logo

фарҳанг

ХАТЛОН. РОҲХАТИ 40 НАФАР БА ДАВРИ ҶУМҲУРИЯВИИ ОЗМУНИ "ФУРӮҒИ СУБҲИ ДОНОӢ..."

Ба ифтихори Ҷашни 30 - солагии Истиқлолияти давлатии Ҷумҳурии Тоҷикистон таҳти сарпарастии Пешвои миллат муҳтарам Эмомалӣ Раҳмон бо мақсади баланд бардоштани завқи китобхонӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ ва таҳкими эҳсоси худогоҳию худшиносӣ дар кишвар озмуни ҷумҳуриявии «Фурӯғи субҳи доноӣ…» ҷараён дорад.

Чанде пеш дар маркази маъмурии вилояти Хатлон – шаҳри Бохтар бо иштироки намояндагони Вазорати маориф ва илм, Кумитаи телевизион ва радио, чеҳраҳои саршиноси илму адаб даври вилоятии озмун дар сатҳи баланд ҷамъбаст гардид.
Лоиқи зикр аст, ки дар марҳалаи вилоятии ин озмуни пурнуфуз наздики 400 нафар ширкат варзида, аксарашон бо сухандониву суханварӣ ва маҳорати волои қироати порчаҳо аз осори шеъриву насрии шоирон ва нависандагони классику муосири тоҷик дили ҳакамон ва, дар умум, кулли иштирокдоронро тасхир намуданд. Баргузории озмун бори дигар собит месозад, ки миёни намояндагони гуногуни қишри ҷомеа, бахусус наврасону ҷавонон, нафарони бозаковату лаёқатманд зиёданд.
Тибқи муқаррароти озмун, ҳакамон ба донишу маҳорати довталабон аз рӯи меъёрҳои баёни лаҳзаҳои ҷолиби асар, озодбаёнӣ ва санъати суханварӣ, ҳунари ровигӣ ва наққолӣ, қобилияти луғатдонӣ ва тавзеҳи он, дарки дурусти мазмуну муҳтавои асар, таассурот аз хондани осор баҳо гузоштанд.
Пас аз баррасиву натиҷагириҳо, дар номинатсияҳои аз ёд кардану хондани осори адибони классики тоҷик, аз ёд кардану хондани осори адибони муосири тоҷик, аз ёд кардану хондани ашъори бачагона ва афсонаву ривоятҳои халқи тоҷик, аз ёд кардану хондани осори адабиёти ҷаҳон мутаносибан Сафармоҳи Аҳмадбек (Ёвон), Маҳсумаи Маҳмурод (Ёвон), Нурбону Ятимова (Ёвон) ва Майсуна Муминова (Данғара) ғолиб дониста шуданд. Султон Каримов (Ёвон), Банда Талбакова (Кӯлоб), Ширини Мирбадал (Бохтар), Фарзона Темурова (Ёвон), Ҳумайнӣ Кароматзода (Данғара), Мадина Ҷабборова (Кӯшониён), Робия Қодирова (Кӯлоб) ва Файзулло Қадамов (Кӯшониён) сазовори ҷойҳои ифтихорӣ шуданд.
Боиси тазаккур аст, ки ғолибон бо шаҳодатнома ва 5000 сомонӣ, шахсоне, ки ҷойҳои дувуму сеюмро гирифтанд, бо шаҳодатнома ва мутаносибан 3000 ва 2000 сомонӣ сарфароз гаштанд. Инчунин, 28 иштирокчии дигар, ки ба даври ҷумҳуриявии озмун роҳхат ёфтанд, ҳар яке бо ифтихорномаи мақомоти иҷроияи ҳокимияти давлатии вилояти Хатлон ва 1000 сомонӣ мукофотпулӣ қадр  шуданд. Ба 34 иштирокдори фаъол, ҳарчанд ба даври ҷумҳуриявии озмун роҳхат наёфтанд, сипоснома ва 500 сомонӣ  тақдим гардид.
Бояд гуфт, ки дар маҷмӯъ аз вилояти Хатлон барои иштирок дар даври ҷумҳуриявии озмуни «Фурӯғи субҳи доноӣ...» 40 нафар роҳхат гирифт.

Кароматулло АТО,
«Ҷумҳурият»


Баёни ақида (0)    Санаи нашр: 09.12.2019    №: 232 - 233    Мутолиа карданд: 473
03.04.2020


ВАРЗОБ. ТАВАҶҶУҲ БА ВАРЗИШ МЕАФЗОЯД

«ЮВЕНТУС» РОНАЛДУРО БА 70 МИЛЛИОН ЕВРО ФУРӮХТАНИСТ

ТЕЪДОДИ АШХОСИ АЗ КОРОНАВИРУС ШИФОЁФТА АЗ 200 ҲАЗОР НАФАР ГУЗАШТ

ТОҶИКИСТОН БА ИСТЕҲСОЛИ НИҚОБИ ТИББӢ ВА ЛИБОСИ МАХСУС ШУРӮЪ НАМУД

СУТ: «БЕШ АЗ 95 ДАРСАДИ ҚУРБОНИЁНИ COVID-19 ДАР АВРУПО АШХОСИ КАЛОНСОЛАНД»

ПУТИН ТО ОХИРИ АПРЕЛ ИСТИРОҲАТ ЭЪЛОН КАРД

ДАР ЭРОН БЕШ АЗ 15 ҲАЗОР МУБТАЛОИ КОРОНАВИРУС СИҲАТ ШУД

Ҷаҳон дар як сатр

02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД

ТОКИО. САНАИ БАРГУЗОРИИ БОЗИҲОИ ОЛИМПӢ МАЪЛУМ ШУД

ТАНТАНАҲОИ НАВРӮЗӢ ДАР ЛАХШ

ҲИФЗИ МУҲИТИ ЗИСТ. ИҶРОИ БАРНОМА МУҲОКИМА ГАРДИД

СУТ: 165 ҲАЗОР БЕМОРИ COVID-19 ШИФО ЁФТ

ЧИН БАРОИ ПЕШГИРӢ АЗ КОРОНАВИРУС БА ТОҶИКИСТОН АФЗОРИ ЗАРУРӢ ФИРИСТОД

ДАР УХАН БЕШ АЗ 60 БЕМОРХОНА БА НИЗОМИ МУҚАРРАРИИ ФАЪОЛИЯТ БАРГАШТ

ТАБИБОНИ ОЛМОНӢ 16 ҲАЗОР БЕМОРРО АЗ КОРОНАВИРУС НАҶОТ ДОДАНД

ПУТИН ВА ТРАМП НАРХИ КУНУНИИ НАФТРО БА МАНФИАТИ ДУ КИШВАР СОЗГОР НАМЕШУМОРАНД

ДАР ТУРКМАНИСТОН ИСТИФОДАИ КАЛИМАИ КОРОНАВИРУС МАНЪ ГАШТ

Ҷаҳон дар як сатр

31.03.2020


РОҒУН. ВАРЗИШ РӮ БА РУШД ДОРАД

КОРРУПСИЯ РОҲБАРИ АССОТСИАТСИЯРО БА КУРСИИ АЙБДОРӢ НИШОНД

ОДАМКУШӢ. ХУШУНАТИ ОИЛАВИЕ, КИ БО МАРГ АНҶОМ ШУД


Дар сомонаҳои дигари Тоҷикистон хонед