logo

иҷтимоиёт

ХАТЛОН. ҚОНУНШИКАНИҲО АЗ МАЪРИФАТИ ПАСТИ ЭКОЛОГӢ ШАҲОДАТ МЕДИҲАНД

Роҳбарияти раёсати ҳифзи муҳити зисти вилояти Хатлон ҷиҳати иҷрои барномаҳои давлатӣ, консепсия ва вазифаҳои бауҳдадоштаашон саъю талош менамоянд, то муҳити зистро тозаю озода нигоҳ доранд. Вале нишондодҳои оморӣ бозгӯанд, ки вазъи қонуншиканӣ  ҳанӯз нигаронкунанда аст. Соли равон 1419 ҳолати  қонуншиканӣ ба қайд гирифта шуд ва ин рақам шаҳодати он аст, ки теъдоди зиёди шаҳрвандон ба ҳифзи муҳити зист эътибор намедиҳанд ва ё худ оид ба  ин мавзӯъ чизеро донистан намехоҳанд.

Масъулони соҳа дар вилояти Хатлон бар он назаранд, ки зиёд ошкор шудани қонуншиканӣ танҳо натиҷаи босамари ҳайати кории раёсат маҳсуб намеёбад. Гап сари ин аст, ки вазифаи ниҳоди марбута танҳо ошкор намудани қонуншиканиҳо набуда, балки пешгирии он тавассути баланд бардоштани маърифати экологии ҷомеа низ мебошад. Сабаби зиёд будани шумораи қонуншиканиҳо дар 9 моҳи соли равон, шояд, аз мадди назар дур мондани баргузории вохӯриву мулоқот ва корҳои фаҳмондадиҳист? Дар акси ҳол беэътибории шаҳрвандон оид ба ҳифзи муҳити зисти хеш  дар чист?
Муовини роҳбари раёсати ҳифзи муҳити зисти вилояти Хатлон Ҳабибулло Қодиров  зимни суҳбат гуфт, ки бо мақсади вусъати корҳои ободониву созандагӣ  дар самти поку озода нигоҳдории муҳити зист, соҳили ҷӯю каналҳо, роҳраву дигар  мавзеъҳои фарҳангӣ, нашъунамои хуби дарахтони сояафкану мевадиҳанда ва гулу буттаҳои атроф, корҳои зиёд ба анҷом расонда шуданд. Масъулони соҳа маъракаву ҳашарҳои умумӣ ташкил карда, 1926 вохӯриву мулоқот гузаронданд ва моҳияти сиёсати давлатии экологиро ба мардум  фаҳмонданд. То имрӯз аз ҷониби масъулони соҳа 762  санҷиш доир гардид, вале бояд  таъкид кард, ки ҳанӯз масъалаи маърифати экологии аҳолӣ ба талабот ҷавобгӯ нест. Ба гуфтаи мавсуф, сарфи назар аз чунин иқдомот, дар маҷмӯъ, 1419 нафар ба қонуншиканӣ даст задаанд.
- Солҳои пеш аз сабаби фаровон набудани маҳсулоти сӯзишворӣ буриши дарахтон хеле зиёд ба чашм мерасид. Имрӯзҳо ин гуна қонуншиканиҳо нисбатан кам гашта, то кунун 170 нафар аз рӯи ин нишондод 42000 сомонӣ ҷарима шудаанд. Аммо қонуншиканиҳои бемаврид шикор намудани моҳӣ ва ҳайвонот, ифлоссозии ҳавову манбаъҳои обӣ, аз ҷойҳои мамнӯъ истифода бурдани шағалу қум, эмин нигоҳ надоштани  замин аз ҳаргуна партову заҳрхимикатҳо нисбат ба ҳамин давраи соли гузашта афзоиш ёфтаанд. Мутаассифона, ҷаримабандӣ роҳи ҳалли мушкилот нест. Моро лозим меояд, ки баҳри боло бардоштани маърифати экологии мардум талош варзем. Илова бар ин, камбуди мутахассисони соҳаву норасоии таҷҳизот ва лавозимоти зарурӣ аз мушкилоти асосии раёсат арзёбӣ мешаванд. Алҳол бо мақсади таҳкими ҳифзи муҳити зист як қатор барномаҳои судманд мавриди амал қарор доранд, - гуфт Ҳабибулло Қодиров.
                                                   
Анвар ҲАФИЗ, «Ҷумҳурият»


Баёни ақида (0)    Санаи нашр: 22.10.2019    №: 198    Мутолиа карданд: 458
08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"

ПУТИН: «РОССИЯ БАРОИ РУШДИ ИҚТИСОД НИЁЗ БА МУҲОҶИРОН ДОРАД»

ҶАҲОН ДАР ЯК САТР

03.07.2020


ХУҶАНД. ИФТИТОҲИ ГУЗАРГОҲИ ЗЕРИЗАМИНӢ

ЗАРУРАТИ ТАВСЕАИ ҲАМКОРИҲО ТАЪКИД ГАРДИД

ДАР ТОҶИКИСТОН АЗ КОРОНАВИРУС 4690 БЕМОР ШИФО ЁФТ

ДЗЮДО. КУРСИ ТЕХНИКӢ БАРОИ МУРАББИЁН

АЛЕКСАНДР ЛУКАШЕНКО: «БЕЛАРУС БАР КОРОНАВИРУС ҒОЛИБ ОМАД»

ҶАҲОН ДАР ЯК САТР

02.07.2020


77 ДАРСАДИ БЕМОРОН ДАР ТОҶИКИСТОН СИҲАТ ШУДАНД

КУМАКИ ШИРКАТИ “ПОМИР ЭНЕРҶИ” БА НИЁЗМАНДОН

ҚАРИБ 650 ШАҲРВАНДИ ТОҶИКИСТОН АЗ РОССИЯ БАРГАШТ

ҶАҲОН ДАР ЯК САТР

01.07.2020


ҚАРОР ДАР БОРАИ ТАЪЙИН ВА ПАРДОХТИ КУМАКПУЛИИ ИҶТИМОӢ

4568 МУБТАЛОИ COVID – 19 ДАР ТОҶИКИСТОН ШИФО ЁФТ

ҶАЛАСАИ ШӮРОИ ИҚТИСОДИИ ИДМ


Дар сомонаҳои дигари Тоҷикистон хонед