logo

иҷтимоиёт

РӮЗГОРЕ БАРОИ ИБРАТ

Дар ноҳияи Рӯшон васфи ин оила вирди забонҳост. На танҳо аз он хотир, ки сарвари он Завқибек Худоёров солҳои зиёд раиси ҷамоат буду баъдан чун муовини раиси ноҳия низ ба мардуми маҳал софдилона хизмат кардааст. Боз аз он ҷиҳат, ки фарзандони нек обрӯю эътибори падар афзунтар намуданд. Хизмати онҳо буд, ки оилаи Худоёровҳо бо самимият “оилаи педагогҳо” ном гирифт.

Аз ҳафт фарзандаш панҷ нафар омӯзгор шуд, яке тақдири хеш бо тиб пайвасту писар пешаи муҳандисиро ихтиёр намуд. Сабаби “оилаи педагогҳо” шудан ибрати Ҳаётбегим буд, ки нахустин шуда ба Душанбе рафт ва дар факултаи забон ва адабиёти тоҷики донишгоҳи педагогӣ таҳсил кард. Аз паси вай Беҷода муаллимаи фанни биология, Ҷонбегим забону адабиёт, Азизхотуну Гуляман омӯзгори забони русӣ шуданд. Ягона додараш Худоёр чанд сол инҷониб вазири нақлиёти ҷумҳурист.
Ҳаётбегим чил соли умр нисори тарбияи шогирдон кардааст. “Аслан меҳри ин касби пуршараф дар қалби ман дар мактаби миёна аз дарсҳои аҷоиби устоди азизам Қиматшо Укуматшоев маъво гирифт, - ба хотир меорад ӯ, - зеро мавзӯъҳоро ончунон шавқовар мегуфту мефаҳмонд, ки гӯшу ҳуш шуда вақтро фаромӯш мекардем ва танҳо бо садои занг анҷоми дарсро мефаҳмидем”. Ба гуфти худаш, дар овони донишҷӯӣ ҳам дар масъалаи устодони закӣ бахташ омад кард. Омӯзгорони варзида Абдулғанӣ Мирзоев, А. Эшонҷонов, Назаршо Бозидов, Холиқ Мирзозода, Асомиддин Насриддинов, Тилло Пулодӣ, Юрий Бобоев, Собирҷон Мирзоев, Ҷонон Бобокалонова ва дигарон баҳри бекарони илму дониш буданду ба шогирдон ғаввос шудану аз он дурдона чиданро бо маҳорати хосса меомӯзонданд.
Зебодухтари помирӣ баъди хатми донишгоҳ соли 1976 фаъолияти педагогиро дар ноҳияи Рӯшон дар мактаби рақами 18 шурӯъ кард. Соле пас бо омӯзгори ҷавони фанни кимиё Юсуф Маҳмадиев риштаи ҳаёташро пайваст, ба мактаби рақами ҳашти зодгоҳаш - деҳаи Дерзуд баргашт.
Кор дар мактаби зодгоҳ барои Ҳаётбегим мушкиле пеш наовард. Аз як тараф, дилаш пур буд, ки устодаш дар паҳлу ва беҳтарин маслиҳатгараш аст. Аз ҷониби дигар дониши қавӣ, муомилаи хуб, маданияти баланд калиде шуданд барои раҳ ёфтан ба қалби шогирдон. Мекӯшид, тарзе дарс диҳад, ки хонандаҳо на дилгир шуда ба тиреза нигаранд ё бо кори дигаре андармон шаванд, балки гӯшу ҳуш шуда, вақтро фаромӯш созанд.
Ҳар вақте Ҳаётбегим ба дарс омодагӣ мегирифт, ҷавҳари педагогика водораш мекард, ки роҳи осон наҷӯяд, пайваста дар фикри бо истифодаи усулҳои гуногун ҷолиб сохтани дарс бошад, ончунон мавзӯъро шавқовару сода фаҳмонад, ки нақши хотираи хонанда шавад.
Ва ҳамин тавр ҳам мешуд. Дар дарсҳояш қариб тамоми синф фаъол буд.
Ҳикояти мухтасари хешро мехоҳам бо иқтибосе аз номаи яке аз шогирдонаш - Робия ҳусни мақтаъ бахшам: “Вақтҳои аввал дар дарсам ҳамагӣ ду - се нафар даст мебардошт. Ман зиқ мешудам, ки шояд дуруст фаҳмонда наметавонам. Ин лаҳзаҳо дарсҳои шумо ёдам меомаданд, ки чун саволе медодед, дасти қариб тамоми синф боло мешуд. Ҳоло бошад, дар дарсҳои ман низ чунин манзара доимӣ гаштааст. Шумо бароям беҳтарин намунаед...”

Хуршеди ҶОВИД, “Ҷумҳурият”


Баёни ақида (0)    Санаи нашр: 09.12.2019    №: 232 - 233    Мутолиа карданд: 352
26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД

18.05.2020


СУҒД. МУБОРИЗА АЛАЙҲИ БЕМОРИҲОИ СИРОЯТӢ ПУРЗӮР МЕГАРДАД

НУРОБОД ҲУСНИ НАВ МЕГИРАД

ФУТБОЛ. ЧЕМПИОНАТИ БЕЛГИЯ НИЗ ПЕШ АЗ МУҲЛАТ АНҶОМ ЁФТ

ТОҶИКИСТОНУ БЕЛАРУС ДАР МУБОРИЗА БО КОРОНАВИРУС ҲАМКОРӢ МЕКУНАНД

ҶАҲОН ДАР ЯК САТР

15.05.2020


МАШВАРАТИ КОРИИ МУОВИНИ САРВАЗИРИ МАМЛАКАТ ДАР ШАҲРИ БӮСТОН

ТОҶИКИСТОН. БОЗ 403 МУБТАЛОИ КОРОНАВИРУС ШИФО ЁФТ

ДАР ИСФАРА МАКТАБИ БАЙНАЛМИЛАЛИИ «ОРИОН» БУНЁД МЕШАВАД

КӮДАКОН. КОРОНАВИРУС ҚУДРАТИ "ЗАБТ" - И ОРГАНИЗМИ ОНҲОРО НАДОРАД


Дар сомонаҳои дигари Тоҷикистон хонед