logo

иқтисод

ХАТЛОН. ТРАНСФОРМАТОРҲОИ ФАРСУДА ОМИЛИ ТАЛАФОТИ БАРҚ

«…Баробари афзудани истеҳсоли неруи барқ шумораи аҳолӣ ва корхонаҳои саноатӣ низ зиёд шуда, талабот ба неруи барқ торафт меафзояд. Бинобар ин, зарур аст, ки ҳангоми лоиҳакашиву сохтмони биноҳо ва бунёди корхонаҳои истеҳсолӣ, ба кор андохтани иқтидорҳои нав, воридоти технологияҳо ва асбобу таҷҳизоти маишӣ масъалаи каммасраф будани онҳо ба инобат гирифта шуда, ба истифодабарандагони неруи барқ маърифати сарфаю сариштакорӣ ҳарчи бештар ташвиқ карда шавад», – таъкид доштанд Асосгузори  сулҳу  ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 22 декабри соли 2016 зимни ироаи Паём ба Маҷлиси Олии Ҷумҳурии Тоҷикистон. Ин ҳидояти созанда дар ҳама ниҳодҳои дахлдори вилояти Хатлон, аз ҷумла раёсати назорати давлатии энергетикии минтақаи Бохтар, сармашқи кор қарор гирифтааст.
Ба гуфтаи Маҳмадмурод Каниев, сардори раёсати номбурда, нозирони соҳаи энергетика  бо мақсади пешгирии талафоти неруи барқ ва истифодаи сарфакоронаи он бо сокинону кормандони ташкилоту муассисаҳо корҳои  тарғиботӣ мебаранд. Дар асоси баррасии масъалаҳои соҳа нақшаҳо тарҳрезӣ ва онҳоро татбиқ менамоянд.
Ҳамчунин, дар ҷараёни баргузории санҷишу вохӯриҳо камбудиҳо ошкор гардиданд, ки боиси талафоти неруи барқ мегарданд. Масалан,  муҳлати корбарии трансформаторҳо 25 сол аст, аммо баъзе аз онҳо зиёда аз 40 сол боз истифода мешаванд. Баробари ин, трансформаторҳо сари вақт бо равғани техникӣ таъмин намешаванд  ва бисёри симчӯбҳо низ фарсуда гардидаанд. Бо ин сабабҳо, дар пойгоҳи обкашии мавзеи Гароутӣ қариб  ҳар сол ҳолатҳои ногувори техникӣ рух медиҳанд. Чунин садамаҳо дар дигар  зеристгоҳҳо кам нестанд. Истифодаи аз муҳлат зиёди хатҳои барқу симчӯбҳо мушкили чандсолаест, ки бояд роҳи ҳал пайдо кунад.
Давлатшо Нозилов, муовини директори ҶСК «Шабакаҳои барқи ҷанубӣ» - и минтақаи Бохтар,  иттилоъ дод, ки ҳанӯз аз аввали сол ҷиҳати пешгирии талафот ва истифодаи босамари  неруи барқ, бе мушкилӣ гузарондани  тирамоҳу зимистони солҳои 2019 - 2020 нақшаи чорабиниҳо тартиб дода шуд. То кунун 90 дарсади нақша амалӣ гардид.  Аз ҷумла, 86 зеристгоҳ ва 3 ҳазор трансформаторе, ки дар минтақа мавриди истифода қарор дорад, бо равған таъмин ва аз таъмири ҷорӣ бароварда шуд. То имрӯз 500 симчӯб иваз гардид, ки бо фароҳам шудани шароити мусоиди молиявӣ симчӯбҳои боқимонда низ иваз карда мешаванд. Хатҳои барқе, ки солҳои пеш бо истифода аз симҳои фулодӣ кашида шуда буданд, ба симҳои алюминий иваз гардида, дар мавзеъҳои шохаҳои дарахтони наздик ба ноқилҳо ба тартиб дароварда шуданд. Корҳои омодагӣ ба фасли сармо ҳанӯз идома доранд, - изҳор дошт ӯ.
Чунончи зикр гардид,  муҳлати истифодаи аксар симчӯбу хатҳои барқ ва трансформаторҳо, ки аз солҳои 60- уми асри гузашта мерос мондаанд, кайҳо гузаштааст ва иваз кардану ба таъмири куллӣ фаро гирифтани онҳо маблағи хеле зиёдро тақозот дорад. Дар ин маврид  сари вақт пардохт кардани ҳаққи истифодаи неруи барқ аз ҷониби корхонаю ташкилотҳо ва шаҳрвандон нақши ҳалкунанда мебозад.

Анвар ҲАФИЗ, «Ҷумҳурият»     


Баёни ақида (0)    Санаи нашр: 18.11.2019    №: 216    Мутолиа карданд: 1001
19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ

МИЁНИ ТОҶИКИСТОНУ ӮЗБЕКИСТОН БОЗ ЯК БУНГОҲИ НАЗОРАТӢ КУШОДА ШУД

ҶАҲОН ДАР ЯК САТР

ДУШАНБЕ. ОЗМУНИ МАЪРИФАТАФЗО ҶАМЪБАСТ ШУД

БМТ АЗ ИҚДОМИ НАҶИБИ САРВАРИ ДАВЛАТ ҶОНИБДОРӢ КАРД

07.01.2021


ДАНҒАРА. ВУСЪАТИ КОРҲОИ НИҲОЛШИНОНӢ

ВАРЗИШ

САТҲИ ҶАҲОНИИ ФАҚР БОРИ АВВАЛ ДАР 22 СОЛИ ОХИР БОЛО РАФТ

ҶАҲОН ДАР ЯК САТР

РУЙДОДҲОИ ИЛМӢ

06.01.2021


ТАҚДИМИ ТЕХНИКА БА КИШОВАРЗОНИ НОҲИЯҲОИ ДЕВАШТИЧ ВА ШАҲРИСТОН

СУҒД. 92 ИНШООТИ ТАНДУРУСТӢ БА ИСТИФОДА ДОДА ШУД

ҲАР КӢ ХАНДОНАД ЯТИМИ ХАСТАРО...

ПУТИН ВА МЕРКЕЛ МАСЪАЛАИ ИСТЕҲСОЛИ ВАКСИНАИ ЗИДДИ COVID-19 - РО БАРРАСӢ КАРДАНД


Дар сомонаҳои дигари Тоҷикистон хонед