logo

ҳуқуқ

МИЛИТСИЯ - ҲОМИИ БОЭЪТИМОД

Асосгузори сулҳу ваҳдати миллӣ – Пешвои миллат,  Президенти Ҷумҳурии Тоҷикистон, муҳтарам Эмомалӣ Раҳмон дар баромадҳояшон борҳо таъкид кардаанд: «Мақомоти корҳои дохилӣ дар ҳифзи тартиботи ҷамъиятӣ, таъмини амнияти ҷомеа ва таҳкими оромиву суботи кишвар нақш ва мавқеи хоса дорад».
Албатта, чунин нақш ва эҳтироми милитсия безаҳмату талош ва муборизаву ҷонбозиҳо ба даст наомадааст. Мақомоти милитсия аз рӯзи таъсисёбиаш пайваста барои пойдории давлату миллат, ҳифзи тартиботи ҷамъиятӣ, оромии ҷомеа, ҳифзи ҳуқуқу озодиҳои шаҳрвандон, мубориза бар зидди ҷинояткорӣ, аз ҷумла терроризму экстремизм ва таъмини волоияти қонун, тамоми ҳастии худро сафарбар намудааст. Ҳамин ҷонбозиву муборизаҳо, садоқату матонат буд, ки Пешвои муаззами миллат милитсияро ҳомии боэътимоди Ватан номиданд.
Ҳар як фарди худогоҳ аз таърих медонад, ки ниёгони мо тӯли асрҳо орзуи давлати миллӣ ва озодро доштанд. Хушбахтона, соли 1991 ин неъмат ба мо насиб гардид. Аммо солҳои аввали Истиқлолияти давлатӣ барои мардуми кишварамон мушкилиҳои зиёде пеш омад. Душманони миллати мо ҳеҷ гоҳ ҷонибдори соҳибихтиёрии миллати соҳибтамаддуни тоҷик ва давлатдории онҳо набуданд. Ҳамин буд, ки бо истифода аз ноогоҳӣ ва қудратхоҳии бархе аз сокинони кишвар Тоҷикистонро ба обу оташ кашиданд. Кор ба ҷое расид, ки ҷанги шаҳрвандӣ аланга зад ва мардум ба машаққатҳои зиёди сангине рӯ ба рӯ шуданд.
Ин як фоҷиаи талхи таърихие буд, барои мақомоти милитсияи тоҷик имтиҳони ҷиддӣ гардид. Зеро дар чунин вазъ ҳар як корманди милитсияро зарур буд, ки бо садоқату шуҷоатмандӣ рисолати касбии худро иҷро намояд. Гузашта аз ин, дар ҳамон замон мақому мартабаи милитсия кам нагардида, балки масъулияти бештаре ба дӯшаш афтод. Бо дарки ин масъулият кормандони мақомоти корҳои дохилӣ дар давраи печидагиҳои сиёсию иҷтимоӣ дар сафи пеши мубориза бо қонуншиканӣ ва ҷинояткорӣ қарор гирифтанд. Маҳз саъю талошҳои пайваста ва ҳамкории судманди онҳо бо дигар мақомоти ҳифзи ҳуқуқ буд, ки фазои оромиву осудагӣ, дар ҷумҳурӣ таъмин гардид ва садҳо ҷинояткор ошкору ба ҷавобгарӣ кашида шуданд.
Воқеан, дар сафи пеши мубориза бо  ҷинояткорон, ки ҳаёти осоиштаи сокинони мамлакатро халалдор намуда, ҳуқуқ ва озодиҳои инсонро поймол мекарданд, қарор доштани мақомоти милитсияи тоҷик бо гузашти солҳо возеҳтар шуд. Мо хотираи он ҷавонмардони диловареро, ки дар рӯзҳои пурдаҳшат ба хотири таъмини оромии ҷомеа мардонавор мубориза бурда, дар ин роҳ ҷони азизи хешро аз даст додаанд, ҳеҷ гоҳ фаромӯш нахоҳем кард.
Дар ҷангҳои таҳмилӣ бештар манотиқи ҷанубии кишвар зарар диданд. Аз ҷумла, дар Раштонзамин муддати зиёд хунрезиҳо идома ёфтанд ва дар ин набардҳо кормандони милитсия қаҳрамониҳо нишон доданд. Милитсионерону сарбозони дигар шаҳру навоҳии кишвар низ ба ёрии мо омада буданд. Дар солҳои ҷанги шаҳрвандӣ, онҳо муҳофизи асосии шаҳрвандон ва сохтори конститутсионӣ маҳсуб меёфтанд ва баҳри осоиштагии имрӯзаи кишвар 83 нафар корманди милитсияи навоҳии минтақаи Рашт ба шаҳодат расид. Бовар дорам, ки насли имрӯз ва ояндаи кишвар корнома ва қаҳрамонии кормандони милитсияро, ки ба хотири наҷоти миллат ва давлати ҷавони тоҷикон ҷони худро фидо карданд, фаромӯш нахоҳанд кард.
Кормандони раёсати Вазорати корҳои дохилӣ дар минтақа ва ноҳияи Рашт имрӯз ҳам пайи он талош менамоянд, ки сифати корро дар самтҳои гуногун хубтар ба роҳ монанд. Вохӯриҳои пайваста бо мардум ва дуруст ба роҳ мондани корҳои фаҳмондадиҳӣ дар ҳамкори бо дигар мақомоти қудратӣ боис гардид,  ки сокинони минтақа маънавиёти хешро баланд бардошта,  дар рӯҳияи ватандӯстиву худшиносӣ тарбия ёбанд. Боиси хурсандист, ки тайи ду соли охир аз ин минтақа ҷавонон ба сафи гурӯҳҳои террористӣ напайваста,  шумораи зиёди гумроҳшудагон бо изҳори пушаймонӣ ба Ватан баргаштанд ва ба зиндагии осуда машғуланд.
Итминони комил дорам, ки айни ҳол обрӯ ва эътибори кормандони милитсия дар минтақа ва ноҳияи Рашт боло рафтааст, ки ҳамаи ин дар натиҷаи заҳмати содиқона ба халқу Ватан ба даст омадааст.  Аз ҳама муҳим ҳамин аст, ки сокинони маҳал ба милитсия бовар доранд ва дар лаҳзаҳои душвор барои кумак муроҷиат менамоянд. Яъне онҳо бовар доранд,  ки муҳофизу маслиҳатгар ва ҳомии онҳо милитсия аст. Дар навбати худ,  кормандони мақомоти милитсия дар Раштонзамин кӯшиш менамоянд, ки тамоми дониш, маҳорат ва қобилияти хешро барои хизмати софдилона ба халқу Ватан, оромию низоми ҷомеа сарф намоянд.

Сафиалло АЗИЗУЛЛОЗОДА, сардори раёсати ВКД дар минтақа ва ноҳияи Рашт,
генерал - майори милитсия


Баёни ақида (0)    Санаи нашр: 14.11.2019    №: 214    Мутолиа карданд: 1080
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед