logo

фарҳанг

"БЕҲТАРИН ШЕЪРИ БАЧАГОНА". САБҚАТ ДАР РОҲИ БАЁНИ МЕҲРУ МУҲАББАТ БА ВАТАН

Бисёр рамзист, ки маросими ҷамъбасти озмуни Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Суғд дар рӯзҳои таҷлили ҷашни Рӯзи Парчами давлатии Ҷумҳурии Тоҷикистон, ки рамзи давлатдорӣ ва худшиносии миллии мост, баргузор гардид.
Иқдомоти неке, ки аз тарафи рӯзномаи «Ҷумҳурият» дар самти баргузор намудани озмунҳо доир мегардад, ба болоравии сатҳи маърифат ва фарҳанги миллӣ, эҳсоси масъулият ва ноил шудан ба дастовардҳои шоиста ва дарёфти истеъдодҳои нав мусоидат мекунад. Яке аз чунин озмунҳо, ки дар ҳамкорӣ бо мақомоти иҷроияи ҳокимияти давлатии вилоят бо иштироки адибони шинохта, аҳли сухан ва қаламкашони маъруфи ҷумҳурӣ доир гардид, озмуни «Беҳтарин шеъри бачагона» мебошад.
Чуноне Асосгузори сулҳу вахдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зикр доштаанд, сатҳи донишу маърифати мардум, хусусан наврасону ҷавононро баланд бардоштан, ҳисси ифтихори миллии онҳоро бедор сохтан ва дар шароити мураккаби ҷаҳонишавӣ асолат ва арзишҳои миллиро ҳифз кардан рисолати ҳар як шахси ватандӯст ба шумор меравад.
Таҷрибаи таърихӣ собит намудааст, ки шахсони соҳибфарҳангу донишманд барои ҳар як давлату миллат сарвати бебаҳо, неруи тавонои зеҳнӣ ва кафили пешрафти давлату ҷомеа мебошанд. Аз ин дидгоҳ, тарбияи насли наврас дар рӯҳияи хештаншиносӣ ва дар замири онҳо ҳамеша фурӯзон нигоҳ доштани ҳисси баланди ватандӯстию миллатпарастӣ яке аз самтҳои афзалиятноки сиёсати созандаи Ҳукумати мамлакат ба ҳисоб рафта, дар ин самт тадбирҳои муҳими воқеӣ ва ояндасоз тарҳрезӣ мегарданд.
Дар ҳамин радиф Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Суғд бо мақсади саҳмгузорӣ дар татбиқи сиёсати маорифпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба тарбияи насли ояндасози миллат дар роҳи худогоҳиву худшиносӣ, арҷ гузоштан ба арзишҳои миллӣ, ташаккули ҳисси ватандӯстӣ ва илмомӯзиву фарҳангпарварӣ дар замири онҳо озмуни «Беҳтарин шеъри бачагона» - ро эълон намуд.
Дар озмун, ки аз 1 июни соли 2018 то 15 ноябри соли 2019 идома дошт зиёда аз 100 муаллиф иштирок карда, бо салоҳдиди ҳайати эҷодӣ бештар аз 300 шеъри тозаэҷоди онҳо дар саҳифаҳои рӯзнома ба табъ расиданд.
Баррасӣ ва натиҷагирии шеърҳои пешниҳодшуда муайян намуд, ки идораи рӯзнома ва мақомоти иҷроияи ҳокимияти давлатии вилояти Суғд ҳамчун ташкилкунанлагони озмун дар иҷрои ҳадафҳои худ муваффақ гардиданд. Зеро дар озмун баробари шоирони маъруфу шинохтаи кишвар – Муҳаммад Ғоиб, Гулназар, Алӣ Бобоҷон, Латофати Кенҷа, Ҷӯра Ҳошимӣ, Озар Салим, Раҷаби Мусулмониён, Абдусаттори Раҳмон, ҳамчунин худи наврасон аз тамоми гӯшаву канори кишвари маҳбуб ширкат варзида, бо шеърҳои шогирдона, вале пурмуҳтавои худ онро шукӯҳу шаҳомати хоса бахшиданд.
Дар маҷмӯъ, шеърҳое, ки дар доираи озмун мунташир гардиданд, пеш аз ҳама, дар замири худи кӯдакону наврасон шавқу завқи аз худ намудани осори шеъриву насрии адибони гузашта ва имрӯзаи халқи тамаддунофари тоҷикро бедор менамоянд ва боварии комил дорам, ки дар рӯҳияи хештаншиносӣ ва меҳанпарастӣ ба камол расидани кӯдакону наврасон нақши шоиста хоҳанд гузошт.
Мақомоти иҷроияи ҳокимияти давлатии вилояти Суғд ва шаҳру ноҳияҳои он минбаъд низ бо ин рӯзномаи бонуфуз, ки баёнгари ормонҳои миллӣ ва инъикосгари воқеии рӯзгори мардуми босаодати мост, ҳамкориро тавсеа хоҳад бахшид.

Раҷаббой АҲМАДЗОДА, раиси вилояти Суғд


Баёни ақида (0)    Санаи нашр: 29.11.2019    №: 226    Мутолиа карданд: 1773
22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД

18.05.2020


СУҒД. МУБОРИЗА АЛАЙҲИ БЕМОРИҲОИ СИРОЯТӢ ПУРЗӮР МЕГАРДАД

НУРОБОД ҲУСНИ НАВ МЕГИРАД

ФУТБОЛ. ЧЕМПИОНАТИ БЕЛГИЯ НИЗ ПЕШ АЗ МУҲЛАТ АНҶОМ ЁФТ

ТОҶИКИСТОНУ БЕЛАРУС ДАР МУБОРИЗА БО КОРОНАВИРУС ҲАМКОРӢ МЕКУНАНД

ҶАҲОН ДАР ЯК САТР

15.05.2020


МАШВАРАТИ КОРИИ МУОВИНИ САРВАЗИРИ МАМЛАКАТ ДАР ШАҲРИ БӮСТОН

ТОҶИКИСТОН. БОЗ 403 МУБТАЛОИ КОРОНАВИРУС ШИФО ЁФТ

ДАР ИСФАРА МАКТАБИ БАЙНАЛМИЛАЛИИ «ОРИОН» БУНЁД МЕШАВАД

КӮДАКОН. КОРОНАВИРУС ҚУДРАТИ "ЗАБТ" - И ОРГАНИЗМИ ОНҲОРО НАДОРАД

ДАРВОЗ. САҲМИ ЗАНОН ДАР РУШДИ НОҲИЯ БЕШТАР МЕГАРДАД

БОЗОРИ ТРАНСФЕРӢ. АРЗИШИ ФУТБОЛБОЗОНИ ДАСТАҲОИ ЛИГАИ ОЛӢ

ПЕШНИҲОДИ ВОХӮРИИ НАМОЯНДАҲОИ ИДМ ВА СҶТ БАРОИ МУБОДИЛАИ ТАҶРИБАИ МУБОРИЗА БО COVID – 19

ҶАҲОН ДАР ЯК САТР

ХАТЛОН. САҲМИ РАЁСАТИ КҲФ ДАР ПЕШГИРИИ COVID-19

14.05.2020


КИТОБХОНАИ МИЛЛӢ. ТАЪСИСИ МАХЗАНИ ЭЛЕКТРОНӢ


Дар сомонаҳои дигари Тоҷикистон хонед