logo

ҳуқуқ

МИЛИТСИЯ - ҲОМИИ БОЭЪТИМОДИ ХАЛҚУ ВАТАН

Кормандони милитсияи тоҷик дар даврони истиқлолият аз имтиҳони вазнини таърих гузашта, хусусан дар айёми сахту сангини ибтидои солҳои 90 - уми асри сипаришуда, вазифаҳои ба уҳдаи онҳо гузошташударо бошарафона иҷро карданд ва якҷо бо ҷузъу томҳои дигар мақомоти ҳифзи ҳуқуқ ва сохторҳои низомӣ барои барқарорсозии сохти конститутсионӣ, таъмини волоияти қонун, сулҳу оромӣ, суботи сиёсӣ ва тартиботи ҷамъиятӣ саҳми басо арзишманд гузоштанд.
Эмомалӣ РАҲМОН

Ҷумҳурии Тоҷикистон ба шарофати Истиқлолияти давлатӣ сол ба сол ободу пешрафта гардида, ҳоло дар шоҳроҳи тараққиёт қарор дорад ва дар ҳамаи самтҳову соҳаҳо навгонию дастовардҳои қобили мулоҳиза ба чашм мерасанд. Вазорати корҳои дохилии Ҷумҳурии Тоҷикистон низ, ҳамчун сохтори калидии давлат дар давраи соҳибистиқлолии кишвар рушду такомул ёфта, ба натиҷаҳои баланди сохторию хизматӣ ноил гаштааст. Мусаллам аст, ки таҳкими фаъолият, бунёди инфрасохтор ва иқтидори баланд касб кардани мақомоти корҳои дохилӣ таҳти раҳнамоӣ ва ғамхориҳои пайвастаи Президенти маҳбуби кишвар имконпазир гардид. Дар ин замина Вазорати корҳои дохилӣ ба яке  аз сохторҳои муҳими давлатӣ табдил ёфта, дорои базаи мустаҳками кадрӣ, таҷҳизоту воситаҳои муосири техникӣ, бинову иншооти замонавӣ ва кормандони аз лиҳози донишу малакаи касбӣ, пешрафта гардид. Ҳоло мақомоти корҳои дохилӣ ба як ниҳоди боэътимод, кафили амнияти дохилии  кишвар ва фаъолтарин сохтори қудратии давлат ба шумор меравад. Он дар муқовиматҳои шадиди ҷанги шаҳрвандӣ ва муборизаҳои пай дар пай ба муқобили гурӯҳҳои мусаллаҳи ҷиноятпеша, террористон, қочоқчиёни маводи мухаддир ва яроқу аслиҳа обу тоб ёфта, таҷрибаи баланди касбӣ пайдо кард.
Дастгириву ғамхориҳои пайвастаи Сарвари давлат ҷиҳати беҳтар намудани шароити хизматрасонӣ ва дастгирии моддиву маънавии ҳайати шахсӣ ҳар як фарди бонангу номус ва содиқ ба Ватанро водор месозад, ки дар иҷрои вазифаҳои хизматии хеш боз ҳам ҷиддитару бомасъулият рафтору муносибат намояд. Зеро дар давоми солҳои охир даҳҳо иншооту биноҳои маъмурии сохторҳои вазорат дар шаҳру ноҳияҳои мамлакат сохта, мавриди истифода қарор дода шуданд. 
Бо мақсади таъмини кадрҳои соҳавӣ ва иқтидори тахассусии вазорат дар пойтахти мамлакат шаҳри Душанбе бинои нави Академияи Вазорати корҳои дохилӣ бо санъати баланди меъморӣ сохта ба истифода дода шуд, ки ҳоло дар он на танҳо кормандони мақомоти корҳои дохилӣ, балки намояндагони дигар мақомоти ҳифзи ҳуқуқ ва сохторҳои низомии ҷумҳурӣ низ таҳсил менамоянд.
Дар баробари бунёди бинову иншооти нав ҳар сол баҳри беҳбуди шароити хизматии кормандони мақомоти корҳои дохилӣ шумораи зиёди такягоҳ ва марказҳои хизматрасонии милитсия дар пойтахт ва шаҳру ноҳияҳои ҷумҳурӣ таъмиру навсозӣ мешаванд, ки соли ҷорӣ низ чунин корҳо идома пайдо карданд.
Табиист, ки кормандони мақомоти корҳои дохилӣ дар баробари ҳифзи тартиботи ҷаъмиятӣ ва пешгирии ҷинояту ҷинояткорӣ, ҳамзамон, дар бунёду ободкории кишвар саҳми назаррас доранд. Бо ташаббуси роҳбарияти ВКД дар ҳудуди шаҳри Душанбе чанд майдончаи варзиш бунёд гардида, мавриди истифодаи сокинони пойтахт қарор гирифт. Ҳамчунин, дар шаҳри Кӯлоб ва ноҳияи Ховалинги вилояти Хатлон як қатор бинову иншооти маишиву хизматӣ бунёд ва навсозӣ шуданд, ки дар он  кормандони ВКД саҳми арзанда доранд.
Ёдовар мешавем, ки баҳри амалигардонии ислоҳот дар сохтори мақомоти корҳои дохилӣ Фармони Президенти Ҷумҳурии Тоҷикистон “Дар бораи Стратегияи ислоҳоти милитсия барои солҳои 2013 - 2020” амал менамояд. Дар ин замина Қарори Ҳукумати Ҷумҳурии Тоҷикистон “Дар бораи тасдиқи барномаи ислоҳоти милитсия ва нақшаи чорабиниҳо оид ба татбиқи он” низ тасдиқ гардидааст. Дар самти татбиқи фармон ва барномаи мазкур дар вазорат як қатор корҳо ба сомон расонда шуданд. Аз ҷумла, шӯроҳои ҷаъмиятӣ оид ба ислоҳоти милитсия дар назди ҳамаи раёсату шуъбаҳои вазорат фаъолият менамоянд. Дар доираи ислоҳоти милитсия шӯроҳои ҷаъмиятӣ дар якҷоягӣ бо кормандони милитсия бо шаҳрвандон суҳбату вохӯриҳо доир менамоянд.
Ҳамзамон, дар доираи ислоҳоти милитсия дар Вазорати корҳои дохилӣ низоми нави видеоконференсия ба роҳ монда шуд. Минбаъд бо ин низом раёсатҳо ва дигар ҷузъу томҳои мақомоти корҳои дохилӣ ба таври онлайн дар ҷаласаҳои селекторӣ ва дигар чорабиниҳои фарҳангӣ иштирок намуда, дастуру супоришҳои роҳбарияти вазоратро қабул менамоянд. Вохӯрии роҳбарияти вазорат бо ҷавонон ва шӯроҳои ҷамъиятӣ оид ба ислоҳоти милитсия, ки дар шакли видеоконференсия ба роҳ монда шудааст, натиҷаҳои судманде дар пай дорад. Бартарии дигар дар он аст, ки бо гузаштан ба низоми нави видеоконференсия ҳайати шахсӣ ва роҳбарикунандаи ҷузъу томҳои Вазорати корҳои дохилӣ метавонанд дар раёсатҳои худ бо толори маҷлисии вазорат пайваст гардида, дар ҷаласаҳо иштирок намоянд.     
Афзудани эътимоду боварии мардум ба кормандони мақомоти корҳои дохилӣ ва робитаи бештари онҳо бо милитсия аз он шаҳодат медиҳад, ки шаҳрвандон дар симои кормандони милитсия ҳимоятгари ҳуқуқу озодӣ, моликият ва суботу оромиро дар ҷомеа дида, ҳамкории худро бештару беҳтар менамоянд. Ин дар ҳолест, ки ҳадаф аз татбиқи ислоҳоти милитсия ин ҳамкории боз ҳам наздик бо аҳолӣ, афзудани эътимоду боварии халқ ба ин ниҳоди калидӣ, таъмини шаффофият дар кору фаъолият ва муборизаи дастаҷамъона бо ҷинояткорӣ мебошад.
Роҳбарият ва кормандони мақомоти корҳои дохилӣ дар навбати худ талош менамоянд, ки дар заминаи эътимод ва боварии роҳбарияти давлату Ҳукумати ҷумҳурӣ ба ин ниҳоди қудратӣ рисолати касбӣ ва уҳдадориҳои худро дар назди халқу Ватан содиқона иҷро намуда, дар таъмини сулҳу субот, оромии ҷомеа ва пешгирии ҷинояту ҷинояткорӣ саҳми арзандаи хешро гузоранд.

Икром УМАРЗОДА, муовини вазири корҳои дохилӣ, генерал - майори милитсия


Баёни ақида (0)    Санаи нашр: 11.11.2019    №: 211    Мутолиа карданд: 602
25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд


Дар сомонаҳои дигари Тоҷикистон хонед