logo

иҷтимоиёт

БОХТАР ОБОДТАР МЕШАВАД, АГАР...

Даҳ моҳи сипаришудаи соли ҷорӣ барои аҳли заҳмати шаҳри Бохтар фарогири натиҷаҳои мусбати иқтисодию иҷтимоӣ буд. Дар ин баробар баъзе камбудиҳое низ ҷой доштанд, ки масъулон пайи ҳаллу фасли онҳо бояд чораҳои зарурӣ роҳандозӣ кунанд.

ЧАНД “РОЗ”- И АНДОЗ
Аз ҳисоботи омории мақомоти иҷроияи ҳокимияти давлатии шаҳр бармеояд, ки дар соҳаи андоз муваффақияту мушкилот анқариб баробаранд. Мушаххасан, нақшаи қисми даромади андозҳо, бо назардошти андози иҷтимоӣ, 99 дарсад иҷро гардида, ба буҷет 2,01 миллион сомонӣ кам маблағ ворид шуд. Аз ҷумла, нақшаи андозҳо ва дигар пардохтҳои ҳатмӣ 97 фисад ё ба андозаи 2,4 миллион сомонӣ кам иҷро гардид. Қисми хароҷоти буҷети маҳаллӣ низ камтар: 95 фисади нақша аст. Андоз аз даромад 91, андоз аз арзиши иловашуда 86 ва низомҳои махсуси андозбандӣ 97 дарсад таъмин  шуданд, ки аз ин ҳисоб 5,01 миллион сомонӣ ба буҷет ворид нагардид.   
Ба эътирофи масъулони нозироти андози шаҳр, азбаски 17 ширкати хусусӣ ва корхонаи давлатӣ ҳар моҳ андозҳояшонро сари вақт пардохт намекунанд, маблағи умумии қарз ба 17,4 миллион сомонӣ расидааст. 
“Қӯрғонтеппагаз” (қарзаш 9 миллиону 468,9 ҳазор сомонӣ), “Тамер ИНБ” (1 миллиону 256,7 ҳазор сомонӣ) ва ҶСП “Леваканд” (2 миллиону 67,9 ҳазор сомонӣ) аз шумули қарздорҳоянд. Кормандони ниҳод аз чораҳои қатъии қонунӣ истифода бурда, барои насупурдани қарзи андоз нисбат ба КФДБ “Обу корези Қӯрғонтеппа”, ҶДММ “Шаҳрзоди Меҳроҷ”, ҶДММ “Универсал-С”, ҶСШК “Комбинати шири Қӯрғонтеппа, ҶДММ “Бахтиёр - 2014” маводи шикоятӣ таҳия карда, барои баррасӣ ба прокуратура фиристодаанд. Зимнан, дар натиҷаи роҳандозии 49 санҷиш аз аввали сол то кунун ба маблағи умумии 1,5 миллион сомонӣ ҳолатҳои ҷудогонаи пинҳонкунии андозро ошкор карданд. Натиҷаи ҳамин тадбирҳои муассир буд, ки бақияи қарзи андоз (ҷамъ: 23 миллиону 495,1 ҳазор сомонӣ) дар қиёс ба ҳамин давраи соли мозӣ 81,2 ҳазор сомонӣ кам шуд.

ПЕШОҲАНГОНУ ҚАФОМОНДАҲОИ САНОАТ 
Дар давраи ҳисоботӣ ҳаҷми истеҳсоли маҳсулоти саноатӣ ба 165,3 миллион сомонӣ расонда шуд, ки нисбат ба ҳамин давраи соли 2018 - ум 18,7 миллион сомонӣ ё худ 112,8 фоиз зиёд мебошад.
Бо мақсади татбиқи ҳадафи чоруми Ҳукумати Тоҷикистон – саноатикунонии босуръати мамлакат чор коргоҳи саноатӣ таъсис дода шуд. Самти фаъолияти онҳо истеҳсоли маводи доруӣ, сохтмонӣ ва дӯзандагӣ мебошад.
Мавриди зикр аст, маъмурияти чанде аз ширкатҳо ба сатҳу сифати кор аҳамияти бештар дода, ба дастовардҳои назарраси меҳнатӣ ноил шуданд. Мушаххасан, аҳли заҳмати корхонаҳои «Трансформатор» ҳаҷми истеҳсоли маҳсулотро нисбат ба ҳамин давраи соли 2018 ба маблағи 4,9 миллион сомонӣ, «Ресанда» 216 ҳазор, «Коргоҳи дӯзандагӣ» 1,2 миллион ва “Маркази ҳунаромӯзӣ” ба маблағи 103 ҳазор сомонӣ зиёд намуданд. Вале, боиси таассуф аст, ки аз 47 корхонаи саноатӣ ду корхона, аз ҷумла “Равғани Сомонӣ” ва “Кристалл-АТТ”, бо сабабҳои гуногун ҳаҷми истеҳсоли маҳсулотро кам кардаанд. 

ҚАРЗИ БАРҚ ЗИЁД ШУДААСТ
Идораи барқи шаҳр ба аҳолӣ ва ташкилоту муассисаҳо ба маблағи 30,5 миллион сомонӣ 133,4 миллион кВт/соат қувваи барқ интиқол додааст, ки ин нисбат ба ҳамин давраи соли 2018 ба миқдори 7,1 миллион кВт/соат кам аст. Маблағи пардохтшуда 24,7 миллион сомонӣ буда, қарзи ҳаққи истифодаи қувваи барқ ба 77,5 миллион сомонӣ расидааст. Аз ҷумла, аз аҳолӣ 31,3 миллион сомонӣ мебошад.
Ҳарчанд дар доираи чорабиниҳо оид ба иҷрои нақшаҳои истеҳсолӣ, беҳтар кардани таъминот бо неруи барқ як қатор тадбирҳои ташкилӣ - техникӣ, амсоли таъмири шабакаҳои барқӣ, зеристгоҳҳо, хату ноқилҳо, трансформаторҳо ва таҷҳизоти барқӣ ба маблағи 2,6 миллион сомонӣ амалӣ шудаанд, лекин бинобар маблағгузории ками Ширкати саҳомии холдингии кушодаи “Барқи тоҷик”, ҳамоно симчӯбҳои фарсуда ва хатҳои уфуқию кабелии мунтазири таъмир ва иваз ба чашм мерасанд.

ТЕХНИКАИ РОҲСОЗӢ ХАРИДА НАМЕТАВОНАНД
Дар муддати 10 соли охир аз 133,3 километр роҳи мансуб ба шаҳри Бохтар 74 километри он азнавсозӣ шудааст. Бо мақсади дар ҳолати хуб нигоҳ доштани ҷодаҳо, таъмини бехатарии ҳаракат бо ташаббуси соҳибкорони хайрхоҳ 1,2 километр роҳ сангфарш ва 3,4 километр мумфарш карда шуданд. Муассисаи нигоҳдории роҳҳо 340 метрро асфалт пӯшонд.
Маблағгузории муассиса ба миқдори 754,6 ҳазор сомонӣ сурат гирифта, хароҷоти соҳибкорон дар маҷмӯъ, 410,3 ҳазор сомонӣ ҳисоб шудааст. Мушкили асосии кори ин ниҳод дар он аст, ки дар тавозуни мақомоти иҷроияи ҳокимияти давлатии шаҳр қарор дошта, бинобар ҷой доштани маҳдудият дар маблағгузорӣ аз буҷети маҳаллӣ, имкони харидории техникаю механизмҳои махсусро надорад. Мутасаддиёни муассиса ба тавозуни Вазорати нақлиёти Ҷумҳурии Тоҷикистон гузарондани онро манфиатбор мешуморанд.     

АГАР БОНКҲО МУСОИДАТ МЕКАРДАНД...
“Барномаи рушди иҷтимоию иқтисодии шаҳри Бохтар барои солҳои 2016 - 2020”, ки омили дигари рушди арсаҳои иқтисодию иҷтимоии шаҳр дониста мешавад, фарогири 76 лоиҳа ва маблағи умумии 1 миллиарду 252,1 миллион сомонӣ мебошад. Маблағгузории он аз ҳисоби буҷети ҷумҳуриявӣ ба андозаи 37,5 миллион сомонӣ, буҷети вилоят 57,1 миллион, буҷети маҳаллӣ 197,8 миллион, сармояи хориҷӣ 199,6 миллион ва аз ҳисоби маблағҳои худӣ 881,2 миллион сомонӣ пешбинӣ гардидааст. 
То ин давра 45 лоиҳа амалӣ шуда, 19 лоиҳа таҳти амал қарор дорад. Вале, мутаассифона, баланд будани фоизи маблағҳои қарзии бонкӣ ва кӯтоҳ будани муҳлати баргардондани онҳо дар пешорӯйи соҳибкорон монеаҳои қобили мулоҳиза эҷод карда истодаанд.

ҲАМА ҚУВВА БАҲРИ ОБОДӢ!
Дар доираи омодагиҳо ба таҷлили шоистаи 30 - юмин солҷашни Рӯзи Истиқлолияти давлатии Ҷумҳурии Тоҷикистон соли ҷорӣ як бинои истиқоматии шашқабата, ду бинои истиқоматии сеошёнаи дорои маркази савдо ва хизматрасонӣ, варзишгоҳ бо 4 ҳазор ҷойи нишаст, бинои иловагии таълимии чортабақаи Донишгоҳи давлатии Бохтар ба номи Носири Хусрав мавриди истифода қарор гирифтанд. Ҳамзамон, бунёд ва бозсозии 10 майдону гулгашт, аз ҷумла Маҷмааи “10 - солагии Ваҳдати миллӣ”, майдонҳои ба номи Рӯдакӣ, Румӣ, “Шаҳидон”, маҷмааи Нишони давлатӣ, “70 - солагии азхудкунии водии Вахш”, боғи истироҳатии ба номи Р. Мӯрчаев, боғчаи истироҳатии кӯдаконаи “Фирдавс” ва дигар ба маблағи 10,6 миллион сомонӣ ба анҷом расиданд. Аз ин 5,3 миллион сомонӣ аз ҳисоби соҳибкорон мебошад.
27 бинои баландошёнаи истиқоматӣ ба маблағи 659 ҳазор сомонӣ бо истифода аз маблағҳои буҷети маҳаллӣ ва 10 бино бо дастгирии соҳибкорон бо усули муосир рангубор шуданд.
Ба наздикӣ, 16 иншоот, аз ҷумла ду бунгоҳи саломатӣ, бино барои кумитаи маҳаллаи “Зархез”, шаш маркази савдо ва хизматрасонӣ, чойхона, ду сартарошхона, кошонаи ҳусн, майдончаи бозӣ барои кӯдакон, чор дукони тиҷоратию хизматрасонӣ ва шаш бинои бисёрошёнаи истиқоматӣ, ба истифода дода шуданд. 

ТАКОНИ ТОЗА МЕБОЯД!
Бо вуҷуди мушкилоти ҷойдошта, маркази маъмурии вилояти Хатлон – шаҳри Бохтар рӯз ба рӯз зеботар ва барои зисту зиндагии шоистаи сокинон мувофиқтар мешавад. Аммо, мусаллам аст, ки агар ноҷӯриҳои дар матлаб зикршуда сари вақт ҳал шаванд, дар ҳама соҳаҳои шаҳр беҳбудиҳои боз ҳам афзун амалӣ хоҳанд гашт.

Муҳаммадзоиршо ШАРИФЗОДА,
Зокир ҲАСАН,
“Ҷумҳурият” 
 


Баёни ақида (0)    Санаи нашр: 27.11.2019    №: 224    Мутолиа карданд: 341
29.09.2020


ТОҶИКОН ВА ӮЗБЕКОН: ДӮСТӢ БИМОНАД ҶОВИДОН

РАШТ. ҲАМКОРИҲОИ МАҚОМОТ БО СОҲИБКОРОНИ ВАТАНДӮСТ САМАР МЕДИҲАНД

ХУҶАНД. ВУСЪАТИ БУНЁДКОРИҲО ДАР ТАРАБХОНАИ «ФОРЕЛ»

ТОҶИКИСТОН. 87,4 ДАРСАДИ БЕМОРОНИ КОРОНАВИРУС ШИФО ЁФТАНД

25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ


Дар сомонаҳои дигари Тоҷикистон хонед