logo

сиёсат

ПЕШВОИ МИЛЛАТ - ИФТИХОРИ МАНУ МО

Мақом ва манзалати як фард дар ҷомеа аз чӣ иборат аст? Оё як фард метавонад дар таърихи инсоният нақши ҳалкунанда ва муҳим дошта бошад ва ҷомеаро бо тамоми ҳастияш дигар созаду боиси ифтихори мардум гардад? Таърихи башар доир ба ин суолҳо ҷавоби мусбат дорад ва ҳаминро мегӯям, ки ба қавли бузургҳо қадами хайру нияти неки як нафар метавонад баракату раҳмат биёрад ва сарзаминашро сарсабзу мардумашро саодатманд гардонад. Кишвари мо пас аз барҳамхӯрии Иттиҳоди Шӯравӣ кулли бадбахтиву бесарусомониҳоро аз сар гузаронд ва Тоҷикистону мардуми онро хатари маҳвшавӣ таҳдид мекард.
Шукри Худованд, ки барқи хушбахтӣ дурахшиду ба майдон марди ҷасуру қавиирода бо қадами хайру устувор бо номи Эмомалӣ Раҳмон омад, ки як нур ва умеде буд бар дили мардуми парешону нимароҳи тоҷик. Дар ҳақиқат ба сари давлат омадани муҳтарам Эмомалӣ Раҳмон шабеҳи Хуршеде буд, ки дар як муддати кӯтоҳе ба сарзамин ва ҷисму ҷони шаҳрвандони кишварамон гармӣ бахшиду қоматҳои хамида аз нав рост шуданд чун шамшод дар баҳорон. Ҷои биноҳои сӯхтаву хароб ва хиёбону кӯчаҳои аз ҳам рехта биноҳои наву ҳозиразамон ва гулгашту чаманзорҳо қад кашидаву доман густурданд. Шаҳру деҳоти солҳо аз назар дурмонда ва роҳҳои фарсудаи нообод аз нав рӯ ба беҳбудӣ оварданд ва мактабу боғчаву парваришгоҳҳои наву замонавӣ оғӯши меҳр ба рӯи кӯдакон, наврасону ҷавонон кушоданд.
Махсусан, Неругоҳи барқи обии «Роғун», ки бепарастор монда буд, бо талошҳои зиёду қатъии Пешвои миллат аз нав «ҷон» гирифт ва, инак, ду агрегати он ба кор даромад, ки боиси ифтихору сарбаландии кишвару миллатамон шуд. Талош ва шоҳкориҳои давлатдории Пешвои миллат муҳтарам Эмомалӣ Раҳмон мардумро аз ниёзмандиву зулмот наҷот бахшид ва Тоҷикистонро ба як давлати соҳибихтиёру соҳибҳуқуқ табдил дод ва ба тамоми дунё муаррифӣ кард. 
Пешвои миллат муҳтарам Эмомалӣ Раҳмон байни шаҳрвандон сулҳ ва ваҳдати миллиро барқарор намуд, ки аз хайртарин ва бузургтарин корҳои Президенти кишварамон аст. Ба кинаву адоват, бадбиниву бадфикрӣ ва ҷудоӣ хотима бахшиданд. Ба шарофати қадами хайру нияти неки муҳтарам Эмомалӣ Раҳмон ҷаҳониён Тоҷикистонро ҳамчун як давлати соҳибихтиёру мустақил ва бо фарҳангу тамаддунсоз шинохтанд.
Аз сидқ мегӯям, мефахрам ва ифтихор мекунам бо чунин шахсияти хоксору бохирад ва давлатдори босиёсату ба ҷаҳони муосир созгор ва дар айни замон мардумпарвару ғамхору меҳрубон ва дорои ҳувияти миллии воло. Аз ин ҷост, ки мо дар дурахши симои ӯ воқеан ҳам, Асосгузори сулҳу ваҳдати миллӣ– Пешвои миллат, сарпарасти тамоми тоҷикони дунёро мебинем.
Бояд гуфт, ки вобаста ба корҳое, ки дар муддати на чандон зиёд Пешвои миллат муҳтарам Эмомалӣ Раҳмон нисбат ба рушди давлату давлатдорӣ, фарҳангу маориф, иқтисоду сиёсат кардаанд, чӣ қадар гӯем, кам аст. Аз тарафи дигар, худи мардум шоҳиди хизматҳои шоёни Сарвари давлат мебошанд ва танҳо дастгирӣ ва қадрдонӣ намудан аз Пешвои хирадманд вазифаи ҳар яки мост, зеро имрӯз Пешвои миллатамон муҳтарам Эмомалӣ Раҳмон ифтихори миллати тоҷик мебошанд.

Тоҷинисо МУРОДОВА,
номзади илмҳои фалсафа,
ходими пешбари ИФС ва Ҳ АИ ҶТ


Баёни ақида (0)    Санаи нашр: 19.11.2019    №: 217    Мутолиа карданд: 441
25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд


Дар сомонаҳои дигари Тоҷикистон хонед