logo

фарҳанг

НОҲИЯИ АЙНӢ. ҶУМҲУРИЯТ" БА НАЗДИ ХАЛҚ РАФТ

Вохӯрии кормандони рӯзномаи “Ҷумҳурият” бо хонандагони худ, ки дар маркази ноҳияи Айнӣ бо шукӯҳу шаҳомати хос баргузор гашт, ба тантанаи сухан табдил ёфт. Ҳанӯз пеш аз оғози чорабинӣ дар толор ҷойи холӣ намонд. Ба ҳам омадани доираи васеи илмию адабӣ, аҳли зиёву рӯзноманигорон ва сокинони фарҳангпарвари ноҳия шаҳодати он буд, ки мардум посдори сухану ташнаи каломи нобанд.

Нахуст раиси ноҳия Муқим Муродзода иштирокчиёнро хайрамақдам гуфта, аз рисолати таърихии рӯзномаи “Ҷумҳурият” ёдовар шуд:
- Нахустшумораи «Ҷумҳурият» - и кунунӣ 15 - уми марти соли 1925 бо номи хушсадову умедбахши «Иди тоҷик» дар Душанбе ба табъ расида, воқеан ҳам барои ҷумҳурии тозатаъсиси Тоҷикистон ва миллати мутамаддини тоҷик рӯйдоди муҳими таърихӣ ба шумор мерафт. Мақсаду мароми рӯзнома аз шумораи дувум, ки ба худ номи «Бедории тоҷик» - ро гирифт, мушаххасу равшантар гашт. Дар он солҳо, ҳақиқатан ҳам, миллат ба бедории сиёсӣ ва худшиносии миллӣ ниёз дошт ва рӯзномаи «Бедории тоҷик» бо дарки масъулият ин рисолати бузургро бар дӯш гирифт. Гарчанде вобаста ба шароити давру замон рӯзнома чандин маротиба тағйири ҳуруфу ном кард, мавқеъву ҳадафаш дигар нашуд ва пуштибони манфиатҳои миллӣ боқӣ монд.
Ба таъкиди Шоири халқии Тоҷикистон Камол Насрулло “Ҷумҳурият” аз замони таъсисёбӣ тарғибкунандаи ғояҳои пешқадам буду ҳаст. Ғайр аз ин, он мактаби бузургест, ки дар камолоти маънавии бузургоне чун устод Садриддин Айниву аллома Бобоҷон Ғафуров, Мирзо Турсунзодаю Боқӣ Раҳимзода ва садҳо нафар нухбагони илму адаби кишвар нақши бориз дорад. “Ҷумҳурият” аз рӯзномаҳои маҳбуби халқ аст, ки ормонҳои мардумро дар саҳифаҳояш инъикос намудааст. Тайи солҳои охир ташкили озмунҳову  баргузории чунин чорабиниҳо рӯзномаро бо мардум боз ҳам наздиктар намуданд. Ба ибораи дигар гӯем, рӯзнома ба назди халқ рафт, ки дар иҷрои ин амр аҳли эҷоди он муваффақ гаштанд.
Профессор Мурод Муродӣ ба бартарияту афзалияти рӯзномаи “Ҷумҳурият” дар низоми матбуоти имрӯзаи кишвар ишора карда, инро ба  мундариҷаю ороиш, тарзи таҳияву гуногунжанрии мавод ва қобилияти нигорандагии журналистонаш нисбат дод: “Худ таъсиси саҳифаи “Шоми шанбе” дар журналистикаи мо падидаи нав аст. Матолиби он на танҳо инъикоскунандаи ҳаёти дохилианд, балки рӯйдодҳои аҳамияти башаридоштаро низ фаро мегиранд. Зеро дар маркази таваҷҷуҳ мақоми инсон меистад, на халқияту миллат. Бо боварии комил гуфта метавонам, ки матолиби ин саҳифа дар тарбияи зебоипарастӣ, бедории маънавӣ, шинохт ва ҷаҳонбинии хонандаи тоҷик нақши муҳим мебозад. Гуногунжанрии мавод низ саҳифаро ҷолиб гардондааст.  Ғайр аз ин, рӯзнома бо ташкили бозиҳои ҷолиб тавонист, робитаашро бо муштариён боз ҳам қавитар гардонад, ки таъсиси рубрикаи “Интеллект” далели гуфтаҳост”.
Мавриди зикр аст, ки тайи 2 соли охир дар рубрикаи “Интеллект” зиёда аз 1000 муаммо бо дарназардошти бозиҳои шавқовари математикӣ, кроссворду чайнворди шахсиятҳои шинохтаи соҳаҳои гуногун, кӯлу дарёҳо ва шаҳру деҳоти Тоҷикистон нашр шуданд. Он дар муддати кӯтоҳ ҳаводорони зиёд пайдо карда, ба яке аз рубрикаҳои ҷолиби саҳифаи “Шоми шанбе” табдил ёфт. Садҳо нафар хонанда дар он фаъолона иштирок намуданд, ки ғолибон охири ҳар моҳ муайян шуда, бо мукофоти пулӣ қадр шуданд.
Ахиран, “Ҷумҳурият” якҷо бо мақомоти иҷроияи маҳаллии ҳокимияти давлатии ноҳияи Айнӣ тасмим гирифт иштирокчиёни фаъолро қадр кунад. Ҳайати доварон баъд аз омӯзиш яке аз иштирокчиёни фаъол Абдукабир Зубайдуллоевро ғолиб донистанд. Ба мақоми дуюму сеюм Субҳия Шоева ва Туҳфа Туйғунова мушарраф гардиданд.
Иштирокчии фаъоли дигар Сомон Ниёзов бо ҷоизаи махсус сарфароз шуда, Зокир Зокиров, Имомиддин Зуҳуров, Қобилҷон Одинаев, Маҳкамбой Ҷумъаев бо ифтихорномаҳо ва мукофоти пулӣ қадр гардиданд. Шоҳҷоиза насиби фаъолтарин иштирокчии рубрика Суруш Ғаффоров  шуд.
Ғолибон, аз ҷумла Суруш Ғаффоров, бо изҳори сипос аз барпокунандагони чорабинӣ иброз дошт:
- 2 сол мешавад, ки пайваста дар ёфтани муаммоҳо ширкат меварзам ва чандин маротиба ғолиб ҳам омадам. Аммо ҳадаф танҳо ғолиб омадану соҳиби мукофот гаштан нест, балки баланд бардоштани савияи дониши худ мебошад. Бо ин роҳ, шавқи мо – ҷавонон ба хондану омӯхтан низ бештар мегардад.
Ғолиби дигари рубрика Абдукабир Зубайдуллоев дар тақвияти фикрҳои боло иброз дошт:
“Ман яке аз хонандагони доимии рӯзномаи “Ҷумҳурият” ҳастам. Бахусус, саҳифаи “Шоми шанбе” - ро бесаброна интизорӣ мекашам. Ду сол пеш ба дастам шуморае расид, ки дар ин саҳифа рубрикаи “Интеллект” ҷой дода шуда буд. Ман дӯстдори чунин бозиҳоям, беихтиёр қаламу қоғаз ба даст гирифтаму ба ҳаллашон пардохтам. Ҳамкории мо бо идораи рӯзнома оғоз шуд. Баъдан аз редаксия занг зада гуфтанд, ки пирӯз омадааму бояд мукофотпулиамро гирам. Ҳамин тариқ, муаммоҳои ҷолиби “Интеллект” маро чунон ба чанги худ гирифтанд, ки дигар ҳеҷ аз онҳо раҳо шуда натавонистам. Дар ҳалли онҳо, ки донишу зиракиро талаб мекунанд,  ба сарчашмаҳои гуногун рӯй оварда, на танҳо муаммоҳалкун, балки тартибдиҳандаи он шудам. Ин иқдом шахсан барои ман хеле ҷолиби диққат аст. Ин гуна гӯшаҳо, барҳақ, пуле миёни мо - хонандагон ва нашрияи дӯстдоштаамон аст”.

Меҳрангез ҚОДИРОВА, “Ҷумҳурият”


Баёни ақида (0)    Санаи нашр: 05.11.2019    №: 208    Мутолиа карданд: 559

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист


Дар сомонаҳои дигари Тоҷикистон хонед