logo

фарҳанг

МУҲАММАД ҒОИБ САЗОВОРИ ҶОИЗАИ БА НОМИ ЧИНГИЗ АЙТМАТОВ

Шоири халқии Тоҷикистон Муҳаммад Ғоиб бо Ҷоизаи Ассамблеяи байнипарлумонии Иттиҳоди Давлатҳои Мустақил ба номи Чингиз Айтматов қадр гардид.  Ӯ дар ҳоле аз ин паёми фараҳбахш огоҳ шуд, ки ҳамчун аъзои ҳайати ҳакамони озмуни ҷумҳуриявии «Фурӯғи субҳи доноӣ…» дар маркази вилояти Хатлон - шаҳри Бохтар ҳузур дошт. 
- Устоди азиз, медонем, ки ба ҷуз аз навиштани шеърҳои баландғояву пурмуҳтаво,  асарҳои саҳнавӣ, қиссаву ҳикояҳои пурмазмун, инчунин, филмномаҳо низ иншо мекунед. Паёми хушро чӣ гуна пазируфтед?
- Албатта, хуб ва бо шодмонӣ. Яке аз дӯстонам, ки табиб аст, занг зада, ба ман гуфт, ки дар шабакаи аввал соҳибҷоиза шуданатро эълон карда истодаанд. Бо каме нобоварӣ, ки шояд лутфи ошноён бошад, ба сомонаҳои ВАО ворид шудам. Пас аз он зангҳои телефонӣ лаҳзае маро ором нагузоштанд.
- Дар ҷавоб Шумо чӣ мегуфтед?
- Барои шоир муҳимтарину муқаддастарин ҷоиза эътирофи мардум ва дар коғаз боқӣ мондани осори ӯст. Кош ин ҷоизаҳо ба шеърҳои мо умри ҷовидона бахшида метавонистанд. Дар олам кам нестанд касоне, ки соҳиби ҷоизаву унвонҳо шудаанд, аммо имрӯз осорашонро камтар касон мехонанду медонанд. Ҷоизадорон Рӯдакиву Хайёму Бедилу Соиб буданд, ки номашон дар дилҳо бо ҳарфҳои заррин ҳаккокӣ шудааст. Банда вақте унвони Шоири халқии Тоҷикистонро гирифтам, Ҷоизаи давлатии Тоҷикистон ба номи Абуабдуллоҳ Рӯдакиро низ соҳиб шудам, миёнамро боз ҳам маҳкамтар бастам, ки ранҷу машаққати зиёди эҷодӣ дар пеш аст.
- Аксари мухлисон донистанианд, ки Шумо ин ҷоизаро бештар барои кадом хидматҳоятон сазовор шудаед?
- Дар ҳама бахшҳои санъату адабиёт худро санҷидаам. Дар силсилафилми «Дар чашми бод» нақши сафири шӯравиро бозидаам, солҳои 90 - уми асри сипаришуда китоби бачагонаи ман - «Савғо» бо забони русӣ 30 ҳазор нусха нашр шуд. Шеърҳоям дар ҷаридаи «Молодая гвардия», ки аз маъруфтарин нашрияҳои давр буд, дар баробари 5 шоири машҳури шӯравӣ интишор ёфтанд, ашъорам бо хати форсӣ дар Эрону Афғонистон низ чоп шуд ва тоҷикони бурунмарзӣ бо иқдоми хеш китоби маро бо номи «Ганҷи обоварда» ба табъ расонданд. Чанд драмаи маро дар саҳнаҳои Эрон ва Ироқ намоиш доданд. Зиёда аз сесад шеърам суруд шуда, дар хазинаи тиллоии садову симост. 150 шеърам ба мавзӯи Ватан бахшида шудааст, аммо васфи ин сарзаминро гӯё заррае ҳам нагуфтаам. 
- Воқеан, аҷиб. Дар бораи ҳунарманди кино буданатон бори аввал мешунавем…
- Дар силсилафилми «Дар чашми бод» ҳамроҳи Ҳабибулло Абдураззоқов, Қурбони Собир ва ҳунармандони миллатҳои дигар нақш офаридаам. Филмноманависӣ аз шавқи беандозаам ба олами синамо шурӯъ мешавад. Лаззати ҳунарнамоиро чашидаам, ки менависам.
- Пеш аз Шумо Ҷоизаи Ассамблеяи байнипарлумонии Иттиҳоди Давлатҳои Мустақилро кӣ дарёфт карда буд?
- Ҷоиза соли 2012 таъсис ёфтааст. Пеш аз ман шоири шаҳири қазоқ, шахсияти барҷаста Олҷас Сулаймонов гирифта будааст. Боварам бар он афзуд, ки адабиёт ҳоло ҳам аз неруҳои муҳимтарин ҷиҳати тарбияи банӣ башар аст. Сухани созанда дер ё зуд роҳи худро меёбад, танҳо сидқу ихлос ва заҳмати шабонарӯзиро дареғ набояд дошт.

Бузургмеҳри БАҲОДУР,
«Ҷумҳурият»

Ёддошт: Тавре ки «Ҷумҳурият» хабар дода буд, ҷоизаи бонуфузи шоирро дар доираи ҷаласаи 50 – уми Ассамблеяи байнипарлумонии ИДМ, ки рӯзҳои 21 - 22 ноябри соли ҷорӣ дар шаҳри Санкт - Петербург гузашт, аз номи аҳли зиёи тоҷик Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев пазируфт.


Баёни ақида (0)    Санаи нашр: 27.11.2019    №: 224    Мутолиа карданд: 403
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед