logo

фарҳанг

ФОТЕҲИ ҚУЛЛАҲОИ ОРМОН. БАРДОШТ АЗ ҲАМОИШИ МУҲИМ

Дар Донишкадаи давлатии забонҳои Тоҷикистон ба номи Сотим Улуғзода конфронси ҷумҳуриявӣ таҳти унвони «Фотеҳи қуллаҳои ормони миллат» баргузор гардид. Аз номаш пайдост, ки ҳамоиши мазкур ба хидматҳои бедареғи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар роҳи эҳёи дубораи миллат ва пойдории сулҳу амният дар кишвар бахшида шуд.
Иштирокчиён якдилона ба корҳои созандагӣ, ободонӣ ва пешрафти давлат дар соҳаҳои гуногун, ки бо ҳидоятҳои Сарвари давлат сурат гирифта истодаанд, арҷ гузошта, барои сабақ аз рӯзҳои вазнини солҳои навадуми асри ХХ ёд карданд.
Ректори донишкада Маҳмадулло Раҷабзода ба қудрат, ҷасорат ва якқавлии Пешвои миллат ишора карда, гуфт: «Баъди кӯтоҳтарин муддати Президенти Ҷумҳурии Тоҷикистон интихоб шудан, муҳтарам Эмомалӣ Раҳмон азм карданд, ки баҳри осудагии кишвар ва озодона нафас кашидани сокинони аз ҷанг озордида ба Афғонистон сафар намоянд. Аз ҷониби Афғонистон ҳар замон огоҳ мекарданд, ки ба бехатарии намояндагони Тоҷикистон ҷавоб дода наметавонем. Вазъ хеле муташанниҷ аст, гурӯҳҳои ифротиву террористӣ ҳар лаҳза метавонанд ҳуҷум созанд ва ба амният рахна зананд. Аммо Сарвари кишвар бо иродаи матин дил ба дарё зада, сафарро ба Афғонистон анҷом доданд. Воқеан, сафарашон бо пирӯзӣ анҷом ёфт. На танҳо замон нишон дод, ки дар эъмори давлати навини тоҷикон ибтикороти ҷиддиву қатъӣ доранд, балки ба мухолифин низ собит шуд, ки давлат соҳибашро ёфтааст ва ба ҷуз аз сулҳу салоҳ чорае нест». Айнан ҳамин сафар заминаи воқеии сулҳи тоҷиконро поя гузошт.
Дар баробари шунидани маърузаҳо, инчунин, донишҷӯён филмҳои ҳуҷҷатии «Марди роҳ» ва «Президенти мардумӣ» - ро тамошо карданд. Дар он наворҳои таърихӣ аксари лаҳзаҳои ҳассоси сафарҳои Президенти кишвар ба Афғонистон ва давлатҳои дигар сабт шудаанд.
Рудоба Мустаҷоб, муовини раиси Кумитаи иҷроияи Ҳаракати ваҳдати миллӣ ва эҳёи Тоҷикистон, дар суханронии хеш таваҷҷуҳи Сарвари давлатро ба оромии ҷомеа ва баргардондани гурезагон махсус таъкид карда, изҳор дошт: «Пешвои муаззами миллат ба ҳазорон достону шеър арзандаанд. Коре, ки он кас барои миллат сомон доданд, номашонро барои ҳамеша дар дилу дидаҳо зинда нигаҳ медорад. Ашки шодии гурезагон баъди бозгашт, дуои модарони фарзандгумкарда, пирони рӯшандил, хандаҳои кӯдакони ба сулҳ расида ба мисоли дуоҳо ба номи Сарвари кишвар нисор мешавад. Самимияту миннатдории замири онҳоро Пешвои миллат аз чашмонашон эҳсос мекунанд ва аз ин хотир, дар сафарҳои хеш ба манотиқи гуногуни мамлакат бо мардум чун хешу ақрабо муносибат карда, дилёбиву дилҷӯӣ мекунанд».
Дар ҳақиқат, хидматҳои Сарвари далат дар роҳи пойдор мондани халқу миллат калон аст. Инро намоёнтарин чеҳраҳои сиёсии ҷаҳон зикр кардаанд. Бештари онҳо ба боздоштани ҷанг аз тарафи Пешвои миллат ишора мекунанд, ки дар таърих назир надорад. Дар мисоли миллати аз ҷанг ранҷдидаи афғон мебинем, ки аз оташи ҷанг бурун кашидани мамлакат чӣ қадар душвор аст.
Муовини Кумитаи кор бо ҷавонон ва варзиши назди Ҳукумати Ҷумҳурии Тоҷикистон Дилноза Аҳмадзода дар меҳвари сиёсати муҳтарам Эмомалӣ Раҳмон қарор доштани ҷавононро зикр карда, аз ҷумла гуфт: «Дар солҳои нахустини соҳибистиқлолӣ, дар ҳоле ки алангаи ҷанги  шаҳрвандӣ кишварро фаро гирифт, мардум парокандаю бесоҳиб монда буд, эҳсоси яъсу навмедӣ на танҳо мардуми одӣ,  балки аксари  чеҳраҳои аввали сиёсату амалро низ фаро гирифта буд. Пешвои шуҷоъ ва хайрхоҳи миллат ба халқи худ хитоб намуданд:  "Ман ба шумо сулҳ меоварам!». Дар он замони мураккаб ягона шахсе буданд, ки мардуми азияткашида чун умеди охирин ба ӯ ҳамчун фариштаи наҷот  бо чашми умед нигаристанд. Ин ҷавонмард бо қатъият ва ҷиддият аз нияти неки худ башорат дода,  дар дили мардум шуълаи боварро фурӯзон ва ба ваъдаи худ вафо намуданд.
Мардум шоҳиди он гаштанд, ки  роҳи сулҳ чӣ сон мушкилу пурпечутоб буд, вале ин абармард аз байни обу оташ гузашта, машъали сулҳро дар ин  кишвари ҷангзада дубора афрӯхтанд».
Аз ишораҳои рӯшани Зулфия Давлатзода, муовини раиси Кумитаи кор бо занон ва оилаи назди Ҳукумати Ҷумҳурии Тоҷикистон, маълум гашт, ки сулҳи деринтизори миллатро аз ҳама бештар занону модарон ба ҷон мехостанд.
- Барои зан - модар, ки давом-диҳандаи ҳаёт дар рӯи Замин аст, дидани марги офаридаҳояш сахт сангин аст. Барои ҳамин, модаронро аксар маврид чун намоди осоиштагӣ ва оромӣ мешиносанд. Хушбахтона, ба толеи баланди ҳазорон модари дилсӯхта Пешвои миллат парчами ваҳдатро парафшон карданд. Кам набуданд бонувоне, ки шукр аз зинда мондани дуюм ё сеюм фарзанди худ мекарданд. Ҷои писари шаҳидамро ин писарам мегирад, муҳим Тоҷикистон ором бошад, мегуфтанд модарони дарёдил, - изҳор дошт Зулфия Давлатзода.
Ширкатварзидагон дар муроҷиат ба ҷавонони фаъол ва ояндасоз таъкид доштанд, ки ҳаёту фаъолияти фотеҳи қуллаи ормонҳои миллат муҳтарам Эмомалӣ Раҳмонро чун сабақ бояд бипазирем ва дар рӯзгор, кору фаъолият ва иқдомҳои илмиву эҷодии хеш иродаи қавӣ ва якқавлии Пешвои муаззамро чун намуна истифода барем.
Дар ҳамоиш донишҷӯён бо як барномаи зебову хотирмон ва муназзаму омӯхтанӣ дили ҳозиринро шод карданд. Дар рафти барнома садоқату самимият ва эҳтироми хешро ба Сарвари давлат, Ҳукумат, арзишҳои миллӣ ва бузургони илму адаб баён доштанд.

Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 03.12.2019    №: 228    Мутолиа карданд: 1692
25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд


Дар сомонаҳои дигари Тоҷикистон хонед