logo

энергетика

НУРИ РАҲМОНӢ БА "РОҒУН" ҲАМ РАСИД

Неругоҳи барқи обии “Роғун” самараи истиқлолу озодии Ватани маҳбуби мо буда, ба кор оғоз кардани агрегати дуюми он дар рӯзи таҷлили Ҷашни бузурги миллӣ - Истиқлолияти давлатӣ беҳтарин туҳфа ба мардуми шарифи Тоҷикистон буд.

“Роғун” ҳамчун иншооти тақдирсоз натиҷаи орзуву омоли нек, азму иродаи қавӣ, дастгириву пуштибонии самимӣ ва саҳми ватандӯстонаи халқи шарафманди кишвар мебошад, ки бо дастуру ҳидоятҳои Пешвои миллат бунёд гашта истодааст.
Мегӯянд, миллатеро, ки Худо дӯст дорад, роҳбари оқилу доноро насибаш мегардонад. Маҳз ақлу заковат, ҷасорату ҷуръат, фидокориву ҷоннисорӣ, меҳандӯстиву раиятпарварии Сардори давлат буд, ки мо - мардуми волофарҳанги тоҷик ба чунин рӯзҳои хуш расидем.
Воқеан ҳам, Пешвои муаззами миллат, ҳамчун шахсияти таърихсоз дар марҳилаи кунунии дар ташаккул ва рушди давлатдории миллии мо тавонист ҳар қавлеро, ки ба мардумаш дода буд, сарбаландона иҷро намояд. Тоҷикистонро аз харобаҳои баъдиҷангӣ бурун сохта, ба кишвари чароғону обод табдил дода, роҳ ба сӯйи рушди устуворро пеш гирифт. Ҷавонии худро фидои ҳамеша ҷавон мондани Тоҷикистон ва мардуми тоҷик намуд. Сидқан дӯст доштани Ватану миллатро ба ҳамагон бо амалашон омӯхт. Устуворӣ дар роҳи ба даст овардани мақсад, иродаи матин ва рӯҳафтода нашудан дар назди мушкилиҳо аз накутарин хислатҳое ҳастанд, ки тавассути онҳо Пешвои муаззами миллат дар шароити пурталотуми ҷомеаи ҷаҳонӣ давлатдории миллии моро беосеб пеш бурда истодаанд.
Ба василаи мушкилнописандӣ ва рӯҳи қавию иродаи устувори  ӯ  мо имрӯзҳо шоҳиди ба воқеият мубаддал гаштани афсона ва орзую ормони миллат гашта истодаем. Кору пайкор ва фаъолияти таърихсозиаш аз корномаи як шахсияти бузурги таърихӣ дар масири бунёди давлатдории миллӣ дарак медиҳад, ки аз ин метавон ифтихор кард. Бо пурра бунёд гаштани Неругоҳи барқи обии «Роғун» оғози боз як марҳилаи нави таърихӣ моро дар пеш аст, ки имкониятҳои бештареро баҳри таҳкими истиқлолияти энергетикӣ ва рушди устувор фароҳам оварда, халқро дар роҳи бунёдкорию созандагӣ раҳнамун ва рӯҳбаланд месозад. «Роғун» шаҳодати ҳамдилии Пешвои миллат бо ҷомеа аст, ки имрӯз муваффақиятро дар самти амалӣ намудани ҳадафҳои стратегӣ таъмин намуда истодааст.
Пешвои миллат,  барҳақ таъкид мекунанд:
«Он рӯз дур нест, ки дар партави нури "Роғун" Парчами давлатии Тоҷикистони соҳибистиқлол ва тоҷи заррини давлати тоҷикон ҷилои тозае хоҳад гирифт». Воқеан он рӯз расид, ки ба воситаи нури Раҳмонӣ партави нури «Роғун» Парчами Тоҷикистони соҳибистиқлол ва тоҷи заррини давлати тоҷиконро ҷилои тозае бахшид.
Бешубҳа, тақдири сохтмони ин иншооти азими аср ба Пешвои миллат тааллуқ дорад ва аз ин лиҳоз, месазад, ки ба хотири хизматҳои шоён ва нотакрораш НБО «Роғун» ба номи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон номгузорӣ шавад!

Исфандиёр БАДАЛОВ, докторанти PhD-и Донишгоҳи
давлатии Кӯлоб ба номи Абуабдуллоҳи Рӯдакӣ


Баёни ақида (0)    Санаи нашр: 04.12.2019    №: 229    Мутолиа карданд: 4769
25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД

22.02.2021


ҶОМИ ФФТ – 2021. "ИСТИҚЛОЛ" МАРОТИБАИ ШАШУМ СОҲИБИ ҶОМИ ФФТ ШУД

АЗ НИШАСТҲОИ МАТБУОТӢ

МИЗИ МУДАВВАР. БАРРАСИИ МАВЗӮИ КОРКАРДИ НАХИ ПАХТА ТО МАҲСУЛОТИ НИҲОӢ

ХАТЛОН. ҶАМЪБАСТИ ОЗМУНҲОИ ОЯНДАСОЗ

19.02.2021


АЪЗОИ ТАШКИЛОТИ ТЕРРОРИСТИИ «ҲИЗБ УТ-ТАҲРИР» БА ДАСТ АФТОДАНД

ҶАҲОН ДАР ЯК САТР

АЗ НИШАСТҲОИ МАТБУОТӢ

АЗ НИШАСТҲОИ МАТБУОТӢ

ДУШАНБЕ. ИҚДОМОТИ БЕСОБИҚАИ ШАҲРДОРӢ ДАР ТАҲКИМИ ҲАВАСМАНДИИ ҶАВОНОН БА АРТИШ

«САНЪАТШИНОСӢ» ПАДИДАИ НАВ ДАР ҲУНАРШИНОСИИ ТОҶИК

ИММУНИЗАТСИЯ. БЕМОРИИ ФАЛАҶРО ПЕШГИРӢ МЕКУНЕМ!

ҶАҲОН

ҶАҲОН ДАР ЯК САТР

17.02.2021


АЗ НИШАСТҲОИ МАТБУОТӢ

ҶАҲОН

ҶАҲОН ДАР ЯК САТР

РАШТ. ҲАДАФИ ЧОРУМИ МИЛЛӢ ЗИНДАГИРО РАНГИ ДИГАР МЕБАХШАД

ОЗМУНИ ҶУМҲУРИЯВИИ «ҲУНАРҲОИ ОРОИШӢ АЗ САНГ» ҶАМЪБАСТ ГАРДИД

ХАТЛОН. СОДИРОТИ БЕШ АЗ 108 000 ТОННА МАҲСУЛОТИ КИШОВАРЗӢ

ЭКОЛОГИЯ. НАҚШАИ НИҲОЛШИНОНӢ 30 ДАРСАД ЗИЁД ИҶРО ГАШТ

НОРАК. АВЛАВИЯТ БА КИШТИ ТАКРОРӢ

16.02.2021


АЗ НИШАСТҲОИ МАТБУОТӢ

ҶАҲОН

Навидҳои фарҳанг

15.02.2021


АЗ НИШАСТҲОИ МАТБУОТӢ


Дар сомонаҳои дигари Тоҷикистон хонед