logo

ҳуқуқ

МОҶАРОИ ЗАМИН ДАР ФАРХОР. АЗ АМРИ ПРОКУРОР ТО БАҲСИ 29 – СОЛА

Ман нафақахӯр ва модари 8 фарзандам. Бо вуҷуди ин то ҳол ба ҳайси роҳбари ҷамъияти маъюбони ноҳияи Фархор кору фаъолият дорам. Муддати 29 сол аст, ки бо шаҳрванд Саймуҳиддин Аминов дар кӯчаи С. Сафаров № 35/4 – и шаҳраки Фархор дар ҳамсоягӣ зиндагӣ мекунем. Соли 1990 ӯ аз ман хоҳиш намуд, ки барои гузарондани маъракаи тӯйи фарзандаш, аз замини наздиҳавлигиам истифода барад. Ба хотири ҳамсоягӣ розӣ шудам. Ӯ ба дарозии 14 метр ва паҳноии 1,5 метр заминамро истифода бурд. Баъдан дигар замини наздиҳавлигиамро барнагардонд ва онро соли 1992 девор кард…
Чунин омадааст, дар мактуби шикоятии Фазила Ризоева, ки ба идораи рӯзномаи «Ҷумҳурият» ворид шуд. Хабарнигорони рӯзнома дар минтақа ин масъаларо мавриди омӯзиш қарор доданд. Дар натиҷа маълум шуд, ки шаҳрванд Фазила Ризоева вобаста ба ин баҳс борҳо ба ниҳодҳои дахлдор, аз ҷумла прокуратураи ноҳия, муроҷиат кардааст. Прокурори ноҳияи Фархор муроҷиати шаҳрванд Фазила Ризоеваро оид ба ҳолати аз ҷониби ҳамсояаш Саймуҳиддин Аминов худсарона ишғол намудани қитъаи замини наздиҳавлигии ӯ мавриди санҷиш қарор дод. Санҷиши прокурорӣ нишон дод, ки қитъаи замин ба андозаи 10,16 метри мураббаъ аз тарафи шаҳрванд Саймуҳиддин Аминов худсарона ишғол гардида, барои ба ҳолати аввала баргардондани он ба кумитаи идораи замини ноҳия аз 12 июли соли 2008 дастур дода шудааст. Аммо он беиҷро монда, аз ҷониби кумитаи идораи замини ноҳия нисбат ба ҳуқуқвайронкунанда ягон чора андешида нашудааст. Ҳол он ки бо қарори раиси ноҳияи Фархор, таҳти № 270 аз 09 августи соли 2007 дар бораи вобаста намудани қитъаи замин ба шаҳрванд Саймуҳиддин Аминов, бинобар ғайриқонунӣ буданаш аз ҷониби прокурори ноҳияи Фархор аз 29 апрели соли 2008 таҳти № 94 – 08 эътироз оварда, бекор шудааст. Гарчанде аз ҷониби мақомоти иҷроияи маҳаллии ҳокимияти давлатии ноҳия вобаста ба эътироз ҷавоби қонеъ дода шуда бошад ҳам, аммо иҷрои он ба пуррагӣ таъмин нашуд.
Бори дувум прокурори ноҳия аз 6 марти соли 2019 таҳти рақами  27 бо дастрасии моддаи 28 – и Қонуни конститутсионии Ҷумҳурии Тоҷикистон «Дар бораи мақомоти прокуратураи Ҷумҳурии Тоҷикистон» амр додааст, ки қонуншикании зикршуда фавран бартараф шуда, қитъаи замини худсарона аз ҷониби шаҳрванд Саймуҳиддин Аминов ишғолшуда, ба андозаи 10,16 метри мураббаъ ба ҳолати аввала  баргардонда шавад. Ин амр баъди гузашти 7 моҳ, яъне 5 сентябри соли 2019  иҷро ва девори худсарона сохташуда, пурра вайрон гардид. Аз иҷрои амри прокурори ноҳия чаҳор моҳ сипарӣ шуда бошад ҳам, вале қитъаи замини худсарона ишғолшуда, то ба имрӯз ба ҳолати аввала баргардонда нашудааст. С. Аминов амри прокурорро ба эътибор нагирифта, баъди як рӯзи иҷрои он  ба ҷои девори чаппашуда симтур кашида, қитъаи замини худсарона ишғолкардаашро ба соҳиби замин Фазила Ризоева надод. Ба ӯ иҷозат надод, ки баъди иҷрои амр девори заминашро бунёд кунад. Фазила Ризоева  таҳти фишору таҳдидҳои С. Аминов ва фарзандонаш буда, ахиран зери латукӯб қарор гирифт, ки онро ҳуҷҷатҳои тиббӣ тасдиқ мекунанд.
- Аз рафтору гуфтори дағалона, суханҳои қабеҳу ношоистаи С. Аминов ва фарзандонаш, ки ба ман - як зани омӯзгор раво диданд, бори дигар ба прокуратураи ноҳия муроҷиат кардам. Вале прокурор дигар арзу шикоятамро қабул накард. То ҳол сарсону саргардонам. Ман фикр мекунам, ки ҳамсояи ман дар иҷрои амри прокурор, рӯирост сохтакорӣ кард. Вале прокуратура инро нодида мегирад. Вагарна чаро шахси гунаҳгорро барои худсарона ишғол намудани қитъаи замин ба ҷавобгарӣ накашид, - мегӯяд Фазила Ризоева.
Оре, амр ҳамон вақт иҷрошаванда ҳисобида мешавад, ки агар соҳибмулк пурра қонеъ кунонда шавад ва бе таҳдиду фишори ҳамсоя девори қитъаи  заминашро озодона барқарор кунад. Мутаассифона, чунин коре анҷом нашуда, инак, баҳси замин 29 сол боз идома дорад.

Холназар КАСИРОВ,
Зафар АКРАМОВ,
аз минтақаи Кӯлоб


Баёни ақида (0)    Санаи нашр: 09.12.2019    №: 232 - 233    Мутолиа карданд: 644
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед