logo

иҷтимоиёт

АЗ ВАРЗИКАНДА ТО "СИНДЗИЯН БЕЙСИН". БАРДОШТ АЗ РӮЗГОРИ ТОҶИКБАЧА ИБРОҲИМ ДӮСТАЛИЗОДА

Иброҳим Дӯстализода дар оғӯши деҳаи Варзикандаи шаҳри Панҷакент шеъру суруд хонда, ба воя расид ва ҳаргиз гумон надошт, ки рӯзе пайвандгари дилҳову роҳҳо мешавад. Соли 2013 ҳуҷҷатҳояшро ба факултети филологияи Донишгоҳи миллии Тоҷикистон супурда, аммо шурӯъ аз соли дуюм таҳсилро ғоибона идома дода, дар як муддати кӯтоҳ забони чиниро мустақилона омӯхт. Ҳоло яке аз мутахассисони варзидаи лабораторияи ширкати байналмилалии роҳу пулсозии «Синдзиян Бейсин» - и Ҷумҳурии Мардумии Чин аст.
Иброҳим дар баробари он ки масолеҳи сохтмониро ташхис мекунаду сифати маводи сохтмониро месанҷад, инчунин тарҷумони бомаҳорат мебошад. Ӯ ҳамчун мутахассиси болаёқат дар бунёди шоҳроҳи Айнӣ – Панҷакент – сарҳади Ӯзбекистон, ҳалқароҳи сесатҳаи маҳаллаи 82 ноҳияи Синои шаҳри Душанбе ширкати фаъолона дошт. Ҳамин ҳоло шоҳроҳи Душанбе - Бохтар, ки навсозии он идома дорад, маҳали кору фаъолияти ӯст.
- Пас аз маросими ба истифода додани ҳалқароҳи сесатҳаи маҳаллаи 82 бо иштироки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маро ҳисси ифтихор пахш кард. Сарвари давлат дар қатори мутахассисони чинӣ меҳнати масъулону кормандони тоҷикро махсус зикр карданд. Фараҳманд аз он шудам, ки ба ободии диёрам саҳм мегузорам, - изҳор медорад қаҳрамони мо. 
Ёдовар шудан баҷост, ки Иброҳим дар эҷоди шеър низ маҳорати хуб дорад. Ҳоло дар вақтҳои холӣ аз кор бо тарҷумаи ашъори шоирони тоҷик ба забони чинӣ машғул аст ва барои муаррифии бештари фарҳангу адаби мардум тарҷумаҳояшро дар шакли китоб интишор доданист.
Иброҳим марди роҳ аст ва ашъораш ҳам мисли роҳҳо касро ба кӯи мурод мебарад. Роҳ маҳаки фалсафии фаъолияти ӯст. Намунаҳои шеърҳояш дар нашрияҳои даврӣ интишор ёфтаанд. Аз ӯ то имрӯз се маҷмӯаи шеър – «Дуруд, фардо», «Мусиқии нафас» ва «Пайи имдоди гул» ба дасти хонанда расидааст.
Ҳамчунин, маҷмӯаҳои илмӣ - публитсистии ӯ: «Чашмандози фолклори баъзе деҳаҳои Панҷакент», «Тулӯи беғуруб», «Аз пайроҳаи пурхатар то шоҳроҳи бузург» бо завқи табъ ороста шудаанд. Маҷмӯаи «Аз пайроҳаи пурхатар то шоҳроҳи бузург» дар бораи аз буҳрони коммуникатсионӣ раҳидани Тоҷикистон, аҳамияти роҳҳо, шоҳроҳҳо, пулҳо ва ҷоннисориву ранҷҳои шабонарӯзии роҳсозони тоҷику чинӣ нақл мекунад. 
Ин ҷавони ҳушманд забонҳои русӣ ва англисиро низ бисёр хуб медонад ва дар давоми кор ба меҳмонони хориҷӣ, аз ҷумла шаҳрвандони Чин дар бораи имкониятҳои иқтисодиву иҷтимоӣ ва масоили марбут ба сохтмон дар Тоҷикистон маълумот медиҳад. Ҳуҷҷатҳои муҳимро тарҷума мекунад ва дар ниҳоят талош меварзад, ки хориҷиён аз кишвар бо таассуроти нек баргашта, баҳри рушди минбаъдаи он ҳавасманд гарданд.

Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 18.12.2019    №: 240    Мутолиа карданд: 247
27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД


Дар сомонаҳои дигари Тоҷикистон хонед