logo

иҷтимоиёт

СУРУДИ МИЛЛӢ СУРУДИ САДОҚАТ, САОДАТ ВА САРФАРОЗӢ

Вақте аз оғоз ба олами маънавие, ки дар таркиби ҳар вожаву сатру банди Суруди миллӣ қарор гирифта, хоҳ аз роҳи сурудан ва хоҳ аз роҳи шунидан ворид мешавем, вуҷуди моро эҳсоси саршор аз муҳаббат ва иродат ба ин сарзамини муқаддасу азиз, ки номаш Тоҷикистон аст, фаро мегирад.

Суруди миллӣ барои мо сабақи таърихи гузаштаи пурифтихорро меомӯзад, то бо эҳсоси баланди ватандорӣ бидонем ва ин ҳақиқатро бишносем, ки аз дурии замонаҳо расидаем, то ба зери Парчами Тоҷикистон боз ҳам саф кашида, даст рӯи сина аз замири қалб бо садоқат, эҳсоси саодат ва шарафи бузург нидо барорем:
Зинда бош, эй Ватан,
Тоҷикистони озоди ман!
Танини оҳанги ҷаззоби Суруди миллӣ ва сурудану шунидани матни он боз ҳам ба мо дарси хештаншиносӣ ва худогоҳӣ, нангу номуси ватандорӣ медиҳад, то ба дарки ин ҳақиқати таърихӣ бирасем, ки воқеан Тоҷикистони азизи мо нишонае аз умедҳои гузаштагони мост, ки ҳазорсолаҳо дар орзуи расидан ба мақоми соҳибдавлатӣ ва истиқлоли миллӣ буданд. Ин саодат, бахту иқбол пас аз ҳузури мунаввари Сомониён имрӯз насиби мо гардидааст ва бояд ҳар лаҳзаву ҳар соат барои ин шарафи бузург шукргузорӣ намоем, дар роҳи ҳифзи Истиқлолияти давлатӣ ва таъмини якпорчагии Тоҷикистони озоди худ талош варзем. Мо рисолати онро дорем, ки бояд ин саодати ҷовидонаи Тоҷикистони азизамонро ҳифз ва ба наслҳои оянда ба мерос гузорем.
Суруди миллист, ки моро итминону бовар мебахшад ба бехазонии навбаҳори Тоҷикистони азиз, ки аз дирӯз ба имрӯз ва аз имрӯз ба фардо шукӯҳу азаматаш дар пешорӯи таърих ва анҷумани кишварҳои олам афзун мегардад. Эътиқоди моро ба саодати парвариш ва камол ёфтан дар домани Ватани азиз, ки худ мазраи вафодорӣ ва садоқат аст, боз ҳам меафзояд, то ба зери Парчамаш боз ҳам саф ороем ва даст ба рӯи сина бигзорему дуо кунем:
Зинда бош, эй Ватан,
Тоҷикистони озоди ман!
Суруди миллӣ моро ҳидоят мекунад, ки аз қаъри қалбҳои хеш бо эҳсоси баланди ватандорӣ садо баланд кунем, ки Тоҷикистони азизи мо, ту модари ягонаи мо ҳастӣ, ки бақову ҷовидонагият саодат ва бақои хонадони тамоми мардуми кишвар ва маромат мароми ҷисму ҷони мост.  Ҳузури равшану мунаввари Тоҷикистони азиз дар харитаи сиёсии ҷаҳон аст, ки моро саодате бузург ато мекунад ва вуҷуди мубораки ин тахтгоҳи ориёву Оли Сомон ҳамакнун боис шудааст, ки ҷаҳон моро шиносад, дӯст дорад ва ҳабибу анису рафиқи мо гардад.  Дарки ҳамин саодат ва кашфи ин рози иқболи баланди соҳибдавлатӣ, ки умеди миллионҳо рафтагони мо буд, боз ҳам моро ҳидоят мекунад, то аз ҷой бархезем ва ба зери Парчами давлатии Тоҷикистони азиз саф кашида, даст ба рӯи қалбҳои саршор аз муҳаббати Ватан, ин хоку оби муқаддас гузорему боз ҳам бо ҳамовозиву ҳамдилӣ садо баланд кунем:
Зинда бош, эй Ватан,
Тоҷикистони озоди ман!
Ба ҳақиқат зеботарину шевотарини сурудҳои миллӣ - Суруди миллии Тоҷикистони азизи мост, ки аз ҳар вожаву таркибу банди он садои сарфарозӣ, садоқат, саодати бузург, ифтихори ватандорӣ  баланд шуда, ҷонҳоро навозишу  эҳсоси дӯст доштани ин сарзамини муқаддасро бамаротиб афзун мекунад.
Пас, биёед аз иқдоми маорифчиёни Вилояти Мухтори Кӯҳистони Бадахшон ба хотири дӯст доштани ин сарзамини муқаддасу азиз истиқбол намуда, ҳар субҳи толибилмонро бо ҳамин садои муҳаббат оғоз бахшем. То ҳар лаҳзаву ҳар саодату ҳар рӯз ишқи Ватан дар ниҳоди ояндасозон бузург шавад. Чи ҳиссиёти тафсирнопазир моро фаро хоҳад гирифт, вақте тамоми Тоҷикистони азизро ҳар субҳ садои Суруди миллӣ фаро мегирад. Бигзор садои ин суруд, ки башорати саодати абадӣ, нишоне аз умеди рафтагони мост ва паёми ҷовидонаи Тоҷикистони азиз аст, то бекаронаҳо танинандоз бошад ва ҳар субҳ кабӯтари дуои наслҳои имрӯзи мо дар осмонҳо парафшон:
Зинда бош, эй Ватан,
Тоҷикистони озоди ман!

Нуралӣ НУРЗОД, номзади илмҳои филология


Баёни ақида (0)    Санаи нашр: 16.12.2019    №: 238    Мутолиа карданд: 328
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед