logo

иҷтимоиёт

СОҲИБЭЪҶОЗ. БАРДОШТ АЗ ЗИНДАГИНОМАИ УСТОД МАТЛУБХОН ДАВЛАТОВ

Аз замони донишҷӯӣ номи пурифтихор ва пурэътибори устод Матлубхон Давлатовро дар ёдҳои хеш дорам. Он замон устод дар Академияи илмҳои ҷумҳурӣ ҳамчун олими соҳаи иқтисод ва раҳбарии Дастгоҳи ҳизби ҳокими коммунисти вақтро дар ин даргоҳи пурифтихор бар дӯш доштанд.
 
Мо ҷавонони тоза ба остонаи илм қадамгузоштаро ҳароина устодон ба таъкид ва ифтихори зиёд мегуфтанд, ки дар роҳи пур аз шебу фарози илм бо сабру таҳаммул ва ахлоқи ҳамидаву эътибори баланди инсонӣ шумо метавонед, ки аз меваи шаҳдбори ин боғи башарсоз, яъне донишу малакаи баланди академӣ коми худро ширин намоед. Ва номи неки устод Матлубхон Давлатовро ба забон оварда, бо пайравии ӯ моро ҳидоят менамуданд. Дар воқеъ, дар нахустин дидор бо устод мо дарёфтем, ки ӯ боэътибортарин нафари даргоҳи маърифати миллат буда, пайравӣ намудан дар коргоҳи илм ба ӯ ифтихор ва шарафи зиёд мебахшад. Хеле хуб ёд дорам, ки устоди зиндаёд академик Ҳабибулло Саидмуродов дар мавриди заҳматҳои илмиву фаъолияти раҳбарии олими он вақт ҷавон, вале аллакай шинохта Матлубхон Давлатов дар як машварати корӣ бо мо шогирдон чунин гуфта буд: “Ман медонам, ки дар ин шабу рӯз машғул шудан ба кори илмӣ, яъне аз саҳар то бегоҳ дар китобхона нишаста, хондани китобу маҷаллаҳои илмӣ ба хотири ояндаи дурахшон корест басо сангин, на ҳар кас ин тобу тоқатро дошта метавонад. Ҳамин олими ҷавоне, ки имрӯз ифтихори Академияи илмҳо гардидаанд, ба хеле ранҷу азобҳои зиндагӣ тоб оварда, бо сабру таҳаммул ва омӯзишҳои зиёд ба ин поя расидаанд. Барои шумо басанда аст, ки роҳи тайнамудаи олими ҷавон Матлубхон Давлатовро пешаи худ қарор дода, аз машваратҳои судманди ӯ баҳра бардоред”.
Баъди ин таъкиди устоди зиндаёди арҷманд академик Ҳабибулло Саидмуродов мо ба хотири машварат бо устод Матлубхон Давлатов чанд маротиба ҳамсуҳбат гардида, бо дилгармии зиёд дар ҷодаи илму пажӯҳиш гомҳои устувори хешро гузоштем. Дар воқеъ, он замон мо пайравони роҳи тайкардаи устод бо умеди фардои дурахшони Ватани азизи шӯравиамон монеаҳои зиёдеро пушти сар намуда, бо ифтихори зиёди ватандориву созандагӣ роҳиёни илму маърифат будем. 
Оғози соли 1990 замони ошкорбаёниву озодандешӣ давлати абарқудрати Шӯравӣ иқтидори иқтисодиву сиёсиашро аз даст дода, ба 15 кишвари мустақил қисмат шуд. Тоҷикистони азизи мо низ дар қатори дигарон соҳиби истиқлолият ва мухторияти арзиву самоӣ, фарҳангиву иҷтимоӣ ва иқтисодӣ гардида, дар қатори дигар кишварҳои олам шинохта шуд. Баъди иҷлосияи тақдирсози шонздаҳуми Шӯрои Олии Тоҷикистон роҳбари хеле ҷавону ҷасур, хирадманди таҳаммулпеша Эмомалӣ Раҳмон ба сифати Раиси Шӯрои Олии Тоҷикистон рӯи кор омад. Оғози соли 1993 давраи нави тақдирсози миллат таҳти сарварии Раиси нави тозаинтихоби Шӯрои Олии Тоҷикистон муҳтарам Эмомалӣ Раҳмон дар ба рӯйи мардум боз намуд. Ба ибораи бисёри аз муҳаққиқини сиёсатшиносӣ, истиқлолияти воқеӣ баъди иҷлосияи тақдирсози 16-ум ба даст омада, мардум дар сурати ин абармарди таъриху тамаддуни миллат шахсияти воқеан таърихиеро дарёфтанд. Ӯ дар такя бо олимону донишмандон ва пирони рӯзгордида саҳифаи нави таърихи навини миллатро боз намуд.
Соли 1994, дар давраи нави гузариш ва созандагиву сарҷамъии миллат ва давлат, хишти аввали ҷомеаи башарӣ ва инсонсолор бо ибтикори Роҳбари муаззами халқ дар баҳои хону мон гузошта шуда, сохтори Тоҷикистони соҳибистиқлол дар таҷдиди нави миллӣ рӯйи кор омад.
Устод Матлубхон Давлатов ҳамчун олими шинохтаи иқтисоддон аз ҷониби Раиси ҷумҳури тозаинтихоб ба сифати раиси Кумитаи амволи давлатӣ таъйин гардида, ба фаъолият оғоз намуд. Замони нави гузариш, замони бисёр ҳам вазнин, замоне, ки аз моликияти дар замони хонаҷангӣ баяғморафтаи давлат қариб ки нишоне набуд. Раҳбари муаззами кишвар муҳтарам Эмомалӣ Раҳмон дар такя бо фарзандони содиқу фарзонаи миллат ин моликиятро барқарор намуда, ба дасти соҳибони аслияш баргардонид. Бо он ки рақибони сиёсӣ ва ҳасудони сиёсӣ бо жожхоҳии зиёд дар мавриди хусусигардонии моликияти кишвар аз расонаҳои хабарии хориҷӣ туҳмат ва буҳтонҳои зиёдеро рӯйи кор меоварданд, раҳбарияти кишвар тавонистанд, ки хазинаи баяғморафтаи давлатро аз ҳисоби хусусигардонии бархе аз корхонаҳои бекорхобида пур намоянд.
Ҳамин тавр, устод Матлубхон Давлатов аз соли 1994 то 2006 дар паҳлуи Раиси ҷумҳур содиқона ба халқу Ватан хидмат намуд. Ӯ, ки аз даргоҳи пурэътибори илм ба аркони Ҳукумат омад, аксари кулли олимони кишвар бо василаи ӯ барои хидмат ба халқу Ватан ҷалб гардиданд ва дар пешрафти иқтисодиёти кишвар саҳми арзандаи хешро гузоштанд. Вақте ки устод Матлубхон Давлатов охири моҳи январи соли 2006 ба сифати мушовири давлатии Президент оид ба масъалаҳои иқтисодӣ таъйин гардид, масъалаҳои рушди иқтисодиёти кишвар мавриди омӯзишу тадқиқоти зиёди олимон қарор гирифта, барномаи нави рушди иқтисодиёти кишвар рӯйи кор омад. Мутахассисони шинохтаи иқтисодиёти кишвар барои ҳамкорӣ бо Ҳукумат ҷалб гардида, барномаи нави дурнамои рушди иқтисодиёти кишвар дар таҳрири нав рӯйи кор омад. Кушодани корхонаҳои нави саноатӣ дар минтақаҳои озоди иқтисодӣ, ҳамкориҳои судманди ҳампаймонӣ бо кишвари абарқудрати Чин, сохтани иншоотҳои азими аср, таҷдиди корхонаҳои азими аз фаъолият бозмонда, сохтмони иншоотҳои энергетикӣ – ин ҳама гувоҳи он буд, ки иқтисодиёти кишвар дар нашъунамо буда, жожхоҳии рақибони сиёсӣ ҷуз рашку ҳасад чизи дигаре набудааст.
Дар ҳар риштае, ки устод Матлубхон Давлатов фаъолият намудааст, рақибони сиёсиаш аз рашк жожхоҳии зиёд намуда, номи поки ӯро доғдор намудан хостаанд. Бехабар аз он ки ӯ шахсияти хеле соҳибаҷру эҳтироми кишвар дар замони Шӯравӣ буд. Даргоҳи муқаддаси пурэътибори илм дар кураи номусу шарафи ватандорӣ ва ватанхоҳиву башардӯстӣ ӯро обутоб дода, эътибораш миёни олимони шинохтаи кишвар хеле баланд мебошад.
Замоне ки ӯ Роҳбари Дастгоҳи иҷроияи Президенти кишвар таъйин гардид, дар ин вазифаи пурмасъул низ бо эътибор ва шарафу номуси ватандорӣ хидмат намуда, саҳми босазои хешро дар ҷобаҷогузории кадрҳои болаёқат гузоштааст. Ӯ тӯли фаъолияташ дар вазифаҳои пурмасъули муовини аввали Сарвазири Ҷумҳурии Тоҷикистон, референти калони котиботи Президенти Ҷумҳурии Тоҷикистон дар рушду нумӯи иқтисоди кишвар ва тарбияи кадрҳои болаёқат саҳми арзандаи хешро гузошта, эътибори касбӣ ва самимияти инсонияш дар қалби садҳо мутахассисони варзида ва созандагони кишвар ба абадият нақши худро гузоштааст.
Устод қатъи назар аз он, ки бознишастаи хидматҳои давлатӣ мебошад, ҳамкориашро аз Ҳукумат накандааст. Ин шахсияти шинохтаи фарҳангӣ, илмӣ ва соҳибэъҷози миллат ҳанӯз ҳам дар тарбияи кадрҳои ҷавони ояндасози кишвар саҳм мегузорад. Устод зиндагиномаи рангин доранд, балки рӯзгоре барои ибрат.
Ҷумъахон ТЕМУРЗОДА


Баёни ақида (0)    Санаи нашр: 17.01.2020    №: 14    Мутолиа карданд: 351
05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД


Дар сомонаҳои дигари Тоҷикистон хонед