logo

иқтисод

САНОАТИ САБУК. ҲАМҚАДАМИ ЗАМОН БОЯД БУД!

Аз қабули Барномаи рушди саноати сабук дар Ҷумҳурии Тоҷикистон барои давраи то соли 2022 муддати зиёд нагузашта бошад ҳам, аллакай дар ин соҳа натиҷаҳои назаррас ба бор омадаанд. Ҳамин аст, ки тайи нуҳ моҳи соли равон ҳиссаи саноати сабук дар якҷоягӣ бо корхонаҳои пахтатозакунӣ дар маҷмӯи маҳсулоти саноатии кишвар 7,1 дарсадро ташкил дод. Корхонаҳои соҳа дар ин давра беш аз 950 миллион сомонӣ маҳсулот истеҳсол кардаанд, ки ин дар қиёс ба ҳамин давраи соли гузашта 140,4 миллион сомонӣ ё 17,3 дарсад зиёд аст.
Роҳандозии барномаи давлатӣ дар доираи ҳадафи чоруми миллӣ эълон шудани саноатикунонии босуръат иқдоми саривақтист. Ин тарҳи навэҷод аз 29 марти соли 2019 бо Қарори Ҳукумати Ҷумҳурии Тоҷикистон қабул шуда,  ба таъмини коркарди пурраи ашёи хом, махсусан нахи пахта, пӯст, пашм,  истеҳсоли маҳсулоти воридотивазкунанда ва ба содирот нигарондашуда, равона гардидааст.  Дар давраи ҳисоботӣ аз ҷониби корхонаҳои соҳа 16114 тонна риштаи пахтагин истеҳсол шуд, ки назар ба ҳамин давраи соли сипаришуда 1709 тонна зиёд мебошад.
Дар коргоҳҳои бофандагӣ 7852 ҳазор метри мураббаъ матоъҳои пахтагин истеҳсол гардида, коркарди пӯсти чорво қариб ба 44 ҳазор  дона расид. Давоми моҳҳои январ – сентябр либоси мактабӣ назар ба ҳамин давраи соли гузашта 116645 дона зиёд (974183 дона) истеҳсол карда шуд. Аз ҷониби корхонаҳои ҷуроббофии кишвар тавлиди ҷуробҳои гуногун 12 ҳазор ҷуфт афзуда, ба 3956 ҳазор ҷуфт баробар гардид. Истеҳсоли қолинҳо дар ин давра ба 3091 ҳазор метри мураббаъ расид.
Дар доираи барномаи давлатӣ дар соҳаи саноати сабук як қатор корхонаҳои пуриқтидор бо дастгирии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ифтитоҳ ёфтанд.
Аз ҷумла, моҳи май дар ноҳияи Данғара  корхонаи «Файзи Карим» дар самти истеҳсоли ҷуроб бо таҷҳизоти муосир ба фаъолият пардохт, ки дар он зиёда аз 50 ҷойи кор муҳайё гардид. Давоми моҳҳои январ - сентябри соли равон аз ҷониби корхонаи мазкур 6 ҳазор ҷуфт ҷуробҳои гуногун ва 18 ҳазор ҷуфт либоси таҳпӯш истеҳсол шуд.
Корхонаи «Органик Ян», воқеъ дар ноҳияи Ҷаббор Расулов дар масоҳати 2 гектар бунёд ёфта, 100 ҷойи кориро дар бар мегирад. Корхона охири моҳи август ба фаъолият оғоз намуд, ки ҳаҷми умумии сармояи он 70 миллион сомониро ташкил дод. Иқтидори корхона коркарди 5000 тонна нахи пахта дар як сол буда, риштаи пахтагинро аз  Ne16 то Ne 42 истеҳсол менамояд.
Ҳамчунин, 17 сентябр Сарвари давлат дар ноҳияи Шоҳмансур барои бунёди корхонаи қолинбофии «Қолинҳои Душанбе» санги асос гузоштанд. Иқтидори корхонаи мазкур дар як сол истеҳсоли 1,5 миллион метри мураббаъ қолин буда, дастгоҳҳо аз ширкати «Ван - де Вил» - и Белгия ворид хоҳад шуд.

Шаҳбоз АБРОР, «Ҷумҳурият»


Баёни ақида (0)    Санаи нашр: 08.11.2019    №: 210    Мутолиа карданд: 857
06.04.2020


ЧЕМПИОНАТИ ТОҶИКИСТОН – 2020. ДАСТАИ «ХАТЛОН» ОНРО БО ПИРӮЗӢ ОҒОЗ КАРД

ВМКБ. ЯК ҲАМОИШИ МУҲИМ

НУРОБОД. АЗ «ЧАКОМАИ ГЕСУ» ТО “ЗАН ВА ТОЗАГӢ”

03.04.2020


ВАРЗОБ. ТАВАҶҶУҲ БА ВАРЗИШ МЕАФЗОЯД

«ЮВЕНТУС» РОНАЛДУРО БА 70 МИЛЛИОН ЕВРО ФУРӮХТАНИСТ

ТЕЪДОДИ АШХОСИ АЗ КОРОНАВИРУС ШИФОЁФТА АЗ 200 ҲАЗОР НАФАР ГУЗАШТ

ТОҶИКИСТОН БА ИСТЕҲСОЛИ НИҚОБИ ТИББӢ ВА ЛИБОСИ МАХСУС ШУРӮЪ НАМУД

СУТ: «БЕШ АЗ 95 ДАРСАДИ ҚУРБОНИЁНИ COVID-19 ДАР АВРУПО АШХОСИ КАЛОНСОЛАНД»

ПУТИН ТО ОХИРИ АПРЕЛ ИСТИРОҲАТ ЭЪЛОН КАРД

ДАР ЭРОН БЕШ АЗ 15 ҲАЗОР МУБТАЛОИ КОРОНАВИРУС СИҲАТ ШУД

Ҷаҳон дар як сатр

02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД

ТОКИО. САНАИ БАРГУЗОРИИ БОЗИҲОИ ОЛИМПӢ МАЪЛУМ ШУД

ТАНТАНАҲОИ НАВРӮЗӢ ДАР ЛАХШ

ҲИФЗИ МУҲИТИ ЗИСТ. ИҶРОИ БАРНОМА МУҲОКИМА ГАРДИД

СУТ: 165 ҲАЗОР БЕМОРИ COVID-19 ШИФО ЁФТ

ЧИН БАРОИ ПЕШГИРӢ АЗ КОРОНАВИРУС БА ТОҶИКИСТОН АФЗОРИ ЗАРУРӢ ФИРИСТОД

ДАР УХАН БЕШ АЗ 60 БЕМОРХОНА БА НИЗОМИ МУҚАРРАРИИ ФАЪОЛИЯТ БАРГАШТ

ТАБИБОНИ ОЛМОНӢ 16 ҲАЗОР БЕМОРРО АЗ КОРОНАВИРУС НАҶОТ ДОДАНД

ПУТИН ВА ТРАМП НАРХИ КУНУНИИ НАФТРО БА МАНФИАТИ ДУ КИШВАР СОЗГОР НАМЕШУМОРАНД

ДАР ТУРКМАНИСТОН ИСТИФОДАИ КАЛИМАИ КОРОНАВИРУС МАНЪ ГАШТ

Ҷаҳон дар як сатр


Дар сомонаҳои дигари Тоҷикистон хонед