logo

ҳуқуқ

ҶИНОЯТ ва ҶАЗО

ОДАМКУШӢ
Ҷинояткор пушти панҷара рафт
Як сокини ноҳияи Мир Сайид Алии Ҳамадонӣ бо ҷурми қатли ҳамсараш пушти панҷара рафт. Ӯро суди ноҳияи Восеъ дар содир намудани ҷинояти одамкушӣ муҷрим дониста, 11 солу 6 моҳ аз озодӣ маҳрум кард.
Дар ин бора дафтари матбуоти Прокуратураи генералӣ хабар дод. Ба иттилои манбаъ, Фаррух Халифаев, сокини ноҳияи Мир Сайид Алии Ҳамадонӣ, ҳамсараш Арӯс Разоқоваро бо зарби корд ба ҳалокат расондааст. Баъдан, номбурда ба ШВКД - и ҳамин ноҳия омада, ба гуноҳи худ оид ба содир намудани ҷинояти махсусан вазнин иқрор шудааст.
Мақомоти ҳифзи ҳуқуқ нисбат ба ин амали ҷинояткорона бо моддаи 104 қисми 1 Кодекси ҷиноятии Ҷумҳурии Тоҷикистон баҳои ҳуқуқӣ дода, бар асоси ҳукми суд Фаррух Халифаев муҳлати адои ҷазои худро дар колонияи дорои низомаш сахт сипарӣ хоҳад кард.

ПОРА
Боздошти судя бо ҷурми ришваситонӣ
Чанде қабл Агентии назорати давлатии молиявӣ ва мубориза бо коррупсияи Ҷумҳурии Тоҷикистон судяи суди ноҳияи Сино Рухшона Раҳмонализодаро бо ҷурми порагирӣ дастгир ва нисбаташ парвандаи ҷиноятӣ боз намуд.
Тавре дафтари матбуоти агентӣ дар ин бора хабар дод: «17 октябри соли 2019 шаҳрванд “А” ба Агентии назорати давлатии молиявӣ ва мубориза бо коррупсия бо ариза муроҷиат намуд, ки нисбат ба судяи суди ноҳияи Сино Раҳмонализода Рухшона Раҳмоналӣ чораҳои қонунӣ андешида шавад. Чунки номбурда барои ба манфиати ӯ ҳал намудани баҳси гражданӣ аз рӯи даъвои шаҳрванд “Б” вобаста ба манзили истиқоматӣ, 13 марти соли 2019 - ум 2000 доллари ИМА талаб карда гирифт ва айни замон боз 2000 доллари дигарро талаб намуда истодааст».
Дар ҳамин асос нисбат ба Р. Раҳамонализода бо моддаи 247 қисми 3 банди “а” – и Кодекси ҷиноятӣ (қаллобӣ ба миқдори калон) парвандаи ҷиноятӣ оғоз шуда, судя баъд аз гирифтани 2000 доллари амрикоии дигар дастгир гардид.  
Айни замон тафтиши пешакии парвандаи ҷиноятӣ нисбат ба Р. Раҳмонализода идома дорад.

АСЪОРИ ХОРИҶӢ
Ҷавобгарӣ барои муомилоти ғайриқонунӣ
Бо ҳукми суди шаҳри Бохтар шаҳрванд Давлаталӣ Шарифов барои даст задан ба муомилоти ғайриқонунии асъори хориҷӣ ҷарима шуд. Суд ӯро дар нақзи моддаи 286 (додугирифти ғайриқонунӣ бо асъори хориҷӣ) қисми 2 Кодекси ҷиноятии Ҷумҳурии Тоҷикистон гунаҳкор донист.
Бино ба иттилои маркази матбуоти Прокуратураи генералӣ, Давлаталӣ Шарифов, дар ҳоле аз сӯи прокуратураи шаҳри Бохтар ба ҷавобгарии ҷиноятӣ кашида шуд, ки дар бозори Ҷамъияти дорои масъулияти маҳдуди “Фаровон - Қӯрғонтеппа” - и шаҳри Бохтар ба харидуфурӯши ғайриқонунии асъори хориҷӣ машғул буд.
Ин дар ҳолест, ки қисми 2 моддаи 286 Кодекси ҷиноятӣ (муомилоти ғайриқонунӣ бо асъори хориҷӣ бо роҳи харидан, фурӯш, иваз ё истифодаи он ба сифати дигар воситаҳои пардохт, агар арзиши ашёи муомилот ё амалиёти ғайриқонунӣ аз панҷсад маоши ҳадди ақал зиёд бошад) ҷазо дар намуди ҷарима аз ҳафтсаду сӣ то як ҳазору наваду панҷ нишондиҳанда барои ҳисобҳо ё маҳрум сохтан аз озодӣ ба  муҳлати аз чор то шаш солро пешбинӣ менамояд.

Шуъбаи ҳуқуқи рӯзномаи «Ҷумҳурият»


Баёни ақида (0)    Санаи нашр: 13.11.2019    №: 213    Мутолиа карданд: 563

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД


Дар сомонаҳои дигари Тоҷикистон хонед