logo

сиёсат

ҲХДТ. НЕРУЕ, КИ ВАТАНПАРАСТИРО ТАЛҚИН МЕКУНАД

Дар даврони соҳибистиқлолии кишвари азизамон зуҳур ва фаъолияти Ҳизби Халқии Демократии Тоҷикистон, ки имсол аз таъсиси  он 25 сол пур шуд, барои мардуми тоҷик дастоварди сарнавиштсоз ва неруи пешбарандаи ҳаёти осоишта маҳсуб меёбад. Ғояи таъсиси ин ҳизби мардумӣ аз ҷавҳари тафаккур, муҳаббати самимӣ, ифтихори баланди ватандорӣ ва матонату ҷасорати Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси Ҳизби Халқии Демократии Тоҷикистон муҳтарам Эмомалӣ Раҳмон маншаъ гирифтааст. Ҳизб тӯли 25 сол амалан собит сохт, ки ҳадафи ягонаи он таъмини сулҳу субот, амният ва пешрафту шукуфоии Ватани маҳбубамон – Тоҷикистони азиз мебошад.  

Ба таъкиди Пешвои маҳбуби миллат муҳтарам Эмомалӣ Раҳмон мақсади асосӣ: «аз ташкили Ҳизби Халқии Демократии Тоҷикистон муттаҳид намудани неруҳои пешбарандаву босалоҳият, ваҳдатсозу сулҳофар ва дорои масъулияти баланди давлатсозиву давлатдорӣ ва бо ҳамин роҳ гузоштани саҳми арзанда дар бунёди давлати демократӣ, ҳуқуқбунёд, дунявӣ ва ташаккули ҷомеаи шаҳрвандӣ буд».
Нахустин анҷумани ҳизб 10  декабри соли 1994 баргузор гардида, 15 декабри ҳамон сол дар Вазорати адлия ҳамчун Ҳизби Халқии Тоҷикистон аз қайди давлатӣ гузашт, баъдан бо пешниҳоди роҳбари ватанпарасту озодандеши он муҳтарам Эмомалӣ Раҳмон номи Ҳизби Халқии Демократии Тоҷикистонро гирифт. 
Ҳизб  ҷаҳду талоши худро, пеш аз ҳама, барои таъмини сулҳу осоиш, амнияту оромӣ, бунёди устувори давлат, бахту саодати мардум равона карда, давоми фаъолият ба ҳизби маҳбуби мардум мубаддал шуд.
Воқеан, Пешвои миллат муҳтарам Эмомалӣ Раҳмон бо сарварии хирадмандона тамоми неру, донишу заковати аъзои Ҳизби Халқии Демократии Тоҷикистонро барои тақвияти эҳсоси худшиносиву худогоҳии миллӣ ва ватандӯстию ватанпарастии аҳли ҷомеа равона карданд, ки дар як муддати кӯтоҳ ҳизби мазкур пешоҳанги раванди демократикунонии кишвар  гардид. Саҳми ҲХДТ дар таъмини сулҳу оштӣ, ваҳдату амнияти миллӣ, рушди устувори иҷтимоию иқтисодӣ, таҳкими пояҳои давлати демократию дунявӣ, ҳуқуқбунёди тоҷикон хеле бузург ва шоистаи таҳсин мебошад. Бинобар ин, ба таъкиди Раиси муаззами ҳизб муҳтарам Эмомалӣ Раҳмон: «Дар тӯли беш аз ду даҳсолаи охир аксари мутлақи ҳодисаҳои муҳиму умдаи таърихи навини Тоҷикистон, бешубҳа, ба фаъолияти Ҳизби Халқии Демократии Тоҷикистон иртиботи қавӣ доранд.
Имрӯз бо гузашти солҳо бо итминон гуфта метавонем, ки ҳизби мо рисолати хешро дар ин муддати начандон тӯлонӣ дар сатҳи зарурӣ анҷом дод ва ба неруи тавонову созандаи ҷомеа табдил ёфт».
Ба сифати ташаккули умдаи сиёсӣ ва ҳизби пешбарандаву аксари парлумонӣ табдил ёфтани Ҳизби Халқии Демократии Тоҷикистон кори осон набуду нест. Роҳи ташаккул ва такомули ҳизби мазкур шебу фароз ва  мушкилоту монеаҳои худро дорад. Чунки дар айёми пешниҳоди ғояи таъсиси ин ҳизби мардумӣ вазъияти сиёсию иҷтимоӣ ва иқтисодии мамлакат ниҳоят мураккабу муташанниҷ буд. Дар кишвар оташи ҷанги таҳмилии шаҳрвандӣ аланга мезад. Ҳукумати қонунии Тоҷикистон, ки дар Иҷлосияи сарнавиштсози 16-уми Шӯрои Олии Ҷумҳурии Тоҷикистон таҳти сарварии Раиси Шӯрои Олӣ муҳтарам Эмомалӣ Раҳмон ташкил гардид, нав қомати худро рост мекард. Зиёда аз як миллион нафар  аз Ватани худ гуреза шуда, аксарияти онҳо ба кишвари Афғонистон, ки он ҳам даргири ҷанги шаҳрвандӣ буд, қарор гирифтанд. Аз ҳама мушкил фаъолияти тахрибкорона, ошӯбангезонаву хиёнаткоронаи бархе аз ҳизбу ҳаракатҳои навзуҳури сиёсӣ буд. Ба гуфтаи доктори илмҳои фалсафа, сиёсатшинос Саидмурод Фаттоҳзода: «Онҳо қабл аз ҳама ба ваҳдати миллии тоҷикон зарбаи ҷонкоҳ заданд. Мухолифати нисбатан шадидтар дар заминаи ду идеология: коммунистӣ ва исломгароӣ сурат гирифт, ки ҳар ду фирқа бо ҳам комилан оштинопазир буданд. Ҳизбҳои мазкур ва ҷонибдоронашон мехостанд, ки дар кишвар ҳокимияти мутлақи сиёсиро дар заминаи арзишҳои барои миллати мо бегона таҳмил кунанд».
Табиист, ки дар чунин вазъ мардуми Тоҷикистон аз ташкили ҳизб дилхаставу ноумед шуда буданд. Ҳизбсозиро як ҳангомаи нави сиёсӣ дониста, аз он канораҷӯӣ мекарданд. Ин ба раванди ташкили ҳизб аз як ҷониб монеаи ҷиддӣ буд. Аммо, аз ҷониби дигар, дар чунин вазъ: «зарурати таъсиси ҳизби наве, ки бояд арзишҳои дунявӣ (секулярӣ) ва динию мазҳабиро бо ҳам оштӣ медоду, ҷавҳараш аз арзишҳои миллӣ ва башарӣ сарчашма мегирифт, ба миён омад. Пешвои миллат ин заруратро сари вақт эҳсос намуданд ва бунёди як неруи тозаи сиёсии идеологӣ – Ҳизби Халқии Демократии Тоҷикистонро пеш гирифтанд».
Ниҳоят саъю кӯшиш ва ҷаҳду талоши Сарвари ҷонфидои миллат  муҳтарам Эмомалӣ Раҳмон натиҷаҳои нек ба бор оварданд. Дар муттаҳидӣ бо фарзандони содиқи халқ ва пайравону ҳамсафони воқеиаш дар чорчӯбаи талаботи  Конститутсияи мамлакат Ҳизби Халқии Демократии Тоҷикистон таъсис ёфт. Басо рамзӣ ва ҷойи ифтихор аст, ки ҳизби номбурда ҳамсоли нахустин Конститутсияи Тоҷикистони соҳибистиқлол буда, баъди 34 рӯзи қабули ин бахтномаи миллат ташкил ёфтааст ва  дар таъмини волоияти Конститутсия  саҳми бағоят бузург дорад.
Дар маҷмӯъ, таҳлилу ташреҳи муқаррароти оинномавию фаъолияти  Ҳизби Халқии Демократии Тоҷикистон баёнгари он аст, ки ин неруи қавии сиёсӣ дар кори худ ҳамеша ғояҳои наву созанда ва ватандӯстонаро амалӣ месозад. Он ҳизбест, ки барои дастгирӣ, равнақу ривоҷ ва инкишофи озодонаи «арзишҳои беҳтарини миллӣ, таърихӣ ва фарҳангӣ» ҳамаҷониба талош менамояд. Ҳизби Халқии Демократии Тоҷикистон бо сарварии Пешвои муқтадири миллат муҳтарам Эмомалӣ Раҳмон бо чунин сифатҳои вижаи худ ва фаъолияти амалии аъзои худ роҳи ташаккулу такомулро паймуда, бо дастовардҳои олӣ дар замони соҳибистиқлолии мамлакат  мардумро ба сӯи фардои дурахшони Ватан ва бахту саодати абадӣ раҳнамун мекунад.

Нурулло ОҚИЛЗОДА,
вакили Маҷлиси намояндагони Маҷлиси
Олии Ҷумҳурии Тоҷикистон, номзади
илмҳои педагогӣ,
вакили Анҷумани 13-уми ҲХДТ
аз ноҳияи Мастчоҳ


Баёни ақида (0)    Санаи нашр: 10.12.2019    №: 234    Мутолиа карданд: 688
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед