logo

иҷтимоиёт

ШАҲРИТУЗ. АЙБ ДАР ОШ АСТ Ё ДАР МОШ?

Баъзан камбудиҳоро мебинему нодида мегирем, аммо чун аз ҳад гузашт, дигар тавони об дар даҳон гирифтан намемонад. Чунин ҳолат дар ноҳияи Шаҳритуз рӯй дод, аниқтараш дар бозори марказӣ, ки манзараи булаҷабе дошт.

Нисфирӯзӣ. Ҳаво хеле гарм, аммо дар кӯчаи марказӣ, тахмин дусад – сесад метр дуртар аз бинои мақомоти иҷроияи маҳаллии ҳокимияти давлатии ноҳияи Шаҳритуз ба пиндор замин кафидаву одам баромада. Гумон кардам, ки ин ҷо бозори калоба аст. Ва ҳақиқатан ҳам, ин ҷо бозори марказии ноҳия будааст. Чун дар Шаҳритуз бори аввал будам, наметавонистам бозори онро нодида биравам ва ҷониби дарвозаи он равон шудам. Вале ин фосилаи ночиз мушкилии зиёд доштааст. Нахуст тааҷҷубам аз он шуд, ки пиёдароҳи ҷониби бозор ҳар ҷо - ҳар ҷо сафолакҳои шикаста дошту боқӣ валангор буд. Агар болои ин боз партовҳои рӯи роҳро зам намоем, ки мардум бепарво «коштаанд», ба кӯчаи марказӣ буданаш боваратон намеояд. Шигифтангез аст, ки масъулон чун роҳи назди бинои мақомоти иҷроияи маҳаллии ҳокимияти давлатии ноҳияро ба ифоқа оварда натавонистаанд, магар барои гузоштани чанд қуттии партов ҳам зӯрашон намерасида бошад?
Фурӯшандаҳо аз тангии дохили бозор ё барор гирифтани савдои кӯчагӣ қариб то роҳи мошингузар хайма задаанд. Ҳайрон мемонӣ, ки ин ҷо роҳ аст ё растаи савдогарон. Аробаҳои пур аз харбузаву тарбуз, либосҳои рӯи хок паҳнкарда, сатилҳои бесарпӯши чаккаю маскаи зери офтоби сӯзону чангу хок гузошта, онсӯтар меваю сабзавот, кулчақанду шириниҳо, пойафзолу ашёи рӯзгор паҳну парешонанд. Ками дигар, ки рафтед, назди нуқтаҳои обнӯшию «тезтайёр» мардуми зиёдеро банди нӯшу хӯр мебинед, ки роҳи бе ин ҳам тангро касногузар кардаанд. Аз байни ин издиҳом бо илоҷе гузашта, ба даромадгоҳи бозор расидам. Танҳо даромадгоҳи бозор, ки чун бозорҳои дигар шаҳру навоҳӣ серодам буд, нишонаи ободӣ дошт. Растаҳо - бонизом. Қисме аз фурӯшандаҳо либоси махсуси корӣ ба бар кардаанд. Нархи маҳсулот ҳам нисбатан арзон. Вале чун дарунтар рафтед, ҳолати растаҳои дигарро аз берун ҳам ногувортар дармеёбед. Вазъи санитарӣ чунон бад аст, ки ҳоҷат ба сухан надорад. Фақат як мисол. Равғани рустанӣ, тибқи қоида, бояд дур аз шуои офтоб дар ҳарорати на беш аз 20 дараҷаи гармӣ нигоҳ дошта шавад, аммо дар ин ҷо зери офтоби сӯзон қариб ба ҷӯшидан моил буд.
Вазъи ногувори нуқтаҳои хӯроки умумӣ, ки гӯё даҳсолаҳо рӯи таъмирро надидаанду зарфҳояш ҳам аз аҳди дақёнусанд, на танҳо мижаи соҳибмулкон, балки кормандони ҳифзи бехатарии  маҳсулоти  хӯроквориро  хам  нахӯрондааст.  Охир, чӣ ҷойи ташвиш? Гарчанде ҳамасола бозор чандин бор аз «санҷиш» - ҳои санитарию назорати мақомоти иҷроияи маҳаллии ҳокимияти давлатӣ мегузарад, боз нуқтаҳо фаъоланд – ку. Ва аз ҳама муҳимаш, касе тағораҳои каллаю почаи тозакардаю, ҳамзамон, аз таъсири гармиву чангу хок рангбохтаро намебинад. Гӯр сӯзаду дег ҷӯшад! Гӯшти мурғро савдогарони «ғамхор» аз яхдонҳо берун ба савдо гузоштаанд (ба ҳар ҳол гӯшт, ки дар гармӣ истод, «пухтанаш осон мешавад»). Боз мо аз бетартибии берун гила дорем.
Тамоми бозорро гаштаму як қуттии партов наёфтам. Ба гуфтаи як масъул, чанде пеш 18 қуттӣ гузошта будаанду фурӯшандаҳо меваҳои пӯсидаро ба он андохта, қуттиҳои деринтизорро пӯсондаанд. Далели аҷиб!!!
Аз бетартибию нобасомонии дохилу беруни бозор  пурсидему чун одати маъмулӣ коса ба сари деҳқон шикаст.
«Аксари инҳо деҳқонанд ва барои дар беруни бозор банд кардани ҷой ҳатто иҷорапулӣ намедиҳанд. Аммо ба дохили бозор низ даромадан намехоҳанд», - шиква кард менеҷери бозор Ҳабиб Юсуфов. Лекин растаеро, ки барои деҳқон ташкил шуда бошад, дар бозор ҳеҷ вонахӯрдам.
Ва ҳамаи ин нуқсонҳо ҳанӯз «аз нӯги хамир фатир» - анд. Роҳбарону масъулони ноҳия дар ин бора чӣ мегуфта бошанд?  

Меҳрангез ҚОДИРОВА,  «Ҷумҳурият»


Баёни ақида (0)    Санаи нашр: 30.10.2019    №: 204    Мутолиа карданд: 1087

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед