logo

иҷтимоиёт

ЗИНДАГӢ РАНГИ ТОЗА МЕГИРАД. БАРДОШТ АЗ НОҲИЯИ ШАМСИДДИНИ ШОҲИН

Ноҳияи Шамсиддини Шоҳин дар кишвар ҳамчун сарзамини родмардону донишмандон, санъаткорону суханварони асил, дорои табиати афсонавию манзараҳои зебову дилфиреб шинохта мешавад. Сарояндагони хушовоз  Одина Ҳошим, Давлатманд Холов, Гулчеҳра Содиқова, Файзалӣ Ҳасанов, Ҷумъахон Сафаров, ҳунармандони мумтоз Ҳошим Гадоев, Ҳабибулло Абдураззоқов, Исо Абдурашидов, суханварони ширингуфтор Ашӯр Сафар ва Хайрандеш зодагони ин диёри таърихиву бостонӣ мебошанд, ки бо ҳунари волои хеш фарҳангу ҳунари нотакрору беназири миллати тамаддунофари тоҷикро дар гӯшаву канори гуногуни олам муаррифӣ намудаанд.
Ноҳия бо ҳавои софу беғубор, кӯҳҳои сарбаафлок, чашмаҳои зулолу мусаффо, рӯду дарёҳои пурхурӯшу тезҷараён ва ҳайвоноту набототи нодир на танҳо дар ҷумҳурӣ, балки берун аз он шуҳрати зиёд дорад. Дар баробари ин, мақбараҳои шахсиятҳои бузурги таърихӣ, ба монанди Эмоми Аскарӣ дар деҳаи Доғистон, Имом Ҷаъфари Содиқ дар деҳаи Даштиҷум, шайх Муҳаммадамини Валӣ дар деҳаи Поргвор, Саидабибии Робиямоҳ дар деҳаи Ҳоҷидара, шайх Ёрмуҳаммади Валӣ дар деҳаи Бахорак, домулло Абдулфайзи Малак дар деҳаи Оҳангарон, зиёратгоҳи хосу ом мебошанд.
Тайи даврони соҳибистиқлолӣ ноҳияи Шамсиддини Шоҳин ба шарофати сиёсати бунёдкоронаи Ҳукумати мамлакат сол ба сол  ободтару зебо мегардад. Ҳоло баҳри пешвози сазовори Ҷашни 30 - солагии Истиқлолияти давлатии Ҷумҳурии Тоҷикистон ва дар доираи Солҳои рушди деҳот, сайёҳӣ ва ҳунарҳои мардумӣ (2019 – 2021) дар ин диёри зархези Ватани маҳбубамон корҳои ободониву созандагӣ беш аз пеш вусъати тоза мегиранд. Қобили зикр аст, ки дар ин ҷода дар радифи мақомоти иҷроияи маҳаллии ҳокимияти давлатии ноҳия, инчунин, шахсони саховатманд низ саҳми арзанда мегузоранд. Дар ин давра бо ибтикору дастгирии онҳо як қатор иншооти иҷтимоӣ мавриди баҳрабардорӣ  қарор гирифт. Аз ҷумла, соҳибкори маҳаллӣ Шамс Назаров дар шафати Шоҳроҳи бузурги Абрешим, ки аз маркази ноҳия мегузарад, боғи намунавӣ бунёд намуд. Боғ дорои 5 ҳазор ниҳоли сояафкану мевадор буда, дар дохилаш меҳмонхонаи замонавӣ қомат меафрозад. Соҳибкори дигари маҳаллӣ Аламхон Нуров низ дар шафати шоҳроҳ, дар доманаи кӯҳҳои осмонбӯс, меҳмонхонаи хуштарҳу замонавии дуошёна бунёд намуд, ки барои қабули меҳмонон бо тамоми шароити будубошаш омодаи хизмат аст.
Тавре муовини раиси ноҳия Санам Ғаффорзода иттилоъ дод, ин ҳама ободкориву созандагиҳо ва навгониҳо аз он далолат медиҳанд, ки мардуми сарбаланду баору номуси ноҳияи баландкӯҳи овозадори Шамсиддини Шоҳин ҳидоятҳои роҳбарияти олии мамлакатро сармашқи кори худ карда, баҳри боз ҳам шукуфо намудани ин диёри маҳбуб камари ҳиммат бастаанд. Солҳои охир сохтмони даҳҳо иншооти таъйиноти гуногун, эъмор ва таъмиру таҷдиди роҳҳо, бунёди инфрасохтори сайёҳӣ бо муҳайё намудани ҷойҳои нави корӣ ба анҷом расонда шудаанд. Ҳоло бошад, навсозии қитъаи роҳи автомобилгарди 32,7 километраи   Кӯлоб – Шамсиддини Шоҳин тибқи талаботи замони муосир ва ҷавобгӯ ба стандартҳои байналмилалӣ бо маром идома дорад. Мардуми заҳматкаши ноҳияи Шамсиддини Шоҳин бо такя ба таҷрибаи созандаи гузаштагони худ, бо эҳсоси баланди ватандӯстӣ ва ифтихор аз давлатдории миллӣ корҳои ободонии диёри куҳанбунёду зебоманзари худро вусъат бахшида, ба дастовардҳои назаррас ноил гардида истодаанд.

Холназар КАСИРОВ,
«Ҷумҳурият»


Баёни ақида (0)    Санаи нашр: 30.11.2019    №: 227    Мутолиа карданд: 335

27.01.2020


«ҶОМИ РУШД - 2020». Наврасони тоҷик соҳиби медалҳои нуқра гаштанд

Заминларзаи сахт дар Туркия ва ҳалокати 38 нафар

Зеленский аҳамияти музокироти бевосита бо Путинро таъкид дошт

Гуфтушуниди Лукашенко дар бораи хариди нафт бо ИМА, АМА ва Арабистони Саудӣ

Дар ИМА музокироти тиҷоратӣ бо Британияро дар як сол анҷом доданианд

Ҷаҳон дар як сатр

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад


Дар сомонаҳои дигари Тоҷикистон хонед