logo

иҷтимоиёт

РӮЗГОРЕ БАРОИ ИБРАТ

Бобосафоли Поён яке аз деҳаҳои калонтарини хоҷагии «Коммунизм» - и ноҳияи Фархор маҳсуб меёбад. Ин деҳа то соли 1962 ҳамчун хоҷагии алоҳида бо номи Москва амал мекард. Сокинони деҳа асосан аз муҳоҷирон, мардумони Балҷувон, Сари Хосор ва Кангурт иборат буданд. Ин ҷониб тӯли солҳои 1979 – 1995 ба сифати раиси ин колхоз фаъолият доштам.
Рӯзе ба ҳуҷраи кориам шахси меҳнатдӯсту қавиирода, оқилу доно ва сахтгиру серталаб акаи Ҳасан омада гуфт, ки: "бегоҳ хонаи мо биёед, Ҳомиддин омадааст". Баъди рӯзи корӣ сӯи ҳавлии амаки Ҳасан  роҳ гирифтам. Ҳомиддин Шариф, он замон раиси суди ноҳияи Ёвон, бо амакаш Шарифбек Шариф – сардори муассисаи ислоҳи меҳнатии Ёвон, менишаст. Аз суҳбат бо Ҳомиддин пай бурдам, ки ӯ мусоҳибро аз аввалин ҳарфу ҳиҷо чун оҳанрабо ба худ мекашад. Ман, ки аз файзи ин нишаст баҳра бурда будам, дар дил майли дувумбора бо ин марди донишманд ҳамсуҳбат шуданро мехостам.
Ҳар гоҳе ки Ҳомиддин ба аёдати волидон меомад, бо ҳам суҳбат меорос-тем. Эҳтиромам ба ин шахси донишманд ва масъулиятшинос даҳчанд афзуд. Ҳомиддини ҳуқуқшинос аз шоирони классик – Ҳофиз, Бедил, Саъдӣ ва Умари Хайём шеърҳои зиёде медонист.
Ҳомиддин солҳои баъдӣ дар вазифаҳои раиси суди вилояти Кӯлоб ва Хатлон, раиси Суди конститутсионии Ҷумҳурии Тоҷикистон, роҳбари Дастгоҳи иҷроияи Президенти Тоҷикистон фаъолият намуда, қариб 10 сол вазири корҳои дохилии ҷумҳурӣ буд. 
Ҳангоми раиси Суди конститутсионии Ҷумҳурии Тоҷикистон буданаш, дар меҳмонхонаи «Авесто» мезист. Дӯстону ошноҳо доимо аз ҳолаш хабар мегирифтем.
Худо се чизро азиз медонад: якум хирад, дувум ростӣ ва савум мардумӣ буданро. Ин се хислат дар зоҳиру ботини дӯсту бародари мо Ҳомиддин Шариф ҳувайдо буд. Маҳорат, истеъдод, дониш ва қобилияти кордонӣ ӯро ба қуллаҳои мурод ва мансабҳои баланди давлатӣ расонд.
Маҳз сифатҳои наҷиби Ҳомиддин Шариф буд, ки аксари вазирони корҳои дохилии Иттиҳоди Давлатҳои Мустақил ӯро на танҳо ҳурмат, балки дӯсташ медоштанд. Замони дар ин ниҳод фаъолият бурданаш даҳҳо инфрасохторҳои вазорат дар шаҳру навоҳии мамлакат бунёд ва мавриди истифода қарор гирифтанд.
Ӯ ба мисли кӯҳ якрӯй ва ба мисли чашма шаффоф буд. Ақлу фаросат ва фозиливу оқилиаш қалби дӯстонро тасхир месохт. Масъулияти баланди инсонӣ ҳамеша роҳнамои ӯ буд. Ҳомиддин Ватанро муқаддас дониста, Сарвари давлат муҳтарам Эмомалӣ Раҳмонро дӯст медошт. Ӯ шахси маҳфилоро буд.
Лаҳзае ҳич аз ёдам намеравад. Ҳамроҳи собиқ раиси вилояти Хатлон Давлаталӣ Шариф хабаргирӣ рафтем. Бемор буд, маслиҳат додем, ки барои муоина ва табобат ба шаҳри Москва равад. Гуфт, ки барои чунин сафар маблағи кофӣ надорад. Дар ҳайрат мондам. Давлаталӣ Шариф даст пеши бар иброз дошт, ки ака, Шумо рӯзи рафтанро хабар диҳед, он тарафашро ман ҳал мекунам. Ин раду бадал гувоҳест аз чигунагии рӯзгори як шахси мансабдори воломақом, ки  чӣ гуна кору пайкор ва рӯзгор дошт.

Чилахон ИСОЕВ,
собиқадори меҳнат


Баёни ақида (0)    Санаи нашр: 17.12.2019    №: 239    Мутолиа карданд: 161
27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД


Дар сомонаҳои дигари Тоҷикистон хонед