logo

фарҳанг

МАҲМУДҶОН ВОҲИДОВ. ИФТИХОРИ МАНУ МО

Дар Театри мусиқӣ - драмавии ба номи Маҳмудҷон Воҳидови ноҳияи Ашт садҳо нафар дӯстдори санъат ба муносибати таҷлили 80 - солагии Ҳунарпешаи халқии Тоҷикистон, барандаи Ҷоизаи давлатии ба номи Абуабдуллоҳи Рӯдакӣ шодравон Маҳмудҷон Воҳидов ба ҳам омад.
Зариф Мирдадо, раиси ноҳияи Ашт, дар ифтитоҳи ҳамоиш иброз дошт, ки имрӯз дар Ватани азизамон бо талошҳои Пешвои муаззами миллат муҳтарам Эмомалӣ Раҳмон тамоми шароит фароҳам аст, ки бузургдошту поси хотири фарзонафарзандони миллат дар сатҳи баланду бошукӯҳ доир шавад. Сарвари давлат дар маросими ифтитоҳи Қасри фарҳанг дар шаҳраки Шайдон бо назардошти хизматҳои арзандаи ҳунарманди мумтоз Маҳмудҷон Воҳидов ин бинои муҳташамро ба Театри мусиқӣ - драмавии ба номи Маҳмудҷон Воҳидов номгузорӣ карданд.
- Китоби умри Маҳмудҷон Воҳидов “Шоҳнома” - еро монад, ки бо гузашти айём аз боду боронҳо газанде наёфта, ҳамоно мояи омӯзишу ифтихори халқи тоҷик аст, - афзуд раиси ноҳия. - Бузургӣ ва неруи сухан ӯро рӯи саҳна овард. Дар саҳнаи театру кино ӯ шахси тасодуфӣ не, саропо истеъдод буду пур аз ҳунар, зебоиву зебоипарастӣ ва ҳубби ватанадориву миллатдӯстӣ.
- Рӯ овардан ба таъриху зиндагинома ва фаъолияти шахсиятҳои фарҳангӣ ва нобиғагону бузургони гузаштаи миллат дар меҳвари сиёсати Президенти мамлакат муҳтарам Эмомалӣ Раҳмон қарор дорад, - иброз дошт Тоҷибой Султонӣ, мудири шуъбаи рушди иҷтимоӣ ва робита бо ҷомеаи мақомоти иҷроияи ҳокимияти давлатии вилояти Суғд. Посдории рӯҳу равони гузаштагони соҳаи фарҳанг моро вазифадор месозад, ки дар ин самт корҳои шоистаро ҷиҳати худшиносии миллӣ анҷом дода, ба ормонҳои давлатдориамон расида бошем. Ёдбуду бузургдошти Ҳунарпешаи халқии Тоҷикистон Маҳмудҷон Воҳидов низ тақвиятбахши амалисозии андешаҳои волои давлатдорист.
Нависандаи халқии Тоҷикистон Муҳиддин Хоҷазод аз нақши Маҳмудҷон Воҳидов дар рушди театру кинои тоҷик ёдовар шуда изҳор намуд, ки ин ҳунарманди нотакрор дар фаъолияти эҷодии начандон тӯлонӣ тавонист тоҷиконро ба ҷаҳониён чун як миллати воқеан ҳам тамаддунсоз муаррифӣ созад. “Боварам комил аст, ки рӯҳи баргузидаи Маҳмудҷон ҳамнишини фариштагон аст ва боз солиёни дароз исми Маҳмудҷон таблиғгари шеъру адаби тоҷикон хоҳад буд”, - илова кард мавсуф.
- Милоди Маҳмудҷон Воҳидов ба кулли тоҷикон ва дӯстдорони шеъру адаб табрик, - гуфт Шоири халқии Тоҷикистон Фарзона. Ҳаёту фаъолияти ситораҳои тобоне дар санъати тоҷик чун Маҳмудҷон барои ҳунармандони ҷавон омӯзанда аст. Бо ҳунари волои хеш ин ҳунарманди сартопо ҳунар марзҳоро аз миён мебардошт, қалбҳоро гармӣ мебахшиду дуриҳоро наздик месохт. Воқеан ҳам, бахти миллати мост, ки Маҳмудҷон дошт, ки наҷми доимии ҷилобахш дар осмони адабиёту санъати  мо ҳастанд.
Шоири халқии Тоҷикистон Толиби Озарахш дар иртибот ба хизматҳои арзандаи Маҳмудҷон Воҳидов дар рушду таблиғи шеъру фарҳанг ва таърихи миллати тоҷик пешниҳод намуд, ки ҳар сол озмуни умумиҷумҳуриявии “Маҳмудҷонхонӣ” созмон дода, натиҷагирии ниҳоии он дар рӯзи мавлуди Маҳмудҷон Воҳидов, дар ҳамин театр доир гардад. Ин иқдом шароит фароҳам месозад, ки даҳҳо истеъдодҳои навро барои театру кино ва адабиёт дарёфт намоем.
Намоиши филми таҳиянамудаи кормандони театри ноҳия дар бораи фаъолияти эҷодии Маҳмудҷон Воҳидов ба ҷамъомад рӯҳи тоза бахшид.

Ҷовиди АШТӢ, “Ҷумҳурият”


Баёни ақида (0)    Санаи нашр: 24.10.2019    №: 200    Мутолиа карданд: 584

24.02.2020


БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД


Дар сомонаҳои дигари Тоҷикистон хонед