббаробаркуниҳои ғайринақдӣ ва таъмини соҳибкорон бо терминалҳо, баланд бардоштани маърифати молиявии аҳолӣ, ҷалби кадрҳои баландихтисос, бахсусус ҷалби бонувон ва дар маҷмӯъ баланд бардоштани эътимоди аҳолӣ ба низоми бонкӣ вазифаҳои навбатӣ гузошта шуданд.
Муҳаммадзоиршо ШАРИФЗОДА,
“Ҷумҳурият”


Баёни ақида (0)    Санаи нашр: 17.10.2019    №: 195    Мутолиа карданд: 660

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед