logo

иҷтимоиёт

ЛАХШ. ТАТБИҚИ БАРНОМА САМАРОВАР ХОҲАД БУД

Нигоҳе ба раванди амалишавии Барномаи маҳаллии рушди иҷтимоию иқтисодии ноҳияи Лахш барои солҳои 2018 - 2020 ва сохтмони як қатор иншоот ба истиқболи Ҷашни 30 - солагии Истиқлолияти давлатии Ҷумҳурии Тоҷикистон.
Бо мақсади таъмини иҷрои ҳадаф ва самтҳои Стратегияи миллии рушди Ҷумҳурии Тоҷикистон барои то давраи соли 2030 ва Барномаи миёнамуҳлати рушди иҷтимоию иқтисодии Ҷумҳурии Тоҷикистон барои солҳои 2016 - 2020, Барномаи маҳаллии рушди иҷтимоию иқтисодии ноҳияи Лахш барои солҳои 2018 -  2020 қабул гардид. Барнома иҷрои  136 лоиҳаи афзалиятнокро барои таъмини рушди соҳаҳои иқтисодию иҷтимоии ноҳия дар бар мегирад, ки аз тарафи ҷамоатҳои шаҳраку деҳот, соҳаҳои маориф, фарҳанг, тандурустӣ ва кишоварзӣ пешниҳод шудаанд.
Маблағи умумии лоиҳаҳо 82,2 миллион сомониро ташкил медиҳад. Аз шумораи умумии лоиҳаҳо ба соҳаи иқтисодӣ 46 адад  бо маблағи 17,5 миллион сомонӣ, ба иҷтимоиёт 48 - то ба маблағи 32,7 миллион сомонӣ, ба ҳифзи муҳити зист ва ҳолатҳои фавқулода 6 лоиҳа ба маблағи 1,0 миллион сомонӣ, ба инфрасохтор  35  адад  ба маблағи 30,2 миллион сомонӣ,  ба бахши таъминоти захиравӣ 5 - то ба маблағи 0,7 миллион сомонӣ рост меоянд. Аммо иҷрои барнома ба маблағи 7 миллиону 866,3 ҳазор сомонӣ ё баробари 9,6 фоиз таъмин гаштааст. Тибқи дурнамо дар соли 2019 бояд 112 лоиҳаи иҷтимоию иқтисодӣ амалӣ мегардид.
Зикр бояд намуд, ки Барномаи рушди иҷтимоию иқтисодии ноҳияи Лахш барои солҳои 2018 - 2020 дар мувофиқа бо вазорату идораҳои дахлдори ҷумҳурӣ ва дар ҳамкорӣ бо Вазорати рушди иқтисод ва савдои Ҷумҳурии Тоҷикистон таҳия ва қабул гардидааст. Аммо, амалисозии лоиҳаҳои пешбинишудаи барномаи мазкур аз тарафи вазоратҳои кишоварзӣ, маориф ва илм, тандурустӣ ва  ҳифзи иҷтимоии аҳолӣ, фарҳанг ва нақлиёти Ҷумҳурии Тоҷикистон то ҳол дастгирии худро наёфтааст. Чунончи, аз тарафи Вазорати молияи Ҷумҳурии Тоҷикистон зиёд намудани маблағгузории солонаи сохтмони бинои нотамоми мактаби № 9 дар деҳаи Ҷиргатол, аз тарафи Вазорати маориф ва илми Ҷумҳурии Тоҷикистон сохтмони бинои маъмурии шуъбаи маорифи ноҳия, ташкил намудани лабораторияҳои фаннӣ дар панҷ мактаб, бунёди биноҳои таълимии муассисаҳои таҳсилоти миёнаи умумии рақамҳои 7, 13 ва 56, коллеҷи омӯзгорӣ оғоз наёфтаанд. Инчунин, Вазорати меҳнат, муҳоҷират ва шуғли аҳолӣ ба таъмири бинои таълимии литсейи касбӣ – техникӣ даст назадааст. Вазорати тандурустӣ ва ҳифзи иҷтимоии аҳолӣ низ сохтмони бинои шуъбаи бемориҳои сироятиро, кашол медиҳад. Вазорати фарҳанг, сохтмони қасри фарҳангро дар маркази шаҳраки Ваҳдат фаромӯш кардааст. Вазорати нақлиёти Ҷумҳурии Тоҷикистон таъмири роҳи автомобилгарди деҳаи Сугат ба масофаи 10 километр ва роҳи автомобилгарди деҳаи Қашот, Қарасой, Оқсой ба масофаи 11 километр, барқарор сохтани заводи истеҳсоли асфалт бо иқтидори 350 тонна дар як шабонарӯз дар деҳаи Домбрачиро аз моҳе ба моҳе ҳавола медиҳад.
Тибқи иттилои роҳбари дастгоҳи раиси ноҳия Хуршед Икромов дар асоси Амри Президенти Ҷумҳурии Тоҷикистон аз 22 майи соли 2018, №1059АП  ва Нақшаи чорабиниҳои мақомоти иҷроияи маҳаллии ҳокимияти давлатии ноҳияи Лахш ҷиҳати  истиқболи Ҷашни 30 - солагии Истиқлолияти давлатии Ҷумҳурии Тоҷикистон барои солҳои 2018 - 2021 таъмиру барқарорсозӣ ва сохтмони  34 иншооти таъйиноти гуногун ба  нақша гирифта шудаанд. Аз ҷумла, аз ҳисоби маблағҳои Вазорати кишоварзии Ҷумҳурии Тоҷикистон сохтмони 1 иншоот, аз Иттифоқи “Тоҷикматлубот” таъмири 1 иншоот, аз маблағҳои буҷети маҳаллӣ 6 иншоот, аз соҳибкорон ва аҳолӣ 18 иншоот ва  аз ҳисоби ташкилотҳои хориҷӣ 8 иншоот ба нақша гирифта шуда буд, ки айни ҳол 10 адади онҳо мавриди истифода қарор ёфту корҳои сохтмонӣ дар  иншооти дигар идома доранд.          
Бояд гуфт, ки ба муносибати истиқболи арзандаи 30-солагии Истиқлолияти давлатии Ҷумҳурии Тоҷикистон аз шумори 136 иншооти нақшавӣ то 40 – тои он дар соли 2018 ба анҷом расонда шуд, 50 адад дар соли 2019 мавриди баҳрабардорӣ қарор дода мешавад.

Дилшод АМИРОВ, “Ҷумҳурият”


Баёни ақида (0)    Санаи нашр: 06.12.2019    №: 231    Мутолиа карданд: 950

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед