logo

иҷтимоиёт

ЭКСПЕРТИЗАИ ХАТ. АЗ ОШКОРСОЗИИ ҶИНОЯТ ТО ШИНОХТИ ХИСЛАТИ ОДАМОН

Мутахассисони соҳа бар инанд, ки аз рӯйи ҳусни хат каму беш 17 хислати инсонро метавон ошкор намуд. Дар ҷаҳон ду ҳусни хати якхела вуҷуд надорад. Агар аз нигоҳи аввал ба назар расад, ки ҳусни хат ва ё хислати баъзе одамон мисли ду қатраи об ба ҳам монанданд, дар асл ин тавр нест. Агар инсон кӯшиш кунад, ки ҳусни хаташро тағйир диҳад, коршиноси пуртаҷриба бо муқоиса кардани ҳусни хати одӣ бо тағйиршуда унсурҳои умумии онро муайян намуда, шахси иҷрокунандаро ошкор менамоянд.
Экспертизаи давлатии судӣ яке аз самтҳои асосӣ ва муҳим дар роҳи ошкор кардани ҷиноят мебошад. Таҷриба нишон медиҳад, ки ҳама гуна ҷиноят танҳо бо роҳи таъйин ва гузарондани экспертиза исботи худро меёбад. Дар зимн, хатшиносии судӣ аз бахшҳои муҳими илми криминалистика ба ҳисоб меравад, ки тавассути он инкишофи малакаи хаттӣ - ҳаракатии шахс мавриди омӯзиш қарор мегирад ва он усулу роҳҳои ҳалли масъалаҳои ташхиси судии хатшиносиро мавриди омӯзиш қарор медиҳад.
Ба гуфтаи Шаҳодат Икромова, мутахассиси пешбар оид ба экспертизаи хатшиносии маркази экспертизаи криминалии вилояти Хатлон, дар солҳои охир шумораи ҷиноятҳо дар бахши молиявӣ ба таври назаррас афзоиш ёфта, тасарруфи маблағҳо бо истифодаи ҳуҷҷатҳои қалбакӣ, кафолатҳои қалбакии бонкӣ ва «шустушӯи» маблағҳое, ки бо роҳи ҷиноят ба даст омадаанд, васеъ паҳн шудааст.
- Дар айни замон, ҳангоми баррасии ҷиноятҳои дар соҳаи иқтисодӣ содиршуда ҳазорҳо ҳуҷҷатҳо ҳамчун далели шайъӣ гирифта мешаванд. Дар ин ҳолатҳо объекти тадқиқот, яъне сабтҳои дастнавис ва имзоҳо дар ҳисобномаҳо, борхатҳо, ҳисоботҳо, расидҳо ва ғайра ба ҳисоб мераванд. Ҳангоми баррасии парвандаҳои гражданӣ низ аслӣ будани сабти дастнависҳо ва имзоҳо дар шартномаҳо, ваколатномаҳо, васиятномаҳо, инчунин, дигар мукотибаҳои корӣ ва шахсӣ мавриди баҳс қарор мегиранд, - изҳор дошт Шаҳодат Икромова.
Омӯзиши ҳусни хат решаи амиқи таърихӣ дорад. Дар замонҳои қадим одамон ҳусни хат ва хислати шахсро дар алоқамандӣ бо ҳам меомӯхтанд. Император Нерон дар яке аз номаҳояш нигоштааст: «Ман аз ин одам метарсам, зеро ҳусни хати ӯ табиати хиёнаткориашро нишон медиҳад!». Таърихшиноси Румӣ Светоний хасисии император Августро нишон дода гуфтааст: «Ӯ калимаҳоро ба ҳамдигар бисёр наздик менавишт ва ҳатто дар зери хатҳо низ қайдҳо мегузошт». Академик В. Бехтеров дар ҳошияи иҷлосияе бо равоншиносон ва асабшиносон дар бораи натиҷаҳои ташхиси номаи Сталин суханронӣ карда, аз ҷумла гуфт: «Ин ҳусни хати шахси хашмгин аст»…
Дар замони муосир давлатҳои пешрафта ба соҳаи графология таваҷҷуҳи хоса доранд. Дар ИМА ва давлатҳои Аврупо дар факултетҳои равоншиносӣ ҳусни хатро меомӯзанд. Дар кишвари мо илми хатшиносӣ танҳо дар факултетҳои ҳуқуқшиносии муассисаҳои олӣ омӯзонда мешавад. Вале, мутаассифона, ба криминалистон моҳияти равонии муаллифи ҳусни хат амиқ омӯзонда намешавад.
Ба қавли мутахассисони маркази экспертизаи судӣ - криминалии вилояти Хатлон, хатшиносон ҳусни хати одамонро вобаста ба хусусиятҳои гуногунашон ба хатҳои зебо, нофаҳмо, ороишӣ, калон, хурд, каҷ, ноустувор, номуайян ва ғайраҳо раддабандӣ кардаанд. Гуфта мешавад, ки аз ҳусни хат дар бораи шахс маълумоти бисёр гирифта мешавад. Яъне байни ҳусни хат ва хислати шахс алоқамандии муайян вуҷуд дорад. Ҳангоми навиштан ҳаракатҳои дастҳо тавассути майнаи сар идора карда мешаванд. Аз ин рӯ, дар ҳусни хат таассуроти равандҳои рӯҳии шахс дарҷ мегардад.
Таҳлилҳои графологӣ дар асоси як қатор унсурҳо гузаронда мешаванд. Масалан, ҳам самти ҳаракат (ба тарафи рост, чап, боло, поён), ҳам хусусияти иҷрои ҳарфҳо, ҳам майл, ҳам дараҷаи фишурдани даст ва ҳам  ҷойгиршавӣ дар варақ муҳим аст. Дар маҷмӯъ, дар асоси ҳамаи ин ва дигар  меъёрҳо тавсифи инфиродӣ ба вуҷуд меояд.
Анвар ҲАФИЗ,  «Ҷумҳурият»


Баёни ақида (0)    Санаи нашр: 27.11.2019    №: 224    Мутолиа карданд: 294

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед