logo

фарҳанг

«30 БАҲОРИ ИСТИҚЛОЛ». РӮНАМОӢ АЗ АСАРЕ, КИ МАЪРИФАТОМӮЗ ХОҲАД БУД

Дар Академияи илмҳои Ҷумҳурии Тоҷикистон дар партави Ҷашни 30 - солагии Истиқлолияти давлатӣ рӯнамоии 30 ҷилд китоби адибони муосири тоҷик баргузор гардид.
Дар муаррифӣ президенти Академияи илмҳо Фарҳод Раҳимӣ, президенти Академияи таҳсилот Абдуқодир Бобизода, раиси Иттифоқи нависандагон Низом Қосим ва аксари муаллифони китобҳо ширкат варзида, иқдоми мазкурро омили таҳким ёфтани ҳувияти миллӣ ва китобхониву китобдорӣ донистанд. Фарҳод Раҳимӣ таъкид кард,  чопи ин силсила, ки осори шоирону нависандагонро аз устод Садриддин Айнӣ то адибони ҷавону пурталоши имрӯзи тоҷик фаро мегирад, ба масал сӣ баҳори истиқлол аст ва аз ибтикороти фарҳангии Пешвои миллат муҳтарам Эмомалӣ Раҳмон сарчашма мегирад. Сарвари давлат чанде пеш ба ин масъалаи муҳим таваҷҷуҳи хос зоҳир карда, ба маорифчиёни кишвар гуфтанд: «Дар ҳамаи зинаҳои таҳсилот, сарфи назар аз шакли моликият омӯзишу мутолиаи асарҳои илмиву адабиро ба роҳ монанд ва барои азхудкунии порчаҳои назмиву насрӣ ва қоидаву асосҳои фанҳои риёзиву табиӣ меъёру талаботи заруриро муқаррар намоянд».
Бино ба гуфтаи Низом Қосим, «30 баҳори истиқлол» давоми мантиқиву рамзии Озмуни ҷумҳуриявии «Фурӯғи субҳи доноӣ…» аст, ки бо амри Пешвои миллат ҷараён дорад ва метавонад хонандаҳоро ба китобхона, ба суроғи китобҳои тозанашри нашриёти «Маориф» барад.
Тазаккур дода шуд, ки баъзе асарҳои адибони ба ин силсилаи зебо воридшуда бори охир солҳои ҳаштодуми асри гузашта рӯи чопро дида буданд. Бори дигар бо зевари табъ оросаву пероста шудани китобҳои адибоне, ба монанди Ҷалол Икромӣ, Боқӣ Раҳимзода, Фотеҳ Ниёзӣ, Пӯлод Толис, Фазлиддин Муҳаммадиев армуғони беҳтарин барои имрӯзиён ва зиндагардонии ному пайкори эшон аст.
Чор ҷилди он аз асарҳои «Тазкираи мухтасари назми муосири тоҷик», «Тазкираи мухтасари насри муосири тоҷик», «Тазкираи мухтасари назми муосири бачаҳо» ва «Тазкираи мухтасари насри муосири бачаҳо» иборатанд. Мураттибону муаллифон талош варзиданд, то дар ин китобҳо достонҳо, шеърҳо, ғазалҳо ва рубоиҳоеро фаро бигиранд, ки дар миёни мардум аз муҳаббати хос бархӯрдоранд, ё қаблан чандон зиёд ба нашр нарасидаанд ва ё дар миёни хонандагон камтар паҳн шудаанд.
“30 баҳори истиқлол” аз ганҷинаи ғанӣ ва рангину нотакрори адабиёти муосири тоҷик барои хонандаи худ бахшҳоеро пешниҳод мекунад, ки барои тарбияи эҳсоси худшиносӣ, ватандӯстӣ, зебоишиносӣ, халлоқият ва шеършиносию насрдӯстии онҳо мусоидат кунанд ва ҳамзамон, аз назари аҳамият ва арзиши бадеӣ силсилакитобҳои рӯимизии ҳар хонаводаи тоҷик гардад.
Ғуломқодир Бобизода ба миллати китобдор будани тоҷикон ишора карда, аз хидматҳои бедареғи мураттибону муҳаррирони китоб, бавижа масъулони Вазорати маориф ва илми ҷумҳурӣ ёд кард.
Ҷамъомадагон зикр карданд, ки ин кори босавобу бахайр базудӣ самар меоварад. Зеро хазинаи аксари китобхонаҳои мо, бахусус китобхонаҳои деҳоти дурдаст ба китобҳои наву хонданӣ бо забони тоҷикӣ ниёзи бештар доранд.
Ёдовар мешавем, ки ин сӣ номгӯй китоб ҳар яке 10 ҳазор нусха нашр шуда, ба китобхонаҳои дурдасттарини макотиби ҷумҳурӣ  дастрас мешавад.

Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 19.11.2019    №: 217    Мутолиа карданд: 314
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед