logo

иқтисод

КОНСОЙ. ФАРДО АЗ ИМРӮЗ РӮШАНТАР ХОҲАД ШУД

Консой дар даврони соҳибистиқлолӣ  аз ҷиҳати иқтисодиву иҷтимоӣ ва фарҳангӣ рушд ёфта, симояшро чун шаҳраки муосир куллан тағйир дод. Тамошои зебоии пиёдароҳҳои сафолакпӯш, гулгаштхои рангоранг, канорҳои пургулу сарсабзи роҳҳои мошингард, биноҳои замонавии муассисаҳои фарҳангӣ, тиббӣ, варзишӣ ва иншооти дигар  ба кас фараҳ мебахшад. Дар корҳои ободонию созандагӣ, ҳалли масоили иҷтимоӣ, ҳамчунин,  дастгирии молиявӣ дар баргузории чорабиниҳои идона дар шаҳраки Консой корхонаи муштараки «Апрелевка» ҳамасола бо ҷудо кардани маблағҳо аз ҳисоби даромад саҳми назаррас дорад.
Ҷиҳати истиқболи сазовори Ҷашни 30 - солагии Истиқлолияти давлатии Тоҷикистон корхонаи «Апрелевка» низ  баҳри сарсабзию хуррамии шаҳрак, таъмири муассисаҳои таълимӣ, тандурустӣ ва фарҳангӣ ва роҳҳои дохилӣ соли равон зиёда аз 2 миллион сомонӣ маблағ равона кардааст.
Сокинони Консой низ дар иқдомҳои ободонию созандагии шаҳрак фаъолона ширкат меварзанд. Яке истгоҳ бунёд мекунаду дигаре маркази савдо, кошонаи ҳусн, нуқтаи хизматрасонии маишӣ… Хушбахтона, теъдоди ободгароён пайваста меафзояд.
Консой чун шаҳраки нақбканону геологҳо ҳанӯз соли 1933 таъсис ёфта, соли 1994 дар шароити соҳибистиқлолӣ ба ҷамоати шаҳрак табдил дода шуд. Ҳоло нуфузи аҳолиаш наздик ба 6 ҳазор нафар расидааст. Рушди баъдии шаҳрак ба фаъолияти муътадили  корхонаи муштараки Тоҷикистону Канада - «Апрелевка» ва ҶСК «Равшан» иртиботи қавӣ дорад. Феълан дар ҳар ду корхона ҷиҳати васеъ кардани истеҳсолот барномаҳои мушаххаси рушд тарҳрезӣ шудаанд.
- Пас аз пошхӯрии Иттиҳоди Шӯравӣ ва аз фаъолият бозмондани корхонаи коркард ва конҳои истихроҷи маъдан мардуми шаҳракро муддате ҳиссиёти ноумедӣ фаро гирифт.  Бархе аз мутахассисони варзида ҷиҳати дарёфти шуғлу даромади муносиб ба кишварҳои дигар рафтанд, аммо теъдоди зиёди онҳо бе кор монданд ва танҳо умед аз Ҳукумати Тоҷикистон доштанд ва ин умед самар овард. Солҳои аввали соҳибистиқлолӣ бо талошу такопӯи Сарвари давлат ва Ҳукумати кишвар мутахассисони ватаниву хориҷӣ чанд кони нав кашф карданд ва истихроҷи маъдан оғоз гашт. Корхонаи муштараки «Апрелевка» таъсис ёфт, ки то имрӯз фаъолияти босамар дошта, шумораи кормандони он тадриҷан ба 900 нафар расид ва аксари онҳо сокинони муқимии шаҳраканд. Музди миёнаи моҳонаи кор зиёда аз 2700 сомониро ташкил медиҳад, ки миёни корхонаҳои саноатии мамлакат аз ҷумлаи балантаринҳост. Муҳоҷирати меҳнатӣ ба Россия ва Қазоқистон ба андозаи назаррас коҳиш ёфт. Бунёду мавриди баҳрабардорӣ қарор гирифтани  коргоҳҳои хурди истеҳсолӣ,  ҳаммом,  толори ҳусн, марказҳои хизматрасонӣ ва иншооти зиёди дигари ҷашнӣ шароит фароҳам меорад, ки боз теъдоди муайяни сокинони шаҳрак соҳиби ҷои кори доимӣ шаванд, - мегӯяд Баҳодур Сайдуллоӣ, раиси шаҳраки Консой.
Ҷашни 30 - солагии Истиқлолияти давлатии Тоҷикистонро сокинони Консой бо вусъат бахшидани корҳои созандагию ободонӣ, сабзазоркунии кӯчаю роҳравҳо, маҳаллаҳои аҳолинишин, рангубори манзилҳои истиқоматӣ ва таъмири роҳу биноҳо истиқбол гирифтанианд. То ҷашни миллӣ боз 7 километр роҳ мумфарш ва 15 иншооти дорои аҳамияти иқтисодиву иҷтимоидошта бунёду таъмир карда мешавад. Консой, воқеан ҳам, ба макони орзуву умедҳо табдил ёфтааст.
 
Ҷовиди АШТӢ,  «Ҷумҳурият»


Баёни ақида (0)    Санаи нашр: 28.10.2019    №: 202    Мутолиа карданд: 49

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед