logo

фарҳанг

СУҒД. ДАВРИ ВИЛОЯТИИ ОЗМУНИ "ФУРӮҒИ СУБҲИ ДОНОӢ…" ҶАМЪБАСТ ГАРДИД

Имсол бо мақсади баланд бардоштани завқи китобхонӣ, тақвияти ҳофизаи таърихӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, бой гардондани захираи луғавӣ, ҷаҳони маънавӣ ва фаъолгардонии доираи забондонии қишрҳои мухталифи ҷомеа, аз ҷумла хонандагону донишҷӯёни ҳамаи зинаҳои таҳсилот, бо Амри Президенти Ҷумҳурии Тоҷикистон ҷиҳати баргузории озмуни ҷумҳуриявии «Фурӯғи субҳи доноӣ…» ба тасвиб расид.

Баҳри татбиқи амалии амри мазкур китобдорони вилояти Суғд таҳти назорату роҳбарии маъмурияти китобхонаи вилоятии оммавии ба номи Тошхӯҷаи Асирӣ, ки сарварии онро номзади илмҳои филология, адабиётшиноси шинохтаи кишварамон Баҳром Мирсаидов ба уҳда дорад, шурӯъ аз 10 - уми феврали соли ҷорӣ, баробари ташкили гӯшаҳои тарғиботиву ташвиқотӣ дар китобхонаҳо, гурӯҳҳои алоҳидаеро дар ҳайати китобдорони ботаҷриба таъсис дода, мақсади ташкилу баргузории озмунро ба аҳолӣ фаҳмонданд. Дар ин самт фаъолияти ҳафт гурӯҳи таблиғотиву ташвиқотии китобхонаи вилоятӣ дар ҳудуди шаҳри Хуҷанд барои китобдорони шаҳру ноҳияҳои вилояти Суғд намунаи ибрат буд ва фаъолияти ҳар як гурӯҳ тавассути сомонаи китобхонаи мазкур (www.asiri.tj) инъикос гашт. Ин тадбирандешии китобдорон буд, ки тибқи «Тартиби баргузории озмуни ҷумҳуриявии «Фурӯғи субҳи доноӣ…» озмун аз рӯи чаҳор номинатсия дар деҳоту шаҳрак, ноҳияву шаҳрҳои вилояти Суғд дар сатҳи хеле баланд доир гашт.
Мувофиқи иттилооти китобхонаи вилоятӣ санаҳои 15 – 29 - уми июн даври аввали озмуни ҷумҳуриявӣ дар ҷамоати шаҳраку деҳот ва 6 – 30 - юми июли соли ҷорӣ даври дуюми озмун дар шаҳру ноҳияҳои вилоят доир гардиданд. Дар даври шаҳриву ноҳиявӣ 1059 нафар ғолиби даври аввал ширкат дошт. Аз буҷети мақомоти маҳаллии ҳокимияти давлатии шаҳру навоҳии вилояти Суғд барои давраи дуюми озмун ҷамъан 116 255 сомонӣ ҷудо гардид. Тибқи муқаррароти баргузории озмун ба даври вилоятӣ 90 нафар ғолиби даври дуюм  даъват шуд ва  дар толори Кохи фарҳанги «Суғдиён» - и шаҳри Хуҷанд дар ҳузури ҳайати бонуфузи ҳакамон барои ба даст овардани пирӯзии навбатӣ донишу маҳорати худро нишон доданд. Ба ҳайати ҳакамон Фарҳод Раҳимӣ, муовини раиси комиссияи ҷумҳуриявии озмун, президенти Академияи илмҳои Ҷумҳурии Тоҷикистон, Муҳаммадшариф Бобошоҳзода, муовини аввали раиси Кумитаи телевизион ва радиои назди Ҳукумати Ҷумҳурии Тоҷикистон, Зайнура Азимӣ, муовини раиси вилояти Суғд, Ато Мирхоҷа, муовини аввали раиси Иттифоқи нависандагони Тоҷикистон, Аҳмадҷони Раҳматзод, раиси бахши суғдии Иттифоқи нависандагони Тоҷикистон, Фарзона ва Камол Насрулло, шоирони халқии Тоҷикистон ва дигар шахсиятҳои шинохтаи кишвар шомил буданд.
Нафарони дар даври вилоятӣ ширкатнамударо олимон, докторантон, магистрантон, омӯзгорон, рӯзноманигорон, китобдорон, донишҷӯён, хонандагон ва намояндагони қишрҳои дигари ҷомеа ташкил медоданд. Донишу маҳорати довталабон аз рӯи меъёрҳои шарҳи мухтасари асар, маълумот оид ба қаҳрамонони асосӣ ва баёни лаҳзаҳои ҷолиби асар, озодбаёнӣ ва санъати суханварӣ, ҳунари ровигӣ ва наққолӣ, қобилияти луғатдонӣ ва тавзеҳи он, дарки дурусти мазмуну муҳтавои асар, таассурот аз хондани осор санҷида ва баҳогузорӣ шуд.
Тибқи қарори комиссияи баргузории даври вилоятии озмуни ҷумҳуриявии «Фурӯғи субҳи доноӣ...» 13 нафар ғолиби озмун аз рӯи ишғоли ҷойҳо дар чаҳор номинатсия бо туҳфаҳои хотиравӣ ва мукофоти пулии мақомоти иҷроияи ҳокимияти давлатии вилояти Суғд сарфароз гардонда шуд. Мутобиқи қарори ҳайати ҳакамон шоҳҷоиза насиби Моҳрӯ Қурбонзода, магистранти Донишгоҳи давлатии Хуҷанд ба номи академик Бобоҷон Ғафуров, гардид. Дар номинатсияи аз ёд кардану хондани осори адибони классики тоҷик Осими Оқил,  мудири кафедраи коркарди конҳои канданиҳои фоиданоки Донишкадаи кӯҳӣ - металлургии Тоҷикистон, Ҳадятулло Бобоев, омӯзгори фанни забон ва адабиёти тоҷики Донишкадаи омӯзгории Тоҷикистон дар шаҳри Панҷакент ва  Азиза Заҳурзода, хонандаи синфи 10, муассисаи таҳсилоти миёнаи умумии № 6, ноҳияи Мастчоҳ, ғолиб дониста шуданд. Рухшона Норова, хонандаи синфи 7, муассисаи таҳсилоти миёнаи умумии № 34, шаҳри Панҷакент, Фаридун Ёқубов,  хонандаи синфи 9, гимназияи № 2, шаҳри Истаравшан ва  Фарангис Мамадҷонова,  хабарнигори рӯзномаи «Шуҳрати Ашт», бошанд, дар номинатсияи аз ёд кардану хондани осори адибони муосири тоҷик дастболо шуданд. Ҷойҳои аввалро дар номинатсияи аз ёд кардану хондани ашъори бачагона ва афсонаву ривоятҳои халқӣ Зебунисои Азизиён,  хонандаи синфи 6, гимназияи № 2, ноҳияи Деваштич, Лайло  Қӯзибоева, хонандаи синфи 4, муассисаи таҳсилоти миёнаи умумии № 8, шаҳри Хуҷанд ва Таййибаҳ Шарофиддинова, хонандаи синфи 9,  мактаби президентӣ барои хонандагони болаёқат дар шаҳри Бӯстон, ба даст оварданд. Дар номинатсияи  аз ёд кардану хондани осори адабиёти ҷаҳон Асламбек Алибеков, хонандаи синфи 9, муассисаи таҳсилоти миёнаи умумии № 6, шаҳри Панҷакент, сазовори ҷои якум, Манижа Воситзода, донишҷӯи факултети филологияи руси Донишгоҳи давлатии Хуҷанд ба номи Б. Ғафуров, сазовори ҷои дувум ва Гулнозаи Шукрулло,  хонандаи синфи 10, муассисаи таҳсилоти миёнаи умумии № 31, ноҳияи Айнӣ, сазовори ҷои сеюм дониста шуданд.

А. ҚАЛАНДАРОВ


Баёни ақида (0)    Санаи нашр: 06.12.2019    №: 231    Мутолиа карданд: 914
25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд


Дар сомонаҳои дигари Тоҷикистон хонед