logo

иҷтимоиёт

ХИЗМАТИ ПУЛАКИИ ТИББӢ. ЧАРО ОН ДАР ВМКБ ВУСЪАТ НАМЕЁБАД?

Дар се соли охир 26 муассисаи тандурустии вилоят ба Феҳристи хизматрасонии тиббии пулакии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дохил гардида, ба аҳолӣ дар самтҳои ташхис, пешгирӣ ва табобат хизмат расонда истодаанд. Соли равон аз ин ҳисоб ба суратҳисоби муассисаҳои табобатию профилактикии вилоят 2 949 287 сомонӣ ворид гардид, ки нисбат ба  нақша бештар аз 2 миллион сомонӣ ва дар таносуб ба соли 2018 - ум  849 286 сомонӣ зиёд мебошад. Ҳамзамон, дар ин давра ба 10 071 нафар шахси дорои имтиёз ба маблағи 262 566 сомонӣ хизматрасониҳои тиббию санитарии ройгон расонда шуд. Ин матлабро Фарид Музаффаров, сардори раёсати тандурустии Вилояти Мухтори  Кӯҳистони Бадахшон, дар суҳбат бо хабарнигори “Ҷумҳурият” зикр намуда, ҳамзамон, изҳори нигаронӣ кард, ки ҷиҳати ҷавобгӯ набудани базаи моддию техникии аксарияти муассисаҳои табобатии хадамоти госпиталии шаҳру ноҳияҳои вилоят ва гаронарзиш будани доруворӣ хизматрасонии пулакӣ дар ин муассисаҳо то ҳол роҳандозӣ нашудааст.
Мутобиқи  Қарори  Ҳукумати  Ҷумҳурии Тоҷикистон  аз 25 феврали  соли  2017   «Дар бораи Барномаи кафолатҳои давлатӣ оид ба таъмини аҳолӣ бо кумаки тиббию санитарӣ дар ноҳияҳои таҷрибавии Ҷумҳурии Тоҷикистон барои солҳои 2017 - 2019» ба  тариқи пилотӣ дар беморхонаҳои марказӣ ва минтақавӣ, шабакаҳои кумаки аввалияи ноҳияҳои Шуғнон ва Рӯшон хизматрасонии тиббии ройгон ва бо шартҳои ҳампардохт (пардохтҳо аз тарафи беморон ва  маблағҳои буҷавӣ) ҷорӣ гардида бошад ҳам, аз ин ҳисоб ба  суратҳисоби муассисаҳои номбурда ҳамагӣ 634524 сомонӣ ворид шудааст, ки нисбат ба нақшаи пешбининамудаи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон 159875 сомонӣ камтар мебошад. Гаронарзиш будани нархи доруворӣ ва маводи бандубаст, ҳанӯз ҳам ҷой доштани ҳолатҳои камбизоатии аҳолии шаҳру ноҳияҳои вилоят, нокифоя будани маблағҳои буҷетӣ барои таъмин бо доруворӣ ва хӯрокворӣ дар ноҳияҳои таҷрибавӣ барои амалисозии барнома монеа эҷод мекунанд. Ин  аст, ки  дар беморхонаҳои  минтақавию ноҳиявӣ  нақшаи  пардохти  ҳаққи хизмати  пулакӣ ҳамагӣ ба  андозаи 30 - 50 дарсад иҷро  гардидааст. Фарид Музаффаров зикр кард, ки азбаски ин  муассисаҳо то ҳол бо таҷҳизоти зарурии ташхис ва мутахассисон пурра таъмин нашудаанд, сокинони навоҳии вилоят бештар ба беморхонаи вилоятӣ муроҷиат менамоянд, ё барои ташхису табобат  ба шаҳри Душанбе ва хориҷи мамлакат мераванд. Ҳарчанд солҳои  охир бо кумаки Вазорати тандурустӣ ва ҳифзи иҷтимоии аҳолии  кишвар ва мақомоти маҳаллии  ҳокимияти давлатӣ, шарикони рушд  дар самти таъмини муассисаҳои табобатии вилоят бо таҷҳизоти муосир ва бозомӯзии мутахассисон қадамҳои устувор гузошта шуда   бошанд ҳам, вале натиҷаҳо то ҳол на дар ҳамаи муассисаҳо  қонеъкунандаанд. Масалан, дар касалхонаи вилоятии шаҳри Хоруғ, ки ба масоили беҳтар кардани сифати хизматрасонӣ, баланд  бардоштани шароити кории кормандон таваҷҷуҳи бештар равона  гардидааст, нақшаи қабули беморон беш аз 6 баробар иҷро шуда, даромад ба суратҳисоб ҳам хеле афзудааст. Ин имкон дод, ки муассиса ба кормандони маркази ташхисии назди касалхонаи  вилоятӣ ба ғайр аз маоши асосӣ ба таври илова ҳар моҳ 1500 сомонӣ пардохт намояд. Баланд бардоштани маоши кормандон бошад, ба  беҳтар гардидани сифати хизматрасонӣ, дастрасии бештар ба  таҷҳизоти муосири тиббӣ мусоидат мекунад. Мутаассифона, ин ҳолат  дар дигар муассисаҳои табобатии вилоят камтар ба мушоҳида мерасад.
Аммо Ёдгор Файзов, раиси вилоят, зикр кард, ки сабаби асосии пешрафт накардани кор дар самти ҷорӣ кардани хизмати пулакӣ дар  муассисаҳои табобатии вилоят - ин муносибати саҳлангоронаи масъулин  ба масъала мебошад. Ба таъкиди раиси вилоят, ҳар як ислоҳот кори  нимколаро намепазирад. Азбаски қарорҳои Ҳукумати ҷумҳурӣ дар ин самт дар муассисаҳо пурра ва бо назардошти имконоти воқеӣ амалӣ нагардидаанд, таҷриба ба пешравиҳо муваффақ нашудааст. Ҳангоми  қабули барнома бисёр коршиносони дохиливу хориҷӣ дар баробари зикри ҷиҳатҳои мусбати он ба баъзе норасоиҳои он эрод гирифта  буданд. Яке аз он эродҳо ба он рабт дошт, ки дар барнома ба  қишрҳои гуногуни ҷомеа қатъи назар аз шароити феълиашон имтиёзҳо  дода шудаанд. Ва ин дуруст ҳам аст, зеро нисбат ба шахсе, ки  мубталои касалии қанд асту шароити зиндагониаш хуб мебошад, зарурати пешниҳоди имтиёз нест, вале тибқи барнома ба чунин нафарон имтиёз дода мешавад. Чунин  мисолҳо дар вилоят кам нестанд. Бинобар ин, ба муассисаҳои  табобатӣ зарур аст, ки дар татбиқи қарорҳои номбурда маҳз шароити  воқеии зисту зиндагии маризонро ба инобат гиранд.
Таъминоти муассисаҳои тиббӣ бо таҷҳизоти муосир омили муҳими сифати хизматрасонӣ мебошад. Қатъи назар аз ин, ки ҷиҳати таъмини муассисаҳои тиббӣ бо таҷҳизоти муосир бо дастгирии Ҳукумати ҷумҳурӣ қадамҳои  устувор гузошта шуда бошанд ҳам, дар ин самт ҳанӯз норасоиҳо ҷой  доранд. Норасоии кадрҳое, ки дар муассисаҳои тандурустӣ бо ин   таҷҳизот қобилияти кор  кардан доранд, монеаи дигари пешрафти кор дар самти хизматрасонии пулакӣ унвон гардид.

Раҳмони  ГУЛЗОР,
“Ҷумҳурият”


Баёни ақида (0)    Санаи нашр: 05.12.2019    №: 230    Мутолиа карданд: 1289
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед